Texts

manur uvāca / (1.1) Par.?

yadā te pañcabhiḥ pañca vimuktā manasā saha / (1.2) Par.?

atha tad drakṣyase brahma maṇau sūtram ivārpitam // (1.3) Par.?

tad eva ca yathā sūtraṃ suvarṇe vartate punaḥ / (2.1) Par.?

muktāsvatha pravāleṣu mṛnmaye rājate tathā // (2.2) Par.?

tadvad goṣu manuṣyeṣu tadvaddhastimṛgādiṣu / (3.1) Par.?

tadvat kīṭapataṃgeṣu prasaktātmā svakarmabhiḥ // (3.2) Par.?

yena yena śarīreṇa yad yat karma karotyayam / (4.1) Par.?

tena tena śarīreṇa tat tat phalam upāśnute // (4.2) Par.?

yathā hyekarasā bhūmir oṣadhyātmānusāriṇī / (5.1) Par.?

tathā karmānugā buddhir antarātmānudarśinī // (5.2) Par.?

jñānapūrvodbhavā lipsā lipsāpūrvābhisaṃdhitā / (6.1) Par.?

abhisaṃdhipūrvakaṃ karma karmamūlaṃ tataḥ phalam // (6.2) Par.?

phalaṃ karmātmakaṃ vidyāt karma jñeyātmakaṃ tathā / (7.1) Par.?

jñeyaṃ jñānātmakaṃ vidyājjñānaṃ sadasadātmakam // (7.2) Par.?

jñānānāṃ ca phalānāṃ ca jñeyānāṃ karmaṇāṃ tathā / (8.1) Par.?

kṣayānte tat phalaṃ divyaṃ jñānaṃ jñeyapratiṣṭhitam // (8.2) Par.?

mahaddhi paramaṃ bhūtaṃ yuktāḥ paśyanti yoginaḥ / (9.1) Par.?

abudhāstaṃ na paśyanti hyātmasthā guṇabuddhayaḥ // (9.2) Par.?

pṛthivīrūpato rūpam apām iha mahattaram / (10.1) Par.?

adbhyo mahattaraṃ tejastejasaḥ pavano mahān // (10.2) Par.?

pavanācca mahad vyoma tasmāt parataraṃ manaḥ / (11.1) Par.?

manaso mahatī buddhir buddheḥ kālo mahān smṛtaḥ // (11.2) Par.?

kālāt sa bhagavān viṣṇur yasya sarvam idaṃ jagat / (12.1) Par.?

nādir na madhyaṃ naivāntastasya devasya vidyate // (12.2) Par.?

anāditvād amadhyatvād anantatvācca so 'vyayaḥ / (13.1) Par.?

atyeti sarvaduḥkhāni duḥkhaṃ hyantavad ucyate // (13.2) Par.?

tad brahma paramaṃ proktaṃ tad dhāma paramaṃ smṛtam / (14.1) Par.?

tad gatvā kālaviṣayād vimuktā mokṣam āśritāḥ // (14.2) Par.?

guṇaistvetaiḥ prakāśante nirguṇatvāt tataḥ param / (15.1) Par.?

nivṛttilakṣaṇo dharmastathānantyāya kalpate // (15.2) Par.?

ṛco yajūṃṣi sāmāni śarīrāṇi vyapāśritāḥ / (16.1) Par.?

jihvāgreṣu pravartante yatnasādhyā vināśinaḥ // (16.2) Par.?

na caivam iṣyate brahma śarīrāśrayasaṃbhavam / (17.1) Par.?

na yatnasādhyaṃ tad brahma nādimadhyaṃ na cāntavat // (17.2) Par.?

ṛcām ādistathā sāmnāṃ yajuṣām ādir ucyate / (18.1) Par.?

antaścādimatāṃ dṛṣṭo na cādir brahmaṇaḥ smṛtaḥ // (18.2) Par.?

anāditvād anantatvāt tad anantam athāvyayam / (19.1) Par.?

avyayatvācca nirdvaṃdvaṃ dvaṃdvābhāvāt tataḥ param // (19.2) Par.?

adṛṣṭato 'nupāyācca apyabhisaṃdheśca karmaṇaḥ / (20.1) Par.?

na tena martyāḥ paśyanti yena gacchanti tat param // (20.2) Par.?

viṣayeṣu ca saṃsargācchāśvatasya ca darśanāt / (21.1) Par.?

manasā cānyad ākāṅkṣan paraṃ na pratipadyate // (21.2) Par.?

guṇān yad iha paśyanti tad icchantyapare janāḥ / (22.1) Par.?

paraṃ naivābhikāṅkṣanti nirguṇatvād guṇārthinaḥ // (22.2) Par.?

guṇair yastvavarair yuktaḥ kathaṃ vidyād guṇān imān / (23.1) Par.?

anumānāddhi gantavyaṃ guṇair avayavaiḥ saha // (23.2) Par.?

sūkṣmeṇa manasā vidmo vācā vaktuṃ na śaknumaḥ / (24.1) Par.?

mano hi manasā grāhyaṃ darśanena ca darśanam // (24.2) Par.?

jñānena nirmalīkṛtya buddhiṃ buddhyā tathā manaḥ / (25.1) Par.?

manasā cendriyagrāmam anantaṃ pratipadyate // (25.2) Par.?

buddhiprahīṇo manasāsamṛddhas tathā nirāśīr guṇatām upaiti / (26.1) Par.?

paraṃ tyajantīha vilobhyamānā hutāśanaṃ vāyur ivendhanastham // (26.2) Par.?

guṇādāne viprayoge ca teṣāṃ manaḥ sadā buddhiparāvarābhyām / (27.1) Par.?

anenaiva vidhinā sampravṛtto guṇādāne brahmaśarīram eti // (27.2) Par.?

avyaktātmā puruṣo 'vyaktakarmā so 'vyaktatvaṃ gacchati hyantakāle / (28.1) Par.?

tair evāyaṃ cendriyair vardhamānair glāyadbhir vā vartate karmarūpaḥ // (28.2) Par.?

sarvair ayaṃ cendriyaiḥ samprayukto dehaḥ prāptaḥ pañcabhūtāśrayaḥ syāt / (29.1) Par.?

nāsāmarthyād gacchati karmaṇeha hīnastena parameṇāvyayena // (29.2) Par.?

pṛthvyā naraḥ paśyati nāntam asyā hyantaścāsyā bhavitā ceti viddhi / (30.1) Par.?

paraṃ nayantīha vilobhyamānaṃ yathā plavaṃ vāyur ivārṇavastham // (30.2) Par.?

divākaro guṇam upalabhya nirguṇo yathā bhaved vyapagataraśmimaṇḍalaḥ / (31.1) Par.?

tathā hyasau munir iha nirviśeṣavān sa nirguṇaṃ praviśati brahma cāvyayam // (31.2) Par.?

anāgatiṃ sukṛtimatāṃ parāṃ gatiṃ svayaṃbhuvaṃ prabhavanidhānam avyayam / (32.1) Par.?

sanātanaṃ yad amṛtam avyayaṃ padaṃ vicārya taṃ śamam amṛtatvam aśnute // (32.2) Par.?