UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4018
- Click on a sentence to show its analysis
- Keep the mouse pointer over a lemma to show its meanings.
athātaḥ śvāsahidhmānidānaṃ vyākhyāsyāmaḥ / (1.1)
Par.?
iti ha smāhur ātreyādayo maharṣayaḥ / (1.2)
Par.?
śvāsa
kāsavṛddhyā bhavecchvāsaḥ pūrvair vā doṣakopanaiḥ / (1.3)
Par.?
āmātīsāravamathuviṣapāṇḍujvarairapi // (1.4)
Par.?
rajodhūmānilair marmaghātād atihimāmbunā / (2.1)
Par.?
kṣudrakas tamakaśchinno mahān ūrdhvaśca pañcamaḥ // (2.2)
Par.?
kaphoparuddhagamanaḥ pavano viṣvagāsthitaḥ / (3.1)
Par.?
prāṇodakānnavāhīni duṣṭaḥ srotāṃsi dūṣayan // (3.2)
Par.?
uraḥsthaḥ kurute śvāsam āmāśayasamudbhavam / (4.1)
Par.?
prāgrūpaṃ tasya hṛtpārśvaśūlaṃ prāṇavilomatā // (4.2)
Par.?
ānāhaḥ śaṅkhabhedaśca tatrāyāsātibhojanaiḥ / (5.1)
Par.?
preritaḥ prerayet kṣudraṃ svayaṃ saṃśamanaṃ marut // (5.2)
Par.?
pratilomaṃ sirā gacchann udīrya pavanaḥ kapham / (6.1)
Par.?
parigṛhya śirogrīvam uraḥ pārśve ca pīḍayan // (6.2)
Par.?
kāsaṃ ghurghurakaṃ moham arucim pīnasaṃ tṛṣam / (7.1)
Par.?
karoti tīvravegaṃ ca śvāsaṃ prāṇopatāpinam // (7.2)
Par.?
pratāmyet tasya vegena niṣṭhyūtānte kṣaṇaṃ sukhī / (8.1)
Par.?
kṛcchrācchayānaḥ śvasiti niṣaṇṇaḥ svāsthyam ṛcchati // (8.2)
Par.?
ucchritākṣo lalāṭena svidyatā bhṛśam artimān / (9.1)
Par.?
viśuṣkāsyo muhuḥśvāsī kāṅkṣatyuṣṇaṃ savepathuḥ // (9.2)
Par.?
meghāmbuśītaprāgvātaiḥ śleṣmalaiśca vivardhate / (10.1)
Par.?
sa yāpyas tamakaḥ sādhyo navo vā balino bhavet // (10.2)
Par.?
jvaramūrchāyutaḥ śītaiḥ śāmyet pratamakas tu saḥ / (11.1)
Par.?
chinnācchvasiti vicchinnaṃ marmacchedarujārditaḥ // (11.2) Par.?
sasvedamūrchaḥ sānāho vastidāhanirodhavān / (12.1)
Par.?
adhodṛg viplutākṣaśca muhyan raktaikalocanaḥ // (12.2)
Par.?
śuṣkāsyaḥ pralapan dīno naṣṭacchāyo vicetanaḥ / (13.1)
Par.?
mahatā mahatā dīno nādena śvasiti krathan // (13.2)
Par.?
uddhūyamānaḥ saṃrabdho mattarṣabha ivāniśam / (14.1)
Par.?
praṇaṣṭajñānavijñāno vibhrāntanayanānanaḥ // (14.2)
Par.?
vakṣaḥ samākṣipan baddhamūtravarcā viśīrṇavāk / (15.1)
Par.?
śuṣkakaṇṭho muhur muhyan karṇaśaṅkhaśiro'tiruk // (15.2)
Par.?
dīrgham ūrdhvaṃ śvasityūrdhvān na ca pratyāharatyadhaḥ / (16.1)
Par.?
śleṣmāvṛtamukhasrotāḥ kruddhagandhavahārditaḥ // (16.2)
Par.?
ūrdhvadṛg vīkṣate bhrāntam akṣiṇī paritaḥ kṣipan / (17.1)
Par.?
marmasu chidyamāneṣu paridevī niruddhavāk // (17.2)
Par.?
ete sidhyeyuravyaktā vyaktāḥ prāṇaharā dhruvam / (18.1)
Par.?
hidhmā
śvāsaikahetuprāgrūpasaṃkhyāprakṛtisaṃśrayāḥ // (18.2)
Par.?
hidhmā bhaktodbhavā kṣudrā yamalā mahatīti ca / (19.1)
Par.?
gambhīrā ca marut tatra tvarayāyuktisevitaiḥ // (19.2)
Par.?
rūkṣatīkṣṇakharāsātmyairannapānaiḥ prapīḍitaḥ / (20.1)
Par.?
karoti hidhmām arujāṃ mandaśabdāṃ kṣavānugām // (20.2)
Par.?
śamaṃ sātmyānnapānena yā prayāti ca sānnajā / (21.1)
Par.?
āyāsāt pavanaḥ kṣudraḥ kṣudrāṃ hidhmāṃ pravartayet // (21.2)
Par.?
jatrumūlapravisṛtām alpavegāṃ mṛduṃ ca sā / (22.1)
Par.?
vṛddhim āyāsyato yāti bhuktamātre ca mārdavam // (22.2)
Par.?
cireṇa yamalair vegairāhāre yā pravartate / (23.1)
Par.?
pariṇāmonmukhe vṛddhiṃ pariṇāme ca gacchati // (23.2)
Par.?
kampayantī śirogrīvam ādhmātasyātitṛṣyataḥ / (24.1)
Par.?
pralāpacchardyatīsāranetraviplutijṛmbhiṇaḥ // (24.2)
Par.?
yamalā veginī hidhmā pariṇāmavatī ca sā / (25.1)
Par.?
stabdhabhrūśaṅkhayugmasya sāsraviplutacakṣuṣaḥ // (25.2)
Par.?
stambhayantī tanuṃ vācaṃ smṛtiṃ saṃjñāṃ ca muṣṇatī / (26.1)
Par.?
rundhatī mārgam annasya kurvatī marmaghaṭṭanam // (26.2)
Par.?
pṛṣṭhato namanaṃ śoṣaṃ mahāhidhmā pravartate / (27.1)
Par.?
mahāmūlā mahāśabdā mahāvegā mahābalā // (27.2)
Par.?
pakvāśayād vā nābher vā pūrvavad yā pravartate / (28.1)
Par.?
tadrūpā sā muhuḥ kuryāj jṛmbhām aṅgaprasāraṇam // (28.2)
Par.?
gambhīreṇānunādena gambhīrā tāsu sādhayet / (29.1)
Par.?
ādye dve varjayed antye sarvaliṅgāṃ ca veginīm // (29.2)
Par.?
sarvāśca saṃcitāmasya sthavirasya vyavāyinaḥ / (30.1)
Par.?
vyādhibhiḥ kṣīṇadehasya bhaktacchedakṣatasya vā // (30.2)
Par.?
sarve 'pi rogā nāśāya na tvevaṃ śīghrakāriṇaḥ / (31.1)
Par.?
hidhmāśvāsau yathā tau hi mṛtyukāle kṛtālayau // (31.2)
Par.?
Duration=0.097653865814209 secs.