UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2443
- Click on a sentence to show its analysis
- Keep the mouse pointer over a lemma to show its meanings.
nandikeśvara uvāca / (1.1)
Par.?
nairmalyaṃ bhāvaśuddhiśca vinā snānaṃ na vidyate / (1.2)
Par.?
tasmānmanoviśuddhyarthaṃ snānamādau vidhīyate // (1.3)
Par.?
anuddhṛtair uddhṛtair vā jalaiḥ snānaṃ samācaret / (2.1)
Par.?
tīrthaṃ ca kalpayedvidvānmūlamantreṇa mantravit / (2.2)
Par.?
namo nārāyaṇāyeti mūlamantra udāhṛtaḥ // (2.3)
Par.?
darbhapāṇistu vidhinā ācāntaḥ prayataḥ śuciḥ / (3.1) Par.?
caturhastasamāyuktaṃ caturasraṃ samantataḥ / (3.2)
Par.?
prakalpyāvāhayed gaṅgām ebhirmantrairvicakṣaṇaḥ // (3.3)
Par.?
viṣṇoḥ pādaprasūtāsi vaiṣṇavī viṣṇudevatā / (4.1)
Par.?
pāhi nas tvenasas tasmād ājanmamaraṇāntikāt // (4.2)
Par.?
tisraḥ koṭyo'rdhakoṭī ca tīrthānāṃ vāyurabravīt / (5.1)
Par.?
divi bhuvyantarikṣe ca tāni te santi jāhnavi // (5.2)
Par.?
nandinītyeva te nāma deveṣu nalinīti ca / (6.1)
Par.?
dakṣā pṛthvī ca vihagā viśvakāyāmṛtā śivā // (6.2)
Par.?
vidyādharī supraśāntā tathā viśvaprasādinī / (7.1)
Par.?
kṣemā ca jāhnavī caiva śāntā śāntipradāyinī // (7.2)
Par.?
etāni puṇyanāmāni snānakāle prakīrtayet / (8.1)
Par.?
bhavetsaṃnihitā tatra gaṅgā tripathagāminī // (8.2)
Par.?
saptavārābhijaptena karasampuṭayojitaḥ / (9.1)
Par.?
mūrdhni kuryājjalaṃ bhūyas tricatuṣpañcasaptakam / (9.2)
Par.?
snānaṃ kuryānmṛdā tadvadāmantrya tu vidhānataḥ // (9.3)
Par.?
aśvakrānte rathakrānte viṣṇukrānte vasuṃdhare / (10.1)
Par.?
mṛttike hara me pāpaṃ yanmayā duṣkṛtaṃ kṛtam // (10.2)
Par.?
uddhṛtāsi varāheṇa kṛṣṇena śatabāhunā / (11.1)
Par.?
mṛttike brahmadattāsi kāśyapenābhimantritā / (11.2)
Par.?
āruhya mama gātrāṇi sarvaṃ pāpaṃ pracodaya // (11.3)
Par.?
mṛttike dehi naḥ puṣṭiṃ tvayi sarvaṃ pratiṣṭhitam / (12.1)
Par.?
namaste sarvalokānāṃ prabhavāraṇi suvrate // (12.2)
Par.?
evaṃ snātvā tataḥ paścādācamya ca vidhānataḥ / (13.1)
Par.?
utthāya vāsasī śukle śuddhe tu paridhāya vai / (13.2)
Par.?
tatastu tarpaṇaṃ kuryāttrailokyāpyāyanāya vai // (13.3)
Par.?
devā yakṣāstathā nāgā gandharvāpsaraso'surāḥ / (14.1)
Par.?
krūrāḥ sarpāḥ suparṇāśca taravo jambukāḥ khagāḥ // (14.2)
Par.?
vāyvādhārā jalādhārās tathaivākāśagāminaḥ / (15.1)
Par.?
nirādhārāśca ye jīvā ye tu dharmaratāstathā // (15.2)
Par.?
teṣāmāpyāyanāyaitaddīyate salilaṃ mayā / (16.1)
Par.?
kṛtopavītī devebhyo nivītī ca bhavettataḥ // (16.2)
Par.?
manuṣyāṃstarpayedbhaktyā brahmaputrānṛṣīṃstathā / (17.1)
Par.?
sanakaśca sanandaśca tṛtīyaśca sanātanaḥ // (17.2)
Par.?
kapilaścāsuriścaiva voḍhuḥ pañcaśikhastathā / (18.1)
Par.?
sarve te tṛptimāyāntu maddattenāmbunā sadā // (18.2)
Par.?
marīcimatryaṅgirasaṃ pulastyaṃ pulahaṃ kratum / (19.1)
Par.?
pracetasaṃ vasiṣṭhaṃ ca bhṛguṃ nāradameva ca / (19.2)
Par.?
devabrahmaṛṣīn sarvāṃstarpayed akṣataudakaiḥ // (19.3)
Par.?
apasavyaṃ tataḥ kṛtvā savyaṃ jānvācya bhūtale / (20.1)
Par.?
agniṣvāttāstathā saumyā haviṣmantastathoṣmapāḥ // (20.2)
Par.?
sukālino barhiṣadastathānye vājyapāḥ punaḥ / (21.1)
Par.?
saṃtarpyāḥ pitaro bhaktyā satilodakacandanaiḥ // (21.2)
Par.?
yamāya dharmarājāya mṛtyave cāntakāya ca / (22.1)
Par.?
vaivasvatāya kālāya sarvabhṛtakṣayāya ca // (22.2)
Par.?
audumbarāya dadhnāya nīlāya parameṣṭhine / (23.1)
Par.?
vṛkodarāya citrāya citraguptāya vai namaḥ / (23.2)
Par.?
darbhapāṇistu vidhinā pitṝnsaṃtarpayedbudhaḥ // (23.3)
Par.?
pitrādīnnāmagotreṇa tathā mātāmahānapi / (24.1)
Par.?
saṃtarpya vidhinā bhaktyā imaṃ mantramudīrayet // (24.2)
Par.?
ye'bāndhavā bāndhavā vā ye'nyajanmani bāndhavāḥ / (25.1)
Par.?
te tṛptimakhilāṃ yāntu yaś cāsmatto 'bhivāñchati // (25.2)
Par.?
tataścācamya vidhivadālikhetpadmamagrataḥ / (26.1)
Par.?
akṣatābhiḥ sapuṣpābhiḥ sajalāruṇacandanam / (26.2)
Par.?
arghyaṃ dadyātprayatnena sūryanāmāni kīrtayet // (26.3)
Par.?
namaste viṣṇurūpāya namo viṣṇumukhāya vai / (27.1)
Par.?
sahasraraśmaye nityaṃ namaste sarvatejase // (27.2)
Par.?
namaste śiva sarveśa namaste sarvavatsala / (28.1)
Par.?
jagatsvāminnamaste'stu divyacandanabhūṣita // (28.2)
Par.?
padmāsana namaste'stu kuṇḍalāṅgadabhūṣita / (29.1)
Par.?
namaste sarvalokeśa jagatsarvaṃ vibodhase // (29.2)
Par.?
sukṛtaṃ duṣkṛtaṃ caiva sarvaṃ paśyasi sarvaga / (30.1)
Par.?
satyadeva namaste'stu prasīda mama bhāskara // (30.2)
Par.?
divākara namaste'stu prabhākara namo'stu te / (31.1)
Par.?
evaṃ sūryaṃ namaskṛtya triḥ kṛtvātha pradakṣiṇam / (31.2)
Par.?
dvijaṃ gāṃ kāñcanaṃ spṛṣṭvā tato viṣṇugṛhaṃ vrajet // (31.3)
Par.?
Duration=0.17499113082886 secs.