Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 5958
- Click on a sentence to show its analysis
- Keep the mouse pointer over a lemma to show its meanings.
brahmavādino vadanti / (1.1) Par.?
kiṃkāraṇaṃ brahma kutaḥ sma jātā jīvāmaḥ kena kva ca saṃpratiṣṭhāḥ / (1.2) Par.?
adhiṣṭhitāḥ kena sukhetareṣu vartāmahe brahmavido vyavasthām // (1.3) Par.?
kālaḥ svabhāvo niyatir yadṛcchā bhūtāni yoniḥ puruṣeti cintyam / (2.1) Par.?
saṃyoga eṣāṃ na tv ātmabhāvād ātmā hy anīśaḥ sukhaduḥkhahetoḥ // (2.2) Par.?
te dhyānayogānugatā apaśyan devātmaśaktiṃ svaguṇair nigūḍhām / (3.1) Par.?
yaḥ kāraṇāni nikhilāni tāni kālātmayuktāny adhitiṣṭhaty ekaḥ // (3.2) Par.?
tam ekanemiṃ trivṛtaṃ ṣoḍaśāntaṃ śatārdhāraṃ viṃśatipratyarābhiḥ / (4.1) Par.?
aṣṭakaiḥ ṣaḍbhir viśvarūpaikapāśaṃ trimārgabhedaṃ dvinimittaikamoham // (4.2) Par.?
pañcasroto'mbuṃ pañcayonyugravaktrāṃ pañcaprāṇormiṃ pañcabuddhyādimūlāṃ / (5.1) Par.?
pañcāvartāṃ pañcaduḥkhaughavegāṃ pañcāśadbhedāṃ pañcaparvām adhīmaḥ // (5.2) Par.?
sarvājīve sarvasaṃsthe bṛhante tasmin haṃso bhrāmyate brahmacakre / (6.1) Par.?
pṛthag ātmānaṃ preritāraṃ ca matvā juṣṭas tatas tenāmṛtatvam eti // (6.2) Par.?
udgītam etat paramaṃ tu brahma tasmiṃs trayaṃ svapratiṣṭhākṣaraṃ ca / (7.1) Par.?
atrāntaraṃ brahmavido viditvā līnā brahmaṇi tatparā yonimuktāḥ // (7.2) Par.?
saṃyuktam etat kṣaram akṣaraṃ ca vyaktāvyaktaṃ bharate viśvam īśaḥ / (8.1) Par.?
anīśaś cātmā badhyate bhoktṛbhāvāj jñātvā devaṃ mucyate sarvapāśaiḥ // (8.2) Par.?
jñājñau dvāv ajāv īśānīśāv ajā hyekā bhoktṛbhogārthayuktā / (9.1) Par.?
anantaś cātmā viśvarūpo hy akartā trayaṃ yadā vindate brahmam etat // (9.2) Par.?
kṣaraṃ pradhānam amṛtākṣaraṃ haraḥ kṣarātmānāv īśate deva ekaḥ / (10.1) Par.?
tasyābhidhyānād yojanāt tattvabhāvād bhūyaś cānte viśvamāyānivṛttiḥ // (10.2) Par.?
jñātvā devaṃ sarvapāśāpahāniḥ kṣīṇaiḥ kleśair janmamṛtyuprahāṇiḥ / (11.1) Par.?
tasyābhidhyānāt tṛtīyaṃ dehabhede viśvaiśvaryaṃ kevala āptakāmaḥ // (11.2) Par.?
etaj jñeyaṃ nityam evātmasaṃsthaṃ nātaḥ paraṃ veditavyaṃ hi kiṃcit / (12.1) Par.?
bhoktā bhogyaṃ preritāraṃ ca matvā sarvaṃ proktaṃ trividhaṃ brahmam etat // (12.2) Par.?
vahner yathā yonigatasya mūrtir na dṛśyate naiva ca liṅganāśaḥ / (13.1) Par.?
sa bhūya evendhanayonigṛhyas tadvobhayaṃ vai praṇavena dehe // (13.2) Par.?
svadeham araṇiṃ kṛtvā praṇavaṃ cottarāraṇiṃ / (14.1) Par.?
dhyānanirmathanābhyāsād devaṃ paśyen nigūḍhavat // (14.2) Par.?
tileṣu tailaṃ dadhinīva sarpir āpaḥ srotaḥsv araṇīṣu cāgniḥ / (15.1) Par.?
evam ātmā ātmani gṛhyate 'sau satyenainaṃ tapasā yo 'nupaśyati // (15.2) Par.?
sarvavyāpinam ātmānaṃ kṣīre sarpir ivārpitam / (16.1) Par.?
ātmavidyātapomūlaṃ tad brahmopaniṣatparaṃ tad brahmopaniṣatparam // (16.2) Par.?
Duration=0.13746786117554 secs.