Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5721

bradhnaḥ sūryastasya pādā raśmayaḥ pāntvavantu // (1) Par.?

kān // (2) Par.?

vo yuṣmān // (3) Par.?

kiṃ kurvantaḥ // (4) Par.?

ambhoruhāṇāṃ padmānāṃ garbheṣvabhyantareṣu śikhariṣu ca parvateṣu śitāgreṣu tīkṣṇaprānteṣu tulyaṃ samaṃ patanto gacchantaḥ // (5) Par.?

anyasya hi pādā yathā haritaśādvalopacitāyāṃ bhūmau nipatanti tathā na śarkarilāyāṃ kaṇṭakitāyāṃ vā // (6) Par.?

bradhnasya punarmārdavātiśayayukteṣu padmagarbheṣu tīkṣṇaśṛṅgeṣu ca parvateṣu samaṃ patanti // (7) Par.?

vāsarasya divasasya prārambhe mukhe tasyaiva vyuparatisamaye cāstamanakāle tathaiva sadṛśā ekarūpāḥ // (8) Par.?

tribhuvanaṃ bhavanaprāṅgaṇamiva tribhuvanabhavanaprāṅgaṇaṃ tasmiṃstrailokyaveśmājire niṣparyāyamavidyamānakramaṃ pravṛttāḥ prasṛtāḥ // (9) Par.?

anyasya hi pādāścaraṇā gṛhāṅgaṇe paryāyeṇa pravartante // (10) Par.?

tasya punaḥ samakālameva // (11) Par.?

ūṣmāṇam auṣṇyaṃ bhṛśaṃ bibhrato'tyarthaṃ dadhataḥ // (12) Par.?

utprekṣate saṃtatādhvaśramajamiva // (13) Par.?

saṃtataścāsāvadhvā ca saṃtatādhvā // (14) Par.?

adhvaśabdo'trādhikagamane vartate // (15) Par.?

tena śramastasmājjātastamiva // (16) Par.?

bhṛśamavicchinnaṃ gāḍhaṃ gamanakhedasaṃbhavamiva // (17) Par.?

anyo hi yaḥ pānthastasya pādā ūṣmāṇameva bibhrati dadhati // (18) Par.?

Duration=0.11995196342468 secs.