Texts

sūta uvāca / (1.1) Par.?

tato labdhavaraḥ kṛṣṇo jāmbavatyāṃ maheśvarāt / (1.2) Par.?

ajījananmahātmānaṃ sāmbamātmajamuttamam // (1.3) Par.?

pradyumnasyāpyabhūt putro hyaniruddho mahābalaḥ / (2.1) Par.?

tāvubhau guṇasampannau kṛṣṇasyaivāpare tanū // (2.2) Par.?

hatvā ca kaṃsaṃ narakamanyāṃśca śataśo 'surān / (3.1) Par.?

vijitya līlayā śakraṃ jitvā bāṇaṃ mahāsuram // (3.2) Par.?

sthāpayitvā jagat kṛtsnaṃ loke dharmāṃśca śāśvatān / (4.1) Par.?

cakre nārāyaṇo gantuṃ svasthānaṃ buddhimuttamām // (4.2) Par.?

etasminnantare viprā bhṛgvādyāḥ kṛṣṇamīśvaram / (5.1) Par.?

ājagmurdvārakāṃ draṣṭuṃ kṛtakāryaṃ sanātanam // (5.2) Par.?

sa tānuvāca viśvātmā praṇipatyābhipūjya ca / (6.1) Par.?

āsaneṣūpaviṣṭān vai saha rāmeṇa dhīmatā // (6.2) Par.?

gamiṣye tat paraṃ sthānaṃ svakīyaṃ viṣṇusaṃjñitam / (7.1) Par.?

kṛtāni sarvakāryāṇi prasīdadhvaṃ munīśvarāḥ // (7.2) Par.?

idaṃ kaliyugaṃ ghoraṃ samprāptam adhunāśubham / (8.1) Par.?

bhaviṣyanti janāḥ sarve hyasmin pāpānuvartinaḥ // (8.2) Par.?

pravartayadhvaṃ majjñānaṃ brāhmaṇānāṃ hitāvaham / (9.1) Par.?

yeneme kalijaiḥ pāpairmucyante hi dvijottamāḥ // (9.2) Par.?

ye māṃ janāḥ saṃsmaranti kalau sakṛdapi prabhum / (10.1) Par.?

teṣāṃ naśyatu tat pāpaṃ bhaktānāṃ puruṣottame // (10.2) Par.?

ye'rcayiṣyanti māṃ bhaktyā nityaṃ kaliyuge dvijāḥ / (11.1) Par.?

vidhinā vedadṛṣṭena te gamiṣyanti tat padam // (11.2) Par.?

ye brāhmaṇā vaṃśajātā yuṣmākaṃ vai sahasraśaḥ / (12.1) Par.?

teṣāṃ nārāyaṇe bhaktirbhaviṣyati kalau yuge // (12.2) Par.?

parāt parataraṃ yānti nārāyaṇaparāyaṇāḥ / (13.1) Par.?

na te tatra gamiṣyanti ye dviṣanti maheśvaram // (13.2) Par.?

dhyānaṃ homaṃ tapastaptaṃ jñānaṃ yajñādiko vidhiḥ / (14.1) Par.?

teṣāṃ vinaśyati kṣipraṃ ye nindanti pinākinam // (14.2) Par.?

yo māṃ samāśrayennityamekāntaṃ bhāvamāśritaḥ / (15.1) Par.?

vinindya devamīśānaṃ sa yāti narakāyutam // (15.2) Par.?

tasmāt sā parihartavyā nindā paśupatau dvijāḥ / (16.1) Par.?

karmaṇā manasā vācā tadbhakteṣvapi yatnataḥ // (16.2) Par.?

ye tu dakṣādhvare śaptā dadhīcena dvijottamāḥ / (17.1) Par.?

bhaviṣyanti kalau bhaktaiḥ parihāryāḥ prayatnataḥ // (17.2) Par.?

dviṣanto devamīśānaṃ yuṣmākaṃ vaṃśasaṃbhavāḥ / (18.1) Par.?

śaptāśca gautamenorvyāṃ na saṃbhāṣyā dvijottamaiḥ // (18.2) Par.?

ityevamuktāḥ kṛṣṇena sarva eva maharṣayaḥ / (19.1) Par.?

omityuktvā yayustūrṇaṃsvāni sthānāni sattamāḥ // (19.2) Par.?

tato nārāyaṇaḥ kṛṣṇo līlayaiva jaganmayaḥ / (20.1) Par.?

saṃhṛtya svakulaṃ sarvaṃ yayau tat paramaṃ padam // (20.2) Par.?

ityeṣa vaḥ samāsena rājñāṃ vaṃśo 'nukīrtitaḥ / (21.1) Par.?

na śakyo vistarād vaktuṃ kiṃ bhūyaḥ śrotumicchatha // (21.2) Par.?

yaḥ paṭhecchṛṇuyād vāpi vaṃśānāṃ kathanaṃ śubham / (22.1) Par.?

sarvapāpavinirmuktaḥ svargaloke mahīyate // (22.2) Par.?

iti śrīkūrmapurāṇe ṣaṭsāhasryāṃ saṃhitāyāṃ pūrvavibhāge ṣaḍviṃśo 'dhyāyaḥ // (23.1) Par.?