UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6314
- Click on a sentence to show its analysis
- Keep the mouse pointer over a lemma to show its meanings.
bhīṣma uvāca / (1.1)
Par.?
ityevam uktvā vacanaṃ brahmarṣiḥ sumahātapāḥ / (1.2)
Par.?
prātiṣṭhata śukaḥ siddhiṃ hitvā lokāṃścaturvidhān // (1.3)
Par.?
tamo hyaṣṭavidhaṃ hitvā jahau pañcavidhaṃ rajaḥ / (2.1)
Par.?
tataḥ sattvaṃ jahau dhīmāṃstad adbhutam ivābhavat // (2.2)
Par.?
tatastasmin pade nitye nirguṇe liṅgavarjite / (3.1)
Par.?
brahmaṇi pratyatiṣṭhat sa vidhūmo 'gnir iva jvalan // (3.2)
Par.?
ulkāpātā diśāṃ dāhā bhūmikampāstathaiva ca / (4.1)
Par.?
prādurbhūtāḥ kṣaṇe tasmiṃstad adbhutam ivābhavat // (4.2)
Par.?
drumāḥ śākhāśca mumucuḥ śikharāṇi ca parvatāḥ / (5.1)
Par.?
nirghātaśabdaiśca girir himavān dīryatīva ha // (5.2)
Par.?
na babhāse sahasrāṃśur na jajvāla ca pāvakaḥ / (6.1)
Par.?
hradāśca saritaścaiva cukṣubhuḥ sāgarāstathā // (6.2)
Par.?
vavarṣa vāsavastoyaṃ rasavacca sugandhi ca / (7.1)
Par.?
vavau samīraṇaścāpi divyagandhavahaḥ śuciḥ // (7.2)
Par.?
sa śṛṅge 'pratime divye himavanmerusaṃbhave / (8.1)
Par.?
saṃśliṣṭe śvetapīte dve rukmarūpyamaye śubhe // (8.2)
Par.?
śatayojanavistāre tiryag ūrdhvaṃ ca bhārata / (9.1)
Par.?
udīcīṃ diśam āśritya rucire saṃdadarśa ha // (9.2)
Par.?
so 'viśaṅkena manasā tathaivābhyapatacchukaḥ / (10.1)
Par.?
tataḥ parvataśṛṅge dve sahasaiva dvidhākṛte / (10.2)
Par.?
adṛśyetāṃ mahārāja tad adbhutam ivābhavat // (10.3)
Par.?
tataḥ parvataśṛṅgābhyāṃ sahasaiva viniḥsṛtaḥ / (11.1)
Par.?
na ca pratijaghānāsya sa gatiṃ parvatottamaḥ // (11.2)
Par.?
tato mahān abhūcchabdo divi sarvadivaukasām / (12.1)
Par.?
gandharvāṇām ṛṣīṇāṃ ca ye ca śailanivāsinaḥ // (12.2)
Par.?
dṛṣṭvā śukam atikrāntaṃ parvataṃ ca dvidhākṛtam / (13.1)
Par.?
sādhu sādhviti tatrāsīnnādaḥ sarvatra bhārata // (13.2)
Par.?
sa pūjyamāno devaiśca gandharvair ṛṣibhistathā / (14.1)
Par.?
yakṣarākṣasasaṃghaiśca vidyādharagaṇaistathā // (14.2)
Par.?
divyaiḥ puṣpaiḥ samākīrṇam antarikṣaṃ samantataḥ / (15.1)
Par.?
āsīt kila mahārāja śukābhipatane tadā // (15.2)
Par.?
tato mandākinīṃ ramyām upariṣṭād abhivrajan / (16.1)
Par.?
śuko dadarśa dharmātmā puṣpitadrumakānanām // (16.2)
Par.?
tasyāṃ krīḍantyabhiratāḥ snānti caivāpsarogaṇāḥ / (17.1)
Par.?
śūnyākāraṃ nirākārāḥ śukaṃ dṛṣṭvā vivāsasaḥ // (17.2)
Par.?
taṃ prakramantam ājñāya pitā snehasamanvitaḥ / (18.1)
Par.?
uttamāṃ gatim āsthāya pṛṣṭhato 'nusasāra ha // (18.2)
Par.?
śukastu mārutād ūrdhvaṃ gatiṃ kṛtvāntarikṣagām / (19.1)
Par.?
darśayitvā prabhāvaṃ svaṃ sarvabhūto 'bhavat tadā // (19.2)
Par.?
mahāyogagatiṃ tvagryāṃ
vyāsotthāya mahātapāḥ / (20.1)
Par.?
nimeṣāntaramātreṇa śukābhipatanaṃ yayau // (20.2)
Par.?
sa dadarśa dvidhā kṛtvā parvatāgraṃ śukaṃ gatam / (21.1)
Par.?
śaśaṃsur ṛṣayastasmai karma putrasya tat tadā // (21.2)
Par.?
tataḥ śuketi dīrgheṇa śaikṣeṇākranditastadā / (22.1) Par.?
svayaṃ pitrā svareṇoccaistrīṃllokān anunādya vai // (22.2)
Par.?
śukaḥ sarvagato bhūtvā sarvātmā sarvatomukhaḥ / (23.1)
Par.?
pratyabhāṣata dharmātmā bhoḥśabdenānunādayan // (23.2)
Par.?
tata ekākṣaraṃ nādaṃ bho ityeva samīrayan / (24.1)
Par.?
pratyāharajjagat sarvam uccaiḥ sthāvarajaṅgamam // (24.2)
Par.?
tataḥ prabhṛti cādyāpi śabdān uccāritān pṛthak / (25.1)
Par.?
girigahvarapṛṣṭheṣu vyājahāra śukaṃ prati // (25.2)
Par.?
antarhitaḥ prabhāvaṃ tu darśayitvā śukastadā / (26.1)
Par.?
guṇān saṃtyajya śabdādīn padam adhyagamat param // (26.2)
Par.?
mahimānaṃ tu taṃ dṛṣṭvā putrasyāmitatejasaḥ / (27.1)
Par.?
niṣasāda giriprasthe putram evānucintayan // (27.2)
Par.?
tato mandākinītīre krīḍanto 'psarasāṃ gaṇāḥ / (28.1)
Par.?
āsādya tam ṛṣiṃ sarvāḥ saṃbhrāntā gatacetasaḥ // (28.2)
Par.?
jale nililyire kāścit kāścid gulmān prapedire / (29.1)
Par.?
vasanānyādaduḥ kāścid dṛṣṭvā taṃ munisattamam // (29.2)
Par.?
tāṃ muktatāṃ tu vijñāya muniḥ putrasya vai tadā / (30.1)
Par.?
saktatām ātmanaścaiva prīto 'bhūd vrīḍitaśca ha // (30.2)
Par.?
taṃ devagandharvavṛto maharṣigaṇapūjitaḥ / (31.1)
Par.?
pinākahasto bhagavān abhyāgacchata śaṃkaraḥ // (31.2)
Par.?
tam uvāca mahādevaḥ sāntvapūrvam idaṃ vacaḥ / (32.1)
Par.?
putraśokābhisaṃtaptaṃ kṛṣṇadvaipāyanaṃ tadā // (32.2)
Par.?
agner bhūmer apāṃ vāyor antarikṣasya caiva ha / (33.1)
Par.?
vīryeṇa sadṛśaḥ putrastvayā mattaḥ purā vṛtaḥ // (33.2)
Par.?
sa tathālakṣaṇo jātastapasā tava saṃbhṛtaḥ / (34.1)
Par.?
mama caiva prabhāvena brahmatejomayaḥ śuciḥ // (34.2)
Par.?
sa gatiṃ paramāṃ prāpto duṣprāpām ajitendriyaiḥ / (35.1)
Par.?
daivatair api viprarṣe taṃ tvaṃ kim anuśocasi // (35.2)
Par.?
yāvat sthāsyanti girayo yāvat sthāsyanti sāgarāḥ / (36.1)
Par.?
tāvat tavākṣayā kīrtiḥ saputrasya bhaviṣyati // (36.2)
Par.?
chāyāṃ svaputrasadṛśīṃ sarvato 'napagāṃ sadā / (37.1)
Par.?
drakṣyase tvaṃ ca loke 'sminmatprasādānmahāmune // (37.2)
Par.?
so 'nunīto bhagavatā svayaṃ rudreṇa bhārata / (38.1)
Par.?
chāyāṃ paśyan samāvṛttaḥ sa muniḥ parayā mudā // (38.2)
Par.?
iti janma gatiścaiva śukasya bharatarṣabha / (39.1)
Par.?
vistareṇa mayākhyātaṃ yanmāṃ tvaṃ paripṛcchasi // (39.2)
Par.?
etad ācaṣṭa me rājan devarṣir nāradaḥ purā / (40.1)
Par.?
vyāsaścaiva mahāyogī saṃjalpeṣu pade pade // (40.2)
Par.?
itihāsam imaṃ puṇyaṃ mokṣadharmārthasaṃhitam / (41.1)
Par.?
dhārayed yaḥ śamaparaḥ sa gacchet paramāṃ gatim // (41.2)
Par.?
Duration=0.21516513824463 secs.