Texts

vāsudeva uvāca / (1.1) Par.?

na bāhyaṃ dravyam utsṛjya siddhir bhavati bhārata / (1.2) Par.?

śārīraṃ dravyam utsṛjya siddhir bhavati vā na vā // (1.3) Par.?

bāhyadravyavimuktasya śārīreṣu ca gṛdhyataḥ / (2.1) Par.?

yo dharmo yat sukhaṃ caiva dviṣatām astu tat tathā // (2.2) Par.?

dvyakṣarastu bhavenmṛtyustryakṣaraṃ brahma śāśvatam / (3.1) Par.?

mameti dvyakṣaro mṛtyur na mameti ca śāśvatam // (3.2) Par.?

brahma mṛtyuśca tau rājann ātmanyeva vyavasthitau / (4.1) Par.?

adṛśyamānau bhūtāni yodhayetām asaṃśayam // (4.2) Par.?

avināśo 'sya sattvasya niyato yadi bhārata / (5.1) Par.?

bhittvā śarīraṃ bhūtānām ahiṃsāṃ pratipadyate // (5.2) Par.?

labdhvāpi pṛthivīṃ sarvāṃ sahasthāvarajaṅgamām / (6.1) Par.?

mamatvaṃ yasya naiva syāt kiṃ tayā sa kariṣyati // (6.2) Par.?

athavā vasataḥ pārtha vane vanyena jīvataḥ / (7.1) Par.?

mamatā yasya dravyeṣu mṛtyor āsye sa vartate // (7.2) Par.?

bāhyāntarāṇāṃ śatrūṇāṃ svabhāvaṃ paśya bhārata / (8.1) Par.?

yanna paśyati tad bhūtaṃ mucyate sa mahābhayāt // (8.2) Par.?

kāmātmānaṃ na praśaṃsanti loke na cākāmāt kācid asti pravṛttiḥ / (9.1) Par.?

dānaṃ hi vedādhyayanaṃ tapaśca kāmena karmāṇi ca vaidikāni // (9.2) Par.?

vrataṃ yajñānniyamān dhyānayogān kāmena yo nārabhate viditvā / (10.1) Par.?

yad yaddhyayaṃ kāmayate sa dharmo na yo dharmo niyamastasya mūlam // (10.2) Par.?

atra gāthāḥ kāmagītāḥ kīrtayanti purāvidaḥ / (11.1) Par.?

śṛṇu saṃkīrtyamānāstā nikhilena yudhiṣṭhira // (11.2) Par.?

nāhaṃ śakyo 'nupāyena hantuṃ bhūtena kenacit / (12.1) Par.?

yo māṃ prayatate hantuṃ jñātvā praharaṇe balam / (12.2) Par.?

tasya tasmin praharaṇe punaḥ prādurbhavāmyaham // (12.3) Par.?

yo māṃ prayatate hantuṃ yajñair vividhadakṣiṇaiḥ / (13.1) Par.?

jaṅgameṣviva karmātmā punaḥ prādurbhavāmyaham // (13.2) Par.?

yo māṃ prayatate hantuṃ vedair vedāntasādhanaiḥ / (14.1) Par.?

sthāvareṣviva śāntātmā tasya prādurbhavāmyaham // (14.2) Par.?

yo māṃ prayatate hantuṃ dhṛtyā satyaparākramaḥ / (15.1) Par.?

bhāvo bhavāmi tasyāhaṃ sa ca māṃ nāvabudhyate // (15.2) Par.?

yo māṃ prayatate hantuṃ tapasā saṃśitavrataḥ / (16.1) Par.?

tatastapasi tasyātha punaḥ prādurbhavāmyaham // (16.2) Par.?

yo māṃ prayatate hantuṃ mokṣam āsthāya paṇḍitaḥ / (17.1) Par.?

tasya mokṣaratisthasya nṛtyāmi ca hasāmi ca / (17.2) Par.?

avadhyaḥ sarvabhūtānām aham ekaḥ sanātanaḥ // (17.3) Par.?

tasmāt tvam api taṃ kāmaṃ yajñair vividhadakṣiṇaiḥ / (18.1) Par.?

dharmaṃ kuru mahārāja tatra te sa bhaviṣyati // (18.2) Par.?

yajasva vājimedhena vidhivad dakṣiṇāvatā / (19.1) Par.?

anyaiśca vividhair yajñaiḥ samṛddhair āptadakṣiṇaiḥ // (19.2) Par.?

mā te vyathāstu nihatān bandhūn vīkṣya punaḥ punaḥ / (20.1) Par.?

na śakyāste punar draṣṭuṃ ye hatāsmin raṇājire // (20.2) Par.?

sa tvam iṣṭvā mahāyajñaiḥ samṛddhair āptadakṣiṇaiḥ / (21.1) Par.?

loke kīrtiṃ parāṃ prāpya gatim agryāṃ gamiṣyasi // (21.2) Par.?