Texts

vyāsa uvāca / (1.1) Par.?

śubhena karmaṇā yad vai tiryagyonau na muhyase / (1.2) Par.?

mamaiva kīṭa tat karma yena tvaṃ na pramuhyase // (1.3) Par.?

ahaṃ hi darśanād eva tārayāmi tapobalāt / (2.1) Par.?

tapobalāddhi balavad balam anyanna vidyate // (2.2) Par.?

jānāmi pāpaiḥ svakṛtair gataṃ tvāṃ kīṭa kīṭatām / (3.1) Par.?

avāpsyasi paraṃ dharmaṃ dharmastho yadi manyase // (3.2) Par.?

karma bhūmikṛtaṃ devā bhuñjate tiryagāśca ye / (4.1) Par.?

dharmād api manuṣyeṣu kāmo 'rthaśca yathā guṇaiḥ // (4.2) Par.?

vāgbuddhipāṇipādaiścāpyupetasya vipaścitaḥ / (5.1) Par.?

kiṃ hīyate manuṣyasya mandasyāpi hi jīvataḥ // (5.2) Par.?

jīvan hi kurute pūjāṃ viprāgryaḥ śaśisūryayoḥ / (6.1) Par.?

bruvann api kathāṃ puṇyāṃ tatra kīṭa tvam eṣyasi // (6.2) Par.?

guṇabhūtāni bhūtāni tatra tvam upabhokṣyase / (7.1) Par.?

tatra te 'haṃ vineṣyāmi brahmatvaṃ yatra cecchasi // (7.2) Par.?

sa tatheti pratiśrutya kīṭo vartmanyatiṣṭhata / (8.1) Par.?

tam ṛṣiṃ draṣṭum agamat sarvāsvanyāsu yoniṣu // (8.2) Par.?

śvāvidgodhāvarāhāṇāṃ tathaiva mṛgapakṣiṇām / (9.1) Par.?

śvapākavaiśyaśūdrāṇāṃ kṣatriyāṇāṃ ca yoniṣu // (9.2) Par.?

sa kīṭetyevam ābhāṣya ṛṣiṇā satyavādinā / (10.1) Par.?

pratismṛtyātha jagrāha pādau mūrdhnā kṛtāñjaliḥ // (10.2) Par.?

kīṭa uvāca / (11.1) Par.?

idaṃ tad atulaṃ sthānam īpsitaṃ daśabhir guṇaiḥ / (11.2) Par.?

yad ahaṃ prāpya kīṭatvam āgato rājaputratām // (11.3) Par.?

vahanti mām atibalāḥ kuñjarā hemamālinaḥ / (12.1) Par.?

syandaneṣu ca kāmbojā yuktāḥ paramavājinaḥ // (12.2) Par.?

uṣṭrāśvatarayuktāni yānāni ca vahanti mām / (13.1) Par.?

sabāndhavaḥ sahāmātyaścāśnāmi piśitaudanam // (13.2) Par.?

gṛheṣu sunivāseṣu sukheṣu śayaneṣu ca / (14.1) Par.?

parārdhyeṣu mahābhāga svapāmīha supūjitaḥ // (14.2) Par.?

sarveṣvapararātreṣu sūtamāgadhabandinaḥ / (15.1) Par.?

stuvanti māṃ yathā devaṃ mahendraṃ priyavādinaḥ // (15.2) Par.?

prasādāt satyasaṃdhasya bhavato 'mitatejasaḥ / (16.1) Par.?

yad ahaṃ kīṭatāṃ prāpya samprāpto rājaputratām // (16.2) Par.?

namaste 'stu mahāprājña kiṃ karomi praśādhi mām / (17.1) Par.?

tvattapobalanirdiṣṭam idaṃ hyadhigataṃ mayā // (17.2) Par.?

vyāsa uvāca / (18.1) Par.?

arcito 'haṃ tvayā rājan vāgbhir adya yadṛcchayā / (18.2) Par.?

adya te kīṭatāṃ prāpya smṛtir jātājugupsitā // (18.3) Par.?

na tu nāśo 'sti pāpasya yat tvayopacitaṃ purā / (19.1) Par.?

śūdreṇārthapradhānena nṛśaṃsenātatāyinā // (19.2) Par.?

mama te darśanaṃ prāptaṃ taccaiva sukṛtaṃ purā / (20.1) Par.?

tiryagyonau sma jātena mama cāpyarcanāt tathā // (20.2) Par.?

itastvaṃ rājaputratvād brāhmaṇyaṃ samavāpsyasi / (21.1) Par.?

gobrāhmaṇakṛte prāṇān hutvātmīyān raṇājire // (21.2) Par.?

rājaputrasukhaṃ prāpya ṛtūṃścaivāptadakṣiṇān / (22.1) Par.?

atha modiṣyase svarge brahmabhūto 'vyayaḥ sukhī // (22.2) Par.?

tiryagyonyāḥ śūdratām abhyupaiti śūdro vaiśyatvaṃ kṣatriyatvaṃ ca vaiśyaḥ / (23.1) Par.?

vṛttaślāghī kṣatriyo brāhmaṇatvaṃ svargaṃ puṇyaṃ brāhmaṇaḥ sādhuvṛttaḥ // (23.2) Par.?