UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2687
- Click on a sentence to show its analysis
- Keep the mouse pointer over a lemma to show its meanings.
aśīleṣu praduṣṭeṣu dānaveṣu durātmasu / (1.2)
Par.?
lokeṣūtsādyamāneṣu tapodhanavaneṣu ca // (1.3)
Par.?
siṃhanāde vyomagānāṃ teṣu bhīteṣu jantuṣu / (2.1)
Par.?
trailokye bhayasaṃmūḍhe tamondhanvam upāgate // (2.2)
Par.?
ādityā vasavaḥ sādhyāḥ pitaro marutāṃ gaṇāḥ / (3.1)
Par.?
bhītāḥ śaraṇamājagmur brahmāṇāṃ prapitāmaham // (3.2)
Par.?
te taṃ svarṇotpalāsīnaṃ brahmāṇaṃ samupāgatāḥ / (4.1)
Par.?
nemurūcuśca sahitāḥ pañcāsyaṃ caturānanam // (4.2)
Par.?
varaguptāstavaiveha dānavāstripurālayāḥ / (5.1)
Par.?
bādhante'smānyathā preṣyānanuśādhi tato 'nagha // (5.2)
Par.?
meghāgame yathā haṃsā mṛgāḥ siṃhabhayādiva / (6.1)
Par.?
dānavānāṃ bhayāttadvad bhramāmo hi pitāmaha // (6.2)
Par.?
putrāṇāṃ nāmadheyāni kalatrāṇāṃ tathaiva ca / (7.1)
Par.?
dānavairbhrāmyamāṇānāṃ vismṛtāni tato 'nagha // (7.2)
Par.?
devaveśmaprabhaṅgāśca āśramabhraṃśanāni ca / (8.1)
Par.?
dānavairlomamohāndhaiḥ kriyante ca bhramanti ca // (8.2)
Par.?
yadi na trāyase lokaṃ dānavairvidrutaṃ drutam / (9.1)
Par.?
dharṣaṇānena nirdevaṃ nirmanuṣyāśramaṃ jagat // (9.2)
Par.?
ityevaṃ tridaśairuktaḥ padmayoniḥ pitāmahaḥ / (10.1)
Par.?
pratyāha tridaśān sendrān indutulyānanaḥ prabhuḥ // (10.2)
Par.?
bhayasya yo varo datto mayā matimatāṃ varāḥ / (11.1)
Par.?
tasyānta eṣa samprāpto yaḥ purokto mayā surāḥ // (11.2)
Par.?
tacca teṣāmadhiṣṭhānaṃ tripuraṃ tridaśarṣabhāḥ / (12.1)
Par.?
ekeṣupātamokṣeṇa hantavyaṃ neṣuvṛṣṭibhiḥ // (12.2)
Par.?
bhavatāṃ ca na paśyāmi kamapyatra surarṣabhāḥ / (13.1)
Par.?
yastu caikaprahāreṇa puraṃ hanyāt sadānavam // (13.2)
Par.?
tripuraṃ nālpavīryeṇa śakyaṃ hantuṃ śareṇa tu / (14.1)
Par.?
ekaṃ muktvā mahādevaṃ maheśānaṃ prajāpatim // (14.2)
Par.?
te yūyaṃ yadi anye ca kratuvidhvaṃsakaṃ haram / (15.1)
Par.?
yācāmaḥ sahitā devaṃ tripuraṃ sa haniṣyati // (15.2)
Par.?
kṛtaḥ purāṇāṃ viṣkambho yojamānāṃ śataṃ śatam / (16.1)
Par.?
yathā caikaprahāreṇa hate vai bhavena tu / (16.2)
Par.?
puṣyayogeṇa yuktāni tāni caikakṣaṇena tu // (16.3)
Par.?
tato devaiśca samprokto yāsyāma iti duḥkhitaiḥ / (17.1)
Par.?
pitāmahaśca taiḥ sārdhaṃ bhavasaṃsadamāgataḥ // (17.2)
Par.?
taṃ bhavaṃ bhūtabhavyeśaṃ giriśaṃ śūlapāṇinam / (18.1)
Par.?
paśyanti comayā sārdhaṃ nandinā ca mahātmanā // (18.2)
Par.?
agnivarṇamajaṃ devamagnikuṇḍanibhekṣaṇam / (19.1)
Par.?
agnyādityasahasrābham agnivarṇavibhūṣitam // (19.2)
Par.?
candrāvayavalakṣmāṇaṃ candrasaumyatarānanam / (20.1)
Par.?
āgamya tamajaṃ devamatha taṃ nīlalohitam / (20.2)
Par.?
astuvangopatiṃ śambhuṃ varadaṃ pārvatīpatim // (20.3)
Par.?
namo bhavāya śarvāya rudrāya varadāya ca / (21.2)
Par.?
paśūnāṃ pataye nityamugrāya ca kapardine // (21.3)
Par.?
mahādevāya bhīmāya tryambakāya ca śāntaye / (22.1) Par.?
īśānāya bhayaghnāya namastvandhakaghātine // (22.2)
Par.?
nīlagrīvāya bhīmāya vedhase vedhasā stute / (23.1)
Par.?
kumāraśatrunighnāya kumārajanakāya ca // (23.2)
Par.?
vilohitāya dhūmrāya varāya krathanāya ca / (24.1)
Par.?
nityaṃ nīlaśikhaṇḍāya śūline divyaśāyine // (24.2)
Par.?
uragāya trinetrāya hiraṇyavasuretase / (25.1)
Par.?
acintyāyāmbikābhartre sarvadevastutāya ca // (25.2)
Par.?
vṛṣadhvajāya muṇḍāya jaṭine brahmacāriṇe / (26.1)
Par.?
tapyamānāya salile brahmaṇyāyājitāya ca // (26.2)
Par.?
viśvātmane viśvasṛje viśvamāvṛtya tiṣṭhate / (27.1)
Par.?
namo'stu divyarūpāya prabhave divyaśambhave // (27.2)
Par.?
abhigamyāya kāmyāya stutyāyārcyāya sarvadā / (28.1)
Par.?
bhaktānukampine nityaṃ diśate yanmanogatam // (28.2)
Par.?
Duration=0.087342023849487 secs.