Texts

vāyur uvāca / (1.1) Par.?

śṛṇu mūḍha guṇān kāṃścid brāhmaṇānāṃ mahātmanām / (1.2) Par.?

ye tvayā kīrtitā rājaṃstebhyo 'tha brāhmaṇo varaḥ // (1.3) Par.?

tyaktvā mahītvaṃ bhūmistu spardhayāṅganṛpasya ha / (2.1) Par.?

nāśaṃ jagāma tāṃ vipro vyaṣṭambhayata kaśyapaḥ // (2.2) Par.?

akṣayā brāhmaṇā rājan divi ceha ca nityadā / (3.1) Par.?

apibat tejasā hy āpaḥ svayam evāṅgirāḥ purā // (3.2) Par.?

sa tāḥ piban kṣīram iva nātṛpyata mahātapāḥ / (4.1) Par.?

apūrayanmahaughena mahīṃ sarvāṃ ca pārthiva // (4.2) Par.?

tasminn ahaṃ ca kruddhe vai jagat tyaktvā tato gataḥ / (5.1) Par.?

vyatiṣṭham agnihotre ca ciram aṅgiraso bhayāt // (5.2) Par.?

abhiśaptaśca bhagavān gautamena puraṃdaraḥ / (6.1) Par.?

ahalyāṃ kāmayāno vai dharmārthaṃ ca na hiṃsitaḥ // (6.2) Par.?

tathā samudro nṛpate pūrṇo mṛṣṭena vāriṇā / (7.1) Par.?

brāhmaṇair abhiśaptaḥ saṃllavaṇodaḥ kṛto vibho // (7.2) Par.?

suvarṇavarṇo nirdhūmaḥ saṃhatordhvaśikhaḥ kaviḥ / (8.1) Par.?

kruddhenāṅgirasā śapto guṇair etair vivarjitaḥ // (8.2) Par.?

marutaścūrṇitān paśya ye 'hasanta mahodadhim / (9.1) Par.?

suvarṇadhāriṇā nityam avaśaptā dvijātinā // (9.2) Par.?

samo na tvaṃ dvijātibhyaḥ śreṣṭhaṃ viddhi narādhipa / (10.1) Par.?

garbhasthān brāhmaṇān samyaṅ namasyati kila prabhuḥ // (10.2) Par.?

daṇḍakānāṃ mahad rājyaṃ brāhmaṇena vināśitam / (11.1) Par.?

tālajaṅghaṃ mahat kṣatram aurveṇaikena nāśitam // (11.2) Par.?

tvayā ca vipulaṃ rājyaṃ balaṃ dharmaḥ śrutaṃ tathā / (12.1) Par.?

dattātreyaprasādena prāptaṃ paramadurlabham // (12.2) Par.?

agniṃ tvaṃ yajase nityaṃ kasmād arjuna brāhmaṇam / (13.1) Par.?

sa hi sarvasya lokasya havyavāṭ kiṃ na vetsi tam // (13.2) Par.?

atha vā brāhmaṇaśreṣṭham anu bhūtānupālakam / (14.1) Par.?

kartāraṃ jīvalokasya kasmājjānan vimuhyase // (14.2) Par.?

tathā prajāpatir brahmā avyaktaḥ prabhavāpyayaḥ / (15.1) Par.?

yenedaṃ nikhilaṃ viśvaṃ janitaṃ sthāvaraṃ caram // (15.2) Par.?

aṇḍajātaṃ tu brahmāṇaṃ kecid icchantyapaṇḍitāḥ / (16.1) Par.?

aṇḍād bhinnād babhuḥ śailā diśo 'mbhaḥ pṛthivī divam // (16.2) Par.?

draṣṭavyaṃ naitad evaṃ hi kathaṃ jyāyastamo hi saḥ / (17.1) Par.?

smṛtam ākāśam aṇḍaṃ tu tasmājjātaḥ pitāmahaḥ // (17.2) Par.?

tiṣṭhet katham iti brūhi na kiṃciddhi tadā bhavet / (18.1) Par.?

ahaṃkāra iti proktaḥ sarvatejogataḥ prabhuḥ // (18.2) Par.?

nāstyaṇḍam asti tu brahmā sa rājaṃllokabhāvanaḥ / (19.1) Par.?

ityuktaḥ sa tadā tūṣṇīm abhūd vāyustam abravīt // (19.2) Par.?