UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8099
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tataḥ sūryānniścaritāṃ karṇaḥ śuśrāva bhāratīm / (1.2)
Par.?
duratyayāṃ praṇayinīṃ pitṛvad bhāskareritām // (1.3)
Par.?
satyam āha pṛthā vākyaṃ karṇa mātṛvacaḥ kuru / (2.1)
Par.?
śreyaste syānnaravyāghra sarvam ācaratastathā // (2.2)
Par.?
evam uktasya mātrā ca svayaṃ pitrā ca bhānunā / (3.1)
Par.?
cacāla naiva karṇasya matiḥ satyadhṛtestadā // (3.2)
Par.?
karṇa uvāca / (4.1)
Par.?
na te na śraddadhe vākyaṃ kṣatriye bhāṣitaṃ tvayā / (4.2)
Par.?
dharmadvāraṃ mamaitat syānniyogakaraṇaṃ tava // (4.3)
Par.?
akaronmayi yat pāpaṃ bhavatī sumahātyayam / (5.1)
Par.?
avakīrṇo 'smi te tena tad yaśaḥkīrtināśanam // (5.2)
Par.?
ahaṃ ca kṣatriyo jāto na prāptaḥ kṣatrasatkriyām / (6.1)
Par.?
tvatkṛte kiṃ nu pāpīyaḥ śatruḥ kuryānmamāhitam // (6.2)
Par.?
kriyākāle tvanukrośam akṛtvā tvam imaṃ mama / (7.1)
Par.?
hīnasaṃskārasamayam adya māṃ samacūcudaḥ // (7.2)
Par.?
na vai mama hitaṃ pūrvaṃ mātṛvacceṣṭitaṃ tvayā / (8.1)
Par.?
sā māṃ saṃbodhayasyadya kevalātmahitaiṣiṇī // (8.2)
Par.?
kṛṣṇena sahitāt ko vai na vyatheta dhanaṃjayāt / (9.1)
Par.?
ko 'dya bhītaṃ na māṃ vidyāt pārthānāṃ samitiṃ gatam // (9.2)
Par.?
abhrātā viditaḥ pūrvaṃ yuddhakāle prakāśitaḥ / (10.1)
Par.?
pāṇḍavān yadi gacchāmi kiṃ māṃ kṣatraṃ vadiṣyati // (10.2)
Par.?
sarvakāmaiḥ saṃvibhaktaḥ pūjitaśca sadā bhṛśam / (11.1) Par.?
ahaṃ vai dhārtarāṣṭrāṇāṃ kuryāṃ tad aphalaṃ katham // (11.2)
Par.?
upanahya parair vairaṃ ye māṃ nityam upāsate / (12.1)
Par.?
namaskurvanti ca sadā vasavo vāsavaṃ yathā // (12.2)
Par.?
mama prāṇena ye śatrūñ śaktāḥ pratisamāsitum / (13.1)
Par.?
manyante 'dya kathaṃ teṣām ahaṃ bhindyāṃ manoratham // (13.2)
Par.?
mayā plavena saṃgrāmaṃ titīrṣanti duratyayam / (14.1)
Par.?
apāre pārakāmā ye tyajeyaṃ tān ahaṃ katham // (14.2)
Par.?
ayaṃ hi kālaḥ samprāpto dhārtarāṣṭropajīvinām / (15.1)
Par.?
nirveṣṭavyaṃ mayā tatra prāṇān aparirakṣatā // (15.2)
Par.?
kṛtārthāḥ subhṛtā ye hi kṛtyakāla upasthite / (16.1)
Par.?
anavekṣya kṛtaṃ pāpā vikurvantyanavasthitāḥ // (16.2)
Par.?
rājakilbiṣiṇāṃ teṣāṃ bhartṛpiṇḍāpahāriṇām / (17.1)
Par.?
naivāyaṃ na paro loko vidyate pāpakarmaṇām // (17.2)
Par.?
dhṛtarāṣṭrasya putrāṇām arthe yotsyāmi te sutaiḥ / (18.1)
Par.?
balaṃ ca śaktiṃ cāsthāya na vai tvayyanṛtaṃ vade // (18.2)
Par.?
ānṛśaṃsyam atho vṛttaṃ rakṣan satpuruṣocitam / (19.1)
Par.?
ato 'rthakaram apyetanna karomyadya te vacaḥ // (19.2)
Par.?
na tu te 'yaṃ samārambho mayi mogho bhaviṣyati / (20.1)
Par.?
vadhyān viṣahyān saṃgrāme na haniṣyāmi te sutān / (20.2)
Par.?
yudhiṣṭhiraṃ ca bhīmaṃ ca yamau caivārjunād ṛte // (20.3)
Par.?
arjunena samaṃ yuddhaṃ mama yaudhiṣṭhire bale / (21.1)
Par.?
arjunaṃ hi nihatyājau samprāptaṃ syāt phalaṃ mayā / (21.2)
Par.?
yaśasā cāpi yujyeyaṃ nihataḥ savyasācinā // (21.3)
Par.?
na te jātu naśiṣyanti putrāḥ pañca yaśasvini / (22.1)
Par.?
nirarjunāḥ sakarṇā vā sārjunā vā hate mayi // (22.2)
Par.?
vaiśaṃpāyana uvāca / (23.1)
Par.?
iti karṇavacaḥ śrutvā kuntī duḥkhāt pravepatī / (23.2)
Par.?
uvāca putram āśliṣya karṇaṃ dhairyād akampitam // (23.3)
Par.?
evaṃ vai bhāvyam etena kṣayaṃ yāsyanti kauravāḥ / (24.1)
Par.?
yathā tvaṃ bhāṣase karṇa daivaṃ tu balavattaram // (24.2)
Par.?
tvayā caturṇāṃ bhrātṝṇām abhayaṃ śatrukarśana / (25.1)
Par.?
dattaṃ tat pratijānīhi saṃgarapratimocanam // (25.2)
Par.?
anāmayaṃ svasti ceti pṛthātho karṇam abravīt / (26.1)
Par.?
tāṃ karṇo 'bhyavadat prītastatastau jagmatuḥ pṛthak // (26.2)
Par.?
Duration=0.093264102935791 secs.