UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9012
- Click on a sentence to show its analysis
- Keep the mouse pointer over a lemma to show its meanings.
saṃjaya uvāca / (1.1)
Par.?
śalye tu nihate rājanmadrarājapadānugāḥ / (1.2)
Par.?
rathāḥ saptaśatā vīrā niryayur mahato balāt // (1.3)
Par.?
duryodhanastu dviradam āruhyācalasaṃnibham / (2.1)
Par.?
chatreṇa dhriyamāṇena vījyamānaśca cāmaraiḥ / (2.2)
Par.?
na gantavyaṃ na gantavyam iti madrān avārayat // (2.3)
Par.?
duryodhanena te vīrā vāryamāṇāḥ punaḥ punaḥ / (3.1)
Par.?
yudhiṣṭhiraṃ jighāṃsantaḥ pāṇḍūnāṃ prāviśan balam // (3.2)
Par.?
te tu śūrā mahārāja kṛtacittāḥ sma yodhane / (4.1)
Par.?
dhanuḥśabdaṃ mahat kṛtvā sahāyudhyanta pāṇḍavaiḥ // (4.2)
Par.?
śrutvā tu nihataṃ śalyaṃ dharmaputraṃ ca pīḍitam / (5.1)
Par.?
madrarājapriye yuktair madrakāṇāṃ mahārathaiḥ // (5.2)
Par.?
ājagāma tataḥ pārtho gāṇḍīvaṃ vikṣipan dhanuḥ / (6.1)
Par.?
pūrayan rathaghoṣeṇa diśaḥ sarvā mahārathaḥ // (6.2)
Par.?
tato 'rjunaśca bhīmaśca mādrīputrau ca pāṇḍavau / (7.1)
Par.?
sātyakiśca naravyāghro draupadeyāśca sarvaśaḥ // (7.2)
Par.?
dhṛṣṭadyumnaḥ śikhaṇḍī ca pāñcālāḥ saha somakaiḥ / (8.1)
Par.?
yudhiṣṭhiraṃ parīpsantaḥ samantāt paryavārayan // (8.2)
Par.?
te samantāt parivṛtāḥ pāṇḍavaiḥ puruṣarṣabhāḥ / (9.1)
Par.?
kṣobhayanti sma tāṃ senāṃ makarāḥ sāgaraṃ yathā // (9.2)
Par.?
purovātena gaṅgeva kṣobhyamānā mahānadī / (10.1)
Par.?
akṣobhyata tadā rājan pāṇḍūnāṃ dhvajinī punaḥ // (10.2)
Par.?
praskandya senāṃ mahatīṃ tyaktātmāno mahārathāḥ / (11.1)
Par.?
vṛkṣān iva mahāvātāḥ kampayanti sma tāvakāḥ // (11.2)
Par.?
bahavaścukruśustatra kva sa rājā yudhiṣṭhiraḥ / (12.1)
Par.?
bhrātaro vāsya te śūrā dṛśyante neha kecana // (12.2)
Par.?
pāñcālānāṃ mahāvīryāḥ śikhaṇḍī ca mahārathaḥ / (13.1)
Par.?
dhṛṣṭadyumno 'tha śaineyo draupadeyāśca sarvaśaḥ // (13.2)
Par.?
evaṃ tān vādinaḥ śūrān draupadeyā mahārathāḥ / (14.1)
Par.?
abhyaghnan yuyudhānaśca madrarājapadānugān // (14.2)
Par.?
cakrair vimathitaiḥ kecit kecicchinnair mahādhvajaiḥ / (15.1)
Par.?
pratyadṛśyanta samare tāvakā nihatāḥ paraiḥ // (15.2)
Par.?
ālokya pāṇḍavān yuddhe yodhā rājan samantataḥ / (16.1)
Par.?
vāryamāṇā yayur vegāt tava putreṇa bhārata // (16.2)
Par.?
duryodhanastu tān vīrān vārayāmāsa sāntvayan / (17.1)
Par.?
na cāsya śāsanaṃ kaścit tatra cakre mahārathaḥ // (17.2)
Par.?
tato gāndhārarājasya putraḥ śakunir abravīt / (18.1)
Par.?
duryodhanaṃ mahārāja vacanaṃ vacanakṣamaḥ // (18.2)
Par.?
kiṃ naḥ samprekṣamāṇānāṃ madrāṇāṃ hanyate balam / (19.1)
Par.?
na yuktam etat samare tvayi tiṣṭhati bhārata // (19.2)
Par.?
sahitair nāma yoddhavyam ityeṣa samayaḥ kṛtaḥ / (20.1)
Par.?
atha kasmāt parān eva ghnato marṣayase nṛpa // (20.2)
Par.?
duryodhana uvāca / (21.1) Par.?
vāryamāṇā mayā pūrvaṃ naite cakrur vaco mama / (21.2)
Par.?
ete hi nihatāḥ sarve praskannāḥ pāṇḍuvāhinīm // (21.3)
Par.?
śakunir uvāca / (22.1)
Par.?
na bhartuḥ śāsanaṃ vīrā raṇe kurvantyamarṣitāḥ / (22.2)
Par.?
alaṃ kroddhuṃ tathaiteṣāṃ nāyaṃ kāla upekṣitum // (22.3)
Par.?
yāmaḥ sarve 'tra sambhūya savājirathakuñjarāḥ / (23.1)
Par.?
paritrātuṃ maheṣvāsān madrarājapadānugān // (23.2)
Par.?
anyonyaṃ parirakṣāmo yatnena mahatā nṛpa / (24.1)
Par.?
evaṃ sarve 'nusaṃcintya prayayur yatra sainikāḥ // (24.2)
Par.?
saṃjaya uvāca / (25.1)
Par.?
evam uktastato rājā balena mahatā vṛtaḥ / (25.2)
Par.?
prayayau siṃhanādena kampayan vai vasuṃdharām // (25.3)
Par.?
hata vidhyata gṛhṇīta praharadhvaṃ nikṛntata / (26.1)
Par.?
ityāsīt tumulaḥ śabdastava sainyasya bhārata // (26.2)
Par.?
pāṇḍavāstu raṇe dṛṣṭvā madrarājapadānugān / (27.1)
Par.?
sahitān abhyavartanta gulmam āsthāya madhyamam // (27.2)
Par.?
te muhūrtād raṇe vīrā hastāhastaṃ viśāṃ pate / (28.1)
Par.?
nihatāḥ pratyadṛśyanta madrarājapadānugāḥ // (28.2)
Par.?
tato naḥ samprayātānāṃ hatāmitrāstarasvinaḥ / (29.1)
Par.?
hṛṣṭāḥ kilakilāśabdam akurvan sahitāḥ pare // (29.2)
Par.?
athotthitāni ruṇḍāni samadṛśyanta sarvaśaḥ / (30.1)
Par.?
papāta mahatī colkā madhyenādityamaṇḍalam // (30.2)
Par.?
rathair bhagnair yugākṣaiśca nihataiśca mahārathaiḥ / (31.1)
Par.?
aśvair nipatitaiścaiva saṃchannābhūd vasuṃdharā // (31.2)
Par.?
vātāyamānaisturagair yugāsaktaisturaṃgamaiḥ / (32.1)
Par.?
adṛśyanta mahārāja yodhāstatra raṇājire // (32.2)
Par.?
bhagnacakrān rathān kecidavahaṃsturagā raṇe / (33.1)
Par.?
rathārdhaṃ kecid ādāya diśo daśa vibabhramuḥ / (33.2)
Par.?
tatra tatra ca dṛśyante yoktraiḥ śliṣṭāḥ sma vājinaḥ // (33.3)
Par.?
rathinaḥ patamānāśca vyadṛśyanta narottama / (34.1)
Par.?
gaganāt pracyutāḥ siddhāḥ puṇyānām iva saṃkṣaye // (34.2)
Par.?
nihateṣu ca śūreṣu madrarājānugeṣu ca / (35.1)
Par.?
asmān āpatataścāpi dṛṣṭvā pārthā mahārathāḥ // (35.2)
Par.?
abhyavartanta vegena jayagṛdhrāḥ prahāriṇaḥ / (36.1)
Par.?
bāṇaśabdaravān kṛtvā vimiśrāñ śaṅkhanisvanaiḥ // (36.2)
Par.?
asmāṃstu punar āsādya labdhalakṣāḥ prahāriṇaḥ / (37.1)
Par.?
śarāsanāni dhunvānāḥ siṃhanādān pracukruśuḥ // (37.2)
Par.?
tato hatam abhiprekṣya madrarājabalaṃ mahat / (38.1)
Par.?
madrarājaṃ ca samare dṛṣṭvā śūraṃ nipātitam / (38.2)
Par.?
duryodhanabalaṃ sarvaṃ punar āsīt parāṅmukham // (38.3)
Par.?
vadhyamānaṃ mahārāja pāṇḍavair jitakāśibhiḥ / (39.1)
Par.?
diśo bheje 'tha saṃbhrāntaṃ trāsitaṃ dṛḍhadhanvibhiḥ // (39.2)
Par.?
Duration=0.1662130355835 secs.