UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8044
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
pṛthām āmantrya govindaḥ kṛtvā cāpi pradakṣiṇam / (1.2)
Par.?
duryodhanagṛhaṃ śaurir abhyagacchad ariṃdamaḥ // (1.3)
Par.?
lakṣmyā paramayā yuktaṃ puraṃdaragṛhopamam / (2.1)
Par.?
tasya kakṣyā vyatikramya tisro dvāḥsthair avāritaḥ // (2.2)
Par.?
tato 'bhraghanasaṃkāśaṃ girikūṭam ivocchritam / (3.1)
Par.?
śriyā jvalantaṃ prāsādam āruroha mahāyaśāḥ // (3.2)
Par.?
tatra rājasahasraiśca kurubhiścābhisaṃvṛtam / (4.1)
Par.?
dhārtarāṣṭraṃ mahābāhuṃ dadarśāsīnam āsane // (4.2)
Par.?
duḥśāsanaṃ ca karṇaṃ ca śakuniṃ cāpi saubalam / (5.1)
Par.?
duryodhanasamīpe tān āsanasthān dadarśa saḥ // (5.2)
Par.?
abhyāgacchati dāśārhe dhārtarāṣṭro mahāyaśāḥ / (6.1) Par.?
udatiṣṭhat sahāmātyaḥ pūjayanmadhusūdanam // (6.2)
Par.?
sametya dhārtarāṣṭreṇa sahāmātyena keśavaḥ / (7.1)
Par.?
rājabhistatra vārṣṇeyaḥ samāgacchad yathāvayaḥ // (7.2)
Par.?
tatra jāmbūnadamayaṃ paryaṅkaṃ supariṣkṛtam / (8.1)
Par.?
vividhāstaraṇāstīrṇam abhyupāviśad acyutaḥ // (8.2)
Par.?
tasmin gāṃ madhuparkaṃ ca upahṛtya janārdane / (9.1)
Par.?
nivedayāmāsa tadā gṛhān rājyaṃ ca kauravaḥ // (9.2)
Par.?
tatra govindam āsīnaṃ prasannādityavarcasam / (10.1)
Par.?
upāsāṃcakrire sarve kuravo rājabhiḥ saha // (10.2)
Par.?
tato duryodhano rājā vārṣṇeyaṃ jayatāṃ varam / (11.1)
Par.?
nyamantrayad bhojanena nābhyanandacca keśavaḥ // (11.2)
Par.?
tato duryodhanaḥ kṛṣṇam abravīd rājasaṃsadi / (12.1)
Par.?
mṛdupūrvaṃ śaṭhodarkaṃ karṇam ābhāṣya kauravaḥ // (12.2)
Par.?
kasmād annāni pānāni vāsāṃsi śayanāni ca / (13.1)
Par.?
tvadartham upanītāni nāgrahīstvaṃ janārdana // (13.2)
Par.?
ubhayoścādadaḥ sāhyam ubhayośca hite rataḥ / (14.1)
Par.?
saṃbandhī dayitaścāsi dhṛtarāṣṭrasya mādhava // (14.2)
Par.?
tvaṃ hi govinda dharmārthau vettha tattvena sarvaśaḥ / (15.1)
Par.?
tatra kāraṇam icchāmi śrotuṃ cakragadādhara // (15.2)
Par.?
sa evam ukto govindaḥ pratyuvāca mahāmanāḥ / (16.1)
Par.?
oghameghasvanaḥ kāle pragṛhya vipulaṃ bhujam // (16.2)
Par.?
anambūkṛtam agrastam anirastam asaṃkulam / (17.1)
Par.?
rājīvanetro rājānaṃ hetumadvākyam uttamam // (17.2)
Par.?
kṛtārthā bhuñjate dūtāḥ pūjāṃ gṛhṇanti caiva hi / (18.1)
Par.?
kṛtārthaṃ māṃ sahāmātyastvam arciṣyasi bhārata // (18.2)
Par.?
evam uktaḥ pratyuvāca dhārtarāṣṭro janārdanam / (19.1)
Par.?
na yuktaṃ bhavatāsmāsu pratipattum asāṃpratam // (19.2)
Par.?
kṛtārthaṃ cākṛtārthaṃ ca tvāṃ vayaṃ madhusūdana / (20.1)
Par.?
yatāmahe pūjayituṃ govinda na ca śaknumaḥ // (20.2)
Par.?
na ca tat kāraṇaṃ vidmo yasminno madhusūdana / (21.1)
Par.?
pūjāṃ kṛtāṃ prīyamāṇair nāmaṃsthāḥ puruṣottama // (21.2)
Par.?
vairaṃ no nāsti bhavatā govinda na ca vigrahaḥ / (22.1)
Par.?
sa bhavān prasamīkṣyaitannedṛśaṃ vaktum arhati // (22.2)
Par.?
evam uktaḥ pratyuvāca dhārtarāṣṭraṃ janārdanaḥ / (23.1)
Par.?
abhivīkṣya sahāmātyaṃ dāśārhaḥ prahasann iva // (23.2)
Par.?
nāhaṃ kāmānna saṃrambhānna dveṣānnārthakāraṇāt / (24.1)
Par.?
na hetuvādāl lobhād vā dharmaṃ jahyāṃ kathaṃcana // (24.2)
Par.?
saṃprītibhojyānyannāni āpadbhojyāni vā punaḥ / (25.1)
Par.?
na ca saṃprīyase rājanna cāpyāpadgatā vayam // (25.2)
Par.?
akasmād dviṣase rājañ janmaprabhṛti pāṇḍavān / (26.1)
Par.?
priyānuvartino bhrātṝn sarvaiḥ samuditān guṇaiḥ // (26.2)
Par.?
akasmāccaiva pārthānāṃ dveṣaṇaṃ nopapadyate / (27.1)
Par.?
dharme sthitāḥ pāṇḍaveyāḥ kastān kiṃ vaktum arhati // (27.2)
Par.?
yastān dveṣṭi sa māṃ dveṣṭi yastān anu sa mām anu / (28.1)
Par.?
aikātmyaṃ māṃ gataṃ viddhi pāṇḍavair dharmacāribhiḥ // (28.2)
Par.?
kāmakrodhānuvartī hi yo mohād virurutsate / (29.1)
Par.?
guṇavantaṃ ca yo dveṣṭi tam āhuḥ puruṣādhamam // (29.2)
Par.?
yaḥ kalyāṇaguṇāñ jñātīnmohāl lobhād didṛkṣate / (30.1)
Par.?
so 'jitātmājitakrodho na ciraṃ tiṣṭhati śriyam // (30.2)
Par.?
atha yo guṇasampannān hṛdayasyāpriyān api / (31.1)
Par.?
priyeṇa kurute vaśyāṃściraṃ yaśasi tiṣṭhati // (31.2)
Par.?
sarvam etad abhoktavyam annaṃ duṣṭābhisaṃhitam / (32.1)
Par.?
kṣattur ekasya bhoktavyam iti me dhīyate matiḥ // (32.2)
Par.?
evam uktvā mahābāhur duryodhanam amarṣaṇam / (33.1)
Par.?
niścakrāma tataḥ śubhrād dhārtarāṣṭraniveśanāt // (33.2)
Par.?
niryāya ca mahābāhur vāsudevo mahāmanāḥ / (34.1)
Par.?
niveśāya yayau veśma vidurasya mahātmanaḥ // (34.2)
Par.?
tam abhyagacchad droṇaśca kṛpo bhīṣmo 'tha bāhlikaḥ / (35.1)
Par.?
kuravaśca mahābāhuṃ vidurasya gṛhe sthitam // (35.2)
Par.?
te 'bhigamyābruvaṃstatra kuravo madhusūdanam / (36.1)
Par.?
nivedayāmo vārṣṇeya saratnāṃste gṛhānvayam // (36.2)
Par.?
tān uvāca mahātejāḥ kauravānmadhusūdanaḥ / (37.1)
Par.?
sarve bhavanto gacchantu sarvā me 'pacitiḥ kṛtā // (37.2)
Par.?
yāteṣu kuruṣu kṣattā dāśārham aparājitam / (38.1)
Par.?
abhyarcayāmāsa tadā sarvakāmaiḥ prayatnavān // (38.2)
Par.?
tataḥ kṣattānnapānāni śucīni guṇavanti ca / (39.1)
Par.?
upāharad anekāni keśavāya mahātmane // (39.2)
Par.?
tais tarpayitvā prathamaṃ brāhmaṇānmadhusūdanaḥ / (40.1)
Par.?
vedavidbhyo dadau kṛṣṇaḥ paramadraviṇānyapi // (40.2)
Par.?
tato 'nuyāyibhiḥ sārdhaṃ marudbhir iva vāsavaḥ / (41.1)
Par.?
vidurānnāni bubhuje śucīni guṇavanti ca // (41.2)
Par.?
Duration=0.33826613426208 secs.