Texts

Select a text:
Bibliography

Select a chapter:
(no revisions)

Associated topic(s): Dharmaśāstra, Witness

Show parallels Show headlines
Use dependency labeler

Chapter id: 5352

Click on a sentence to show its analysis
Keep the mouse pointer over a lemma to show its meanings.

athāsākṣiṇaḥ // (1.1) Par.?

na rājaśrotriyapravrajitakitavataskaraparādhīnastrībālasāhasikātivṛddhamattonmattābhiśastapatitakṣuttṛṣṇārtavyasanirāgāndhāḥ // (2.1) Par.?

ripumitrārthasaṃbandhivikarmadṛṣṭadoṣasahāyāś ca // (3.1) Par.?

anirdiṣṭas tu sākṣitve yaś copetya brūyāt // (4.1) Par.?

ekaś cāsākṣī // (5.1) Par.?

steyasāhasavāgdaṇḍapāruṣyasaṃgrahaṇeṣu sākṣiṇo na parīkṣyāḥ // (6.1) Par.?

atha sākṣiṇaḥ // (7.1) Par.?

kulajā vṛttavittasampannā yajvānas tapasvinaḥ putriṇo dharmajñā adhīyānāḥ satyavantas traividyavṛddhāś ca // (8.1) Par.?

abhihitaguṇasampanna ubhayānumata eko 'pi // (9.1) Par.?

dvayor vivadamānayor yasya pūrvavādas tasya sākṣiṇaḥ praṣṭavyāḥ // (10.1) Par.?

ādharyaṃ kāryavaśād yatra pūrvapakṣasya bhavet tatra prativādino 'pi // (11.1) Par.?

uddiṣṭasākṣiṇi mṛte deśāntaragate ca tadabhihitaśrotāraḥ pramāṇam // (12.1) Par.?

samakṣadarśanāt sākṣī śravaṇād vā // (13.1) Par.?

sākṣiṇaś ca satyena pūyante // (14.1) Par.?

varṇināṃ yatra vadhas tatrānṛtena // (15.1) Par.?

tatpāvanāya kūśmāṇḍībhir dvijo 'gniṃ ghṛtena juhuyāt // (16.1) Par.?

śūdra ekāhikam godaśakasya grāsaṃ dadyāt // (17.1) Par.?

svabhāvavikṛtau mukhavarṇavināśe 'saṃbaddhapralāpe ca kūṭasākṣiṇaṃ vidyāt // (18.1) Par.?

sākṣiṇaś cāhūya ādityodaye kṛtaśapathān pṛcchet // (19.1) Par.?

brūhīti brāhmaṇaṃ pṛcchet // (20.1) Par.?

satyaṃ brūhīti rājanyam // (21.1) Par.?

gobījakāñcanair vaiśyam // (22.1) Par.?

sarvamahāpātakais tu śūdram // (23.1) Par.?

sākṣiṇaś ca śrāvayet // (24.1) Par.?

ye mahāpātakināṃ lokā ye copapātakināṃ te kūṭasākṣiṇām api // (25.1) Par.?

jananamaraṇāntare kṛtasukṛtahāniś ca // (26.1) Par.?

satyenādityas tapati // (27.1) Par.?

satyena bhāti candramāḥ // (28.1) Par.?

satyena vāti pavanaḥ // (29.1) Par.?

satyena bhūr dhārayati // (30.1) Par.?

satyenāpas tiṣṭhanti // (31.1) Par.?

satyenāgniḥ // (32.1) Par.?

khaṃ ca satyena // (33.1) Par.?

satyena devāḥ // (34.1) Par.?

satyena yajñāḥ // (35.1) Par.?

aśvamedhasahasraṃ ca satyaṃ ca tulayā dhṛtam / (36.1) Par.?

aśvamedhasahasrāddhi satyam eva viśiṣyate // (36.2) Par.?

jānanto 'pi hi ye sākṣye tūṣṇīṃbhūtā udāsate / (37.1) Par.?

te kūṭasākṣiṇāṃ pāpais tulyā daṇḍena cāpy atha / (37.2) Par.?

evaṃ hi sākṣiṇaḥ pṛcched varṇānukramato nṛpaḥ // (37.3) Par.?

yasyocuḥ sākṣiṇaḥ satyāṃ pratijñāṃ sa jayī bhavet / (38.1) Par.?

anyathā vādino yasya dhruvas tasya parājayaḥ // (38.2) Par.?

bahutvaṃ pratigṛhṇīyāt sākṣidvaidhe narādhipaḥ / (39.1) Par.?

sameṣu ca guṇotkṛṣṭān guṇidvaidhe dvijottamān // (39.2) Par.?

yasmin yasmin vivāde tu kūṭasākṣyanṛtaṃ vadet / (40.1) Par.?

tattatkāryaṃ nivarteta kṛtaṃ cāpyakṛtaṃ bhavet // (40.2) Par.?

Duration=0.075165987014771 secs.