Texts

Help

Select a text:
Bibliography

Select a chapter:
(no revisions)

Associated topic(s): King, rājanīti, good behaviour, lobha, greed

Show parallels Show headlines
Use dependency labeler

Chapter id: 8673

Click on a sentence to show its analysis
Keep the mouse pointer over a lemma to show its meanings.

brāhmaṇa uvāca / (1.1) Par.?

atrāpyudāharantīmam itihāsaṃ purātanam / (1.2) Par.?

brāhmaṇasya ca saṃvādaṃ janakasya ca bhāmini // (1.3) Par.?

brāhmaṇaṃ janako rājā sannaṃ kasmiṃścid āgame / (2.1) Par.?

viṣaye me na vastavyam iti śiṣṭyartham abravīt // (2.2) Par.?

ityuktaḥ pratyuvācātha brāhmaṇo rājasattamam / (3.1) Par.?

ācakṣva viṣayaṃ rājan yāvāṃstava vaśe sthitaḥ // (3.2) Par.?

so 'nyasya viṣaye rājño vastum icchāmyahaṃ vibho / (4.1) Par.?

vacaste kartum icchāmi yathāśāstraṃ mahīpate // (4.2) Par.?

ityuktaḥ sa tadā rājā brāhmaṇena yaśasvinā / (5.1) Par.?

muhur uṣṇaṃ ca niḥśvasya na sa taṃ pratyabhāṣata // (5.2) Par.?

tam āsīnaṃ dhyāyamānaṃ rājānam amitaujasam / (6.1) Par.?

kaśmalaṃ sahasāgacchad bhānumantam iva grahaḥ // (6.2) Par.?

samāśvāsya tato rājā vyapete kaśmale tadā / (7.1) Par.?

tato muhūrtād iva taṃ brāhmaṇaṃ vākyam abravīt // (7.2) Par.?

pitṛpaitāmahe rājye vaśye janapade sati / (8.1) Par.?

viṣayaṃ nādhigacchāmi vicinvan pṛthivīm imām // (8.2) Par.?

nādhyagacchaṃ yadā pṛthvyāṃ mithilā mārgitā mayā / (9.1) Par.?

nādhyagacchaṃ yadā tasyāṃ svaprajā mārgitā mayā // (9.2) Par.?

nādhyagacchaṃ yadā tāsu tadā me kaśmalo 'bhavat / (10.1) Par.?

tato me kaśmalasyānte matiḥ punar upasthitā // (10.2) Par.?

tayā na viṣayaṃ manye sarvo vā viṣayo mama / (11.1) Par.?

ātmāpi cāyaṃ na mama sarvā vā pṛthivī mama / (11.2) Par.?

uṣyatāṃ yāvad utsāho bhujyatāṃ yāvad iṣyate // (11.3) Par.?

pitṛpaitāmahe rājye vaśye janapade sati / (12.1) Par.?

brūhi kāṃ buddhim āsthāya mamatvaṃ varjitaṃ tvayā // (12.2) Par.?

kāṃ vā buddhiṃ viniścitya sarvo vai viṣayastava / (13.1) Par.?

nāvaiṣi viṣayaṃ yena sarvo vā viṣayastava // (13.2) Par.?

janaka uvāca / (14.1) Par.?

antavanta ihārambhā viditāḥ sarvakarmasu / (14.2) Par.?

nādhyagaccham ahaṃ yasmānmamedam iti yad bhavet // (14.3) Par.?

kasyedam iti kasya svam iti vedavacastathā / (15.1) Par.?

nādhyagaccham ahaṃ buddhyā mamedam iti yad bhavet // (15.2) Par.?

etāṃ buddhiṃ viniścitya mamatvaṃ varjitaṃ mayā / (16.1) Par.?

śṛṇu buddhiṃ tu yāṃ jñātvā sarvatra viṣayo mama // (16.2) Par.?

nāham ātmārtham icchāmi gandhān ghrāṇagatān api / (17.1) Par.?

tasmānme nirjitā bhūmir vaśe tiṣṭhati nityadā // (17.2) Par.?

nāham ātmārtham icchāmi rasān āsye 'pi vartataḥ / (18.1) Par.?

āpo me nirjitāstasmād vaśe tiṣṭhanti nityadā // (18.2) Par.?

nāham ātmārtham icchāmi rūpaṃ jyotiśca cakṣuṣā / (19.1) Par.?

tasmānme nirjitaṃ jyotir vaśe tiṣṭhati nityadā // (19.2) Par.?

nāham ātmārtham icchāmi sparśāṃstvaci gatāśca ye / (20.1) Par.?

tasmānme nirjito vāyur vaśe tiṣṭhati nityadā // (20.2) Par.?

nāham ātmārtham icchāmi śabdāñ śrotragatān api / (21.1) Par.?

tasmānme nirjitāḥ śabdā vaśe tiṣṭhanti nityadā // (21.2) Par.?

nāham ātmārtham icchāmi mano nityaṃ mano'ntare / (22.1) Par.?

mano me nirjitaṃ tasmād vaśe tiṣṭhati nityadā // (22.2) Par.?

devebhyaśca pitṛbhyaśca bhūtebhyo 'tithibhiḥ saha / (23.1) Par.?

ityarthaṃ sarva eveme samārambhā bhavanti vai // (23.2) Par.?

tataḥ prahasya janakaṃ brāhmaṇaḥ punar abravīt / (24.1) Par.?

tvajjijñāsārtham adyeha viddhi māṃ dharmam āgatam // (24.2) Par.?

tvam asya brahmanābhasya buddhyārasyānivartinaḥ / (25.1) Par.?

sattvaneminiruddhasya cakrasyaikaḥ pravartakaḥ // (25.2) Par.?

Duration=0.13755011558533 secs.