Texts

Help

Select a text:
Bibliography

Select a chapter:
(no revisions)

Associated topic(s): war

Show parallels Show headlines
Use dependency labeler

Chapter id: 7995

Click on a sentence to show its analysis
Keep the mouse pointer over a lemma to show its meanings.

dhṛtarāṣṭra uvāca / (1.1) Par.?

karṇaduryodhanādīnāṃ śakuneḥ saubalasya ca / (1.2) Par.?

apanītaṃ mahat tāta tava caiva viśeṣataḥ // (1.3) Par.?

yad ājānīta tāṃ śaktim ekaghnīṃ satataṃ raṇe / (2.1) Par.?

anivāryām asahyāṃ ca devair api savāsavaiḥ // (2.2) Par.?

sā kimarthaṃ na karṇena pravṛtte samare purā / (3.1) Par.?

na devakīsute muktā phalgune vāpi saṃjaya // (3.2) Par.?

saṃjaya uvāca / (4.1) Par.?

saṃgrāmād vinivṛttānāṃ sarveṣāṃ no viśāṃ pate / (4.2) Par.?

rātrau kurukulaśreṣṭha mantro 'yaṃ samajāyata // (4.3) Par.?

prabhātamātre śvobhūte keśavāyārjunāya vā / (5.1) Par.?

śaktir eṣā vimoktavyā karṇa karṇeti nityaśaḥ // (5.2) Par.?

tataḥ prabhātasamaye rājan karṇasya daivataiḥ / (6.1) Par.?

anyeṣāṃ caiva yodhānāṃ sā buddhir naśyate punaḥ // (6.2) Par.?

daivam eva paraṃ manye yat karṇo hastasaṃsthayā / (7.1) Par.?

na jaghāna raṇe pārthaṃ kṛṣṇaṃ vā devakīsutam // (7.2) Par.?

tasya hastasthitā śaktiḥ kālarātrir ivodyatā / (8.1) Par.?

daivopahatabuddhitvānna tāṃ karṇo vimuktavān // (8.2) Par.?

kṛṣṇe vā devakīputre mohito devamāyayā / (9.1) Par.?

pārthe vā śakrakalpe vai vadhārthaṃ vāsavīṃ prabho // (9.2) Par.?

dhṛtarāṣṭra uvāca / (10.1) Par.?

daivenaiva hatā yūyaṃ svabuddhyā keśavasya ca / (10.2) Par.?

gatā hi vāsavī hatvā tṛṇabhūtaṃ ghaṭotkacam // (10.3) Par.?

karṇaśca mama putrāśca sarve cānye ca pārthivāḥ / (11.1) Par.?

anena duṣpraṇītena gatā vaivasvatakṣayam // (11.2) Par.?

bhūya eva tu me śaṃsa yathā yuddham avartata / (12.1) Par.?

kurūṇāṃ pāṇḍavānāṃ ca haiḍimbe nihate tadā // (12.2) Par.?

ye ca te 'bhyadravan droṇaṃ vyūḍhānīkāḥ prahāriṇaḥ / (13.1) Par.?

sṛñjayāḥ saha pāñcālaiste 'pyakurvan kathaṃ raṇam // (13.2) Par.?

saumadatter vadhād droṇam āyastaṃ saindhavasya ca / (14.1) Par.?

amarṣājjīvitaṃ tyaktvā gāhamānaṃ varūthinīm // (14.2) Par.?

jṛmbhamāṇam iva vyāghraṃ vyāttānanam ivāntakam / (15.1) Par.?

kathaṃ pratyudyayur droṇam asyantaṃ pāṇḍusṛñjayāḥ // (15.2) Par.?

ācāryaṃ ye ca te 'rakṣan duryodhanapurogamāḥ / (16.1) Par.?

drauṇikarṇakṛpāstāta te 'pyakurvan kim āhave // (16.2) Par.?

bhāradvājaṃ jighāṃsantau savyasācivṛkodarau / (17.1) Par.?

samārchan māmakā yuddhe kathaṃ saṃjaya śaṃsa me // (17.2) Par.?

sindhurājavadheneme ghaṭotkacavadhena te / (18.1) Par.?

amarṣitāḥ susaṃkruddhā raṇaṃ cakruḥ kathaṃ niśi // (18.2) Par.?

saṃjaya uvāca / (19.1) Par.?

hate ghaṭotkace rājan karṇena niśi rākṣase / (19.2) Par.?

praṇadatsu ca hṛṣṭeṣu tāvakeṣu yuyutsuṣu // (19.3) Par.?

āpatatsu ca vegena vadhyamāne bale 'pi ca / (20.1) Par.?

vigāḍhāyāṃ rajanyāṃ ca rājā dainyaṃ paraṃ gataḥ // (20.2) Par.?

abravīcca mahābāhur bhīmasenaṃ paraṃtapaḥ / (21.1) Par.?

āvāraya mahābāho dhārtarāṣṭrasya vāhinīm / (21.2) Par.?

haiḍimbasyābhighātena moho mām āviśanmahān // (21.3) Par.?

evaṃ bhīmaṃ samādiśya svarathe samupāviśat / (22.1) Par.?

aśrupūrṇamukho rājā niḥśvasaṃśca punaḥ punaḥ / (22.2) Par.?

kaśmalaṃ prāviśad ghoraṃ dṛṣṭvā karṇasya vikramam // (22.3) Par.?

taṃ tathā vyathitaṃ dṛṣṭvā kṛṣṇo vacanam abravīt / (23.1) Par.?

mā vyathāṃ kuru kaunteya naitat tvayyupapadyate / (23.2) Par.?

vaiklavyaṃ bharataśreṣṭha yathā prākṛtapūruṣe // (23.3) Par.?

uttiṣṭha rājan yudhyasva vaha gurvīṃ dhuraṃ vibho / (24.1) Par.?

tvayi vaiklavyam āpanne saṃśayo vijaye bhavet // (24.2) Par.?

śrutvā kṛṣṇasya vacanaṃ dharmarājo yudhiṣṭhiraḥ / (25.1) Par.?

vimṛjya netre pāṇibhyāṃ kṛṣṇaṃ vacanam abravīt // (25.2) Par.?

viditā te mahābāho dharmāṇāṃ paramā gatiḥ / (26.1) Par.?

brahmahatyāphalaṃ tasya yaḥ kṛtaṃ nāvabudhyate // (26.2) Par.?

asmākaṃ hi vanasthānāṃ haiḍimbena mahātmanā / (27.1) Par.?

bālenāpi satā tena kṛtaṃ sāhyaṃ janārdana // (27.2) Par.?

astrahetor gataṃ jñātvā pāṇḍavaṃ śvetavāhanam / (28.1) Par.?

asau kṛṣṇa maheṣvāsaḥ kāmyake mām upasthitaḥ / (28.2) Par.?

uṣitaśca sahāsmābhir yāvannāsīd dhanaṃjayaḥ // (28.3) Par.?

gandhamādanayātrāyāṃ durgebhyaśca sma tāritāḥ / (29.1) Par.?

pāñcālī ca pariśrāntā pṛṣṭhenoḍhā mahātmanā // (29.2) Par.?

ārambhāccaiva yuddhānāṃ yad eṣa kṛtavān prabho / (30.1) Par.?

madarthaṃ duṣkaraṃ karma kṛtaṃ tena mahātmanā // (30.2) Par.?

svabhāvād yā ca me prītiḥ sahadeve janārdana / (31.1) Par.?

saiva me dviguṇā prītī rākṣasendre ghaṭotkace // (31.2) Par.?

bhaktaśca me mahābāhuḥ priyo 'syāhaṃ priyaśca me / (32.1) Par.?

yena vindāmi vārṣṇeya kaśmalaṃ śokatāpitaḥ // (32.2) Par.?

paśya sainyāni vārṣṇeya drāvyamāṇāni kauravaiḥ / (33.1) Par.?

droṇakarṇau ca saṃyattau paśya yuddhe mahārathau // (33.2) Par.?

niśīthe pāṇḍavaṃ sainyam ābhyāṃ paśya pramarditam / (34.1) Par.?

gajābhyām iva mattābhyāṃ yathā naḍavanaṃ mahat // (34.2) Par.?

anādṛtya balaṃ bāhvor bhīmasenasya mādhava / (35.1) Par.?

citrāstratāṃ ca pārthasya vikramante sma kauravāḥ // (35.2) Par.?

eṣa droṇaśca karṇaśca rājā caiva suyodhanaḥ / (36.1) Par.?

nihatya rākṣasaṃ yuddhe hṛṣṭā nardanti saṃyuge // (36.2) Par.?

katham asmāsu jīvatsu tvayi caiva janārdana / (37.1) Par.?

haiḍimbaḥ prāptavānmṛtyuṃ sūtaputreṇa saṃgataḥ // (37.2) Par.?

kadarthīkṛtya naḥ sarvān paśyataḥ savyasācinaḥ / (38.1) Par.?

nihato rākṣasaḥ kṛṣṇa bhaimasenir mahābalaḥ // (38.2) Par.?

yadābhimanyur nihato dhārtarāṣṭrair durātmabhiḥ / (39.1) Par.?

nāsīt tatra raṇe kṛṣṇa savyasācī mahārathaḥ // (39.2) Par.?

niruddhāśca vayaṃ sarve saindhavena durātmanā / (40.1) Par.?

nimittam abhavad droṇaḥ saputrastatra karmaṇi // (40.2) Par.?

upadiṣṭo vadhopāyaḥ karṇasya guruṇā svayam / (41.1) Par.?

vyāyacchataśca khaḍgena dvidhā khaḍgaṃ cakāra ha // (41.2) Par.?

vyasane vartamānasya kṛtavarmā nṛśaṃsavat / (42.1) Par.?

aśvāñ jaghāna sahasā tathobhau pārṣṇisārathī / (42.2) Par.?

tathetare maheṣvāsāḥ saubhadraṃ yudhyapātayan // (42.3) Par.?

alpe ca kāraṇe kṛṣṇa hato gāṇḍīvadhanvanā / (43.1) Par.?

saindhavo yādavaśreṣṭha tacca nātipriyaṃ mama // (43.2) Par.?

yadi śatruvadhe nyāyyo bhavet kartuṃ ca pāṇḍavaiḥ / (44.1) Par.?

droṇakarṇau raṇe pūrvaṃ hantavyāviti me matiḥ // (44.2) Par.?

etau mūlaṃ hi duḥkhānām asmākaṃ puruṣarṣabha / (45.1) Par.?

etau raṇe samāsādya parāśvastaḥ suyodhanaḥ // (45.2) Par.?

yatra vadhyo bhaved droṇaḥ sūtaputraśca sānugaḥ / (46.1) Par.?

tatrāvadhīnmahābāhuḥ saindhavaṃ dūravāsinam // (46.2) Par.?

avaśyaṃ tu mayā kāryaḥ sūtaputrasya nigrahaḥ / (47.1) Par.?

tato yāsyāmyahaṃ vīra svayaṃ karṇajighāṃsayā / (47.2) Par.?

bhīmaseno mahābāhur droṇānīkena saṃgataḥ // (47.3) Par.?

evam uktvā yayau tūrṇaṃ tvaramāṇo yudhiṣṭhiraḥ / (48.1) Par.?

sa visphārya mahaccāpaṃ śaṅkhaṃ pradhmāpya bhairavam // (48.2) Par.?

tato rathasahasreṇa gajānāṃ ca śataistribhiḥ / (49.1) Par.?

vājibhiḥ pañcasāhasraistrisāhasraiḥ prabhadrakaiḥ / (49.2) Par.?

vṛtaḥ śikhaṇḍī tvarito rājānaṃ pṛṣṭhato 'nvayāt // (49.3) Par.?

tato bherīḥ samājaghnuḥ śaṅkhān dadhmuśca daṃśitāḥ / (50.1) Par.?

pāñcālāḥ pāṇḍavāścaiva yudhiṣṭhirapurogamāḥ // (50.2) Par.?

tato 'bravīnmahābāhur vāsudevo dhanaṃjayam / (51.1) Par.?

eṣa prayāti tvaritaḥ krodhāviṣṭo yudhiṣṭhiraḥ / (51.2) Par.?

jighāṃsuḥ sūtaputrasya tasyopekṣā na yujyate // (51.3) Par.?

evam uktvā hṛṣīkeśaḥ śīghram aśvān acodayat / (52.1) Par.?

dūraṃ ca yātaṃ rājānam anvagacchajjanārdanaḥ // (52.2) Par.?

taṃ dṛṣṭvā sahasā yāntaṃ sūtaputrajighāṃsayā / (53.1) Par.?

śokopahatasaṃkalpaṃ dahyamānam ivāgninā / (53.2) Par.?

abhigamyābravīd vyāso dharmaputraṃ yudhiṣṭhiram // (53.3) Par.?

karṇam āsādya saṃgrāme diṣṭyā jīvati phalgunaḥ / (54.1) Par.?

savyasācivadhākāṅkṣī śaktiṃ rakṣitavān hi saḥ // (54.2) Par.?

na cāgād dvairathaṃ jiṣṇur diṣṭyā taṃ bharatarṣabha / (55.1) Par.?

sṛjetāṃ spardhināvetau divyānyastrāṇi sarvaśaḥ // (55.2) Par.?

vadhyamāneṣu cāstreṣu pīḍitaḥ sūtanandanaḥ / (56.1) Par.?

vāsavīṃ samare śaktiṃ dhruvaṃ muñced yudhiṣṭhira // (56.2) Par.?

tato bhavet te vyasanaṃ ghoraṃ bharatasattama / (57.1) Par.?

diṣṭyā rakṣo hataṃ yuddhe sūtaputreṇa mānada // (57.2) Par.?

vāsavīṃ kāraṇaṃ kṛtvā kālenāpahato hyasau / (58.1) Par.?

tavaiva kāraṇād rakṣo nihataṃ tāta saṃyuge // (58.2) Par.?

mā krudho bharataśreṣṭha mā ca śoke manaḥ kṛthāḥ / (59.1) Par.?

prāṇinām iha sarveṣām eṣā niṣṭhā yudhiṣṭhira // (59.2) Par.?

bhrātṛbhiḥ sahitaḥ sarvaiḥ pārthivaiśca mahātmabhiḥ / (60.1) Par.?

kauravān samare rājann abhiyudhyasva bhārata / (60.2) Par.?

pañcame divase caiva pṛthivī te bhaviṣyati // (60.3) Par.?

nityaṃ ca puruṣavyāghra dharmam eva vicintaya / (61.1) Par.?

ānṛśaṃsyaṃ tapo dānaṃ kṣamāṃ satyaṃ ca pāṇḍava // (61.2) Par.?

sevethāḥ paramaprīto yato dharmastato jayaḥ / (62.1) Par.?

ityuktvā pāṇḍavaṃ vyāsastatraivāntaradhīyata // (62.2) Par.?

Duration=0.21912097930908 secs.