Texts

parāśara uvāca / (1.1) Par.?

pūror janamejayas tasyāpi pracinvān pracinvataḥ pravīraḥ pravīrān manasyur manasyoścābhayadaḥ tasyāpi sudyuḥ sudyor bahugataḥ tasyāpi saṃyātiḥ saṃyāter ahaṃyātiḥ tato raudrāśvaḥ // (1.2) Par.?

ṛteṣukakṣeṣusthaṇḍileṣukṛteṣujaleṣudharmeṣudhṛteṣusthaleṣusaṃnateṣuvaneṣunāmāno raudrāśvasya daśa putrā babhūvuḥ // (2.1) Par.?

ṛteṣor antināraḥ putro 'bhūt // (3.1) Par.?

sumatim apratirathaṃ dhruvaṃ cāpyantināraḥ putrānavāpa // (4.1) Par.?

apratirathasya kaṇvaḥ putro 'bhūt // (5.1) Par.?

tasyāpi medhātithiḥ // (6.1) Par.?

yataḥ kaṇvāyanā dvijā babhūvuḥ // (7.1) Par.?

apratirathasyāparaḥ putro 'bhūd ailīnaḥ // (8.1) Par.?

ailīnasya duṣyantādyāś catvāraḥ putrā babhūvuḥ // (9.1) Par.?

duṣyantāccakravartī bharato 'bhūt // (10.1) Par.?

yannāmaheturdevaiḥ śloko gīyate // (11.1) Par.?

mātā bhastrā pituḥ putro yena jātaḥ sa eva saḥ / (12.1) Par.?

bharasva putraṃ duṣyanta māvamaṃsthāḥ śakuntalām // (12.2) Par.?

retodhāḥ putro nayati naradeva yamakṣayāt / (13.1) Par.?

tvaṃ cāsya dhātā garbhasya satyam āha śakuntalā // (13.2) Par.?

bharatasya patnitraye nava putrā babhūvuḥ // (14.1) Par.?

naite mamānurūpā ity abhihitās tanmātaraḥ parityāgabhayāt tatputrāñjaghnuḥ // (15.1) Par.?

tato 'sya vitathe putrajanmani putrārthino marutsomayājino dīrghatamasaḥ pārṣṇyapāstadbṛhaspativīryād utathyapatnyāṃ mamatāyāṃ samutpanno bharadvājākhyaḥ putro marudbhir dattaḥ // (16.1) Par.?

tasyāpi nāmanirvacanaślokaḥ paṭhyate // (17.1) Par.?

mūḍhe bhara dvājam imaṃ bhara dvājaṃ bṛhaspate / (18.1) Par.?

yātau yad uktvā pitarau bharadvājas tatas tv ayam / (18.2) Par.?

iti // (18.3) Par.?

bharadvājaḥ sa tasya vitathe putrajanmani marudbhir dattaḥ tato vitathasaṃjñām avāpa // (19.1) Par.?

vitathasyāpi manyuḥ putro 'bhavat // (20.1) Par.?

bṛhatkṣatramahāvīryanagaragargā 'bhavan manyuputrāḥ // (21.1) Par.?

nagarasya saṅkṛtiḥ saṅkṛter guruprītirantidevau // (22.1) Par.?

gargācchiniḥ tataś ca gārgyāḥ śainyāḥ kṣatropetā dvijātayo babhūvuḥ // (23.1) Par.?

mahāvīryācca durukṣayo nāma putro 'bhavat // (24.1) Par.?

tasya trayyāruṇiḥ puṣkariṇaḥ kapiś ca putratrayam abhūt // (25.1) Par.?

tac ca putratritayam api paścād vipratām upajagāma // (26.1) Par.?

bṛhatkṣatrasya suhotraḥ // (27.1) Par.?

suhotrāddhastī ya idaṃ hastinapuram āvāsayāmāsa // (28.1) Par.?

ajamīḍhadvijamīḍhapurumīḍhās trayo hastinas tanayāḥ // (29.1) Par.?

ajamīḍhāt kaṇvaḥ // (30.1) Par.?

kaṇvān medhātithiḥ // (31.1) Par.?

yataḥ kaṇvāyanā dvijāḥ // (32.1) Par.?

ajamīḍhasyānyaḥ putro bṛhadiṣuḥ // (33.1) Par.?

bṛhadiṣor bṛhaddhanur bṛhaddhanuṣaś ca bṛhatkarmā tataś ca jayadrathas tasmād api viśvajit // (34.1) Par.?

tataś ca senajit // (35.1) Par.?

rucirāśvakāśyadṛḍhahanuvatsahanusaṃjñāḥ senajitaḥ putrāḥ // (36.1) Par.?

rucirāśvaputraḥ pṛthusenaḥ pṛthusenāt pāraḥ // (37.1) Par.?

pārān nīlaḥ // (38.1) Par.?

tasyaikaśataṃ putrāṇām // (39.1) Par.?

teṣāṃ pradhānaḥ kāmpilyādhipatiḥ samaraḥ // (40.1) Par.?

samarasyāpi pārasupārasadaśvās trayaḥ putrāḥ // (41.1) Par.?

supārāt pṛthuḥ pṛthoḥ sukṛtiḥ sukṛter vibhrājaḥ // (42.1) Par.?

tasmāc cāṇuhaḥ // (43.1) Par.?

yaḥ śukaduhitaraṃ kīrtiṃ nāmopayeme // (44.1) Par.?

aṇuhād brahmadattaḥ // (45.1) Par.?

tataś ca viṣvaksenas tasmād udaksenaḥ // (46.1) Par.?

bhallābhas tasya cātmajaḥ // (47.1) Par.?

dvijamīḍhasya tu yavīnarasaṃjñaḥ putraḥ // (48.1) Par.?

tasyāpi dhṛtimāṃs tasmācca satyadhṛtis tataś ca dṛḍhanemis tasmācca supārśvas tataḥ sumatis tataś ca saṃnatimān // (49.1) Par.?

saṃnatimataḥ kṛtaḥ putro 'bhūt // (50.1) Par.?

yaṃ hiraṇyanābho yogam adhyāpayāmāsa // (51.1) Par.?

yaś caturviṃśatiprācyasāmagānāṃ saṃhitāś cakāra // (52.1) Par.?

kṛtāccogrāyudhaḥ // (53.1) Par.?

yena prācuryeṇa nīpakṣayaḥ kṛtaḥ // (54.1) Par.?

ugrāyudhāt kṣemyaḥ kṣemyāt sudhīras tasmād ripuñjayaḥ tasmācca bahuratha ity ete pauravāḥ // (55.1) Par.?

ajamīḍhasya nalinī nāma patnī tasyāṃ nīlasaṃjñaḥ putro 'bhavat // (56.1) Par.?

tasmād api śāntiḥ śānteḥ suśāntiḥ suśānteḥ purañjayaḥ tasmācca ṛkṣaḥ // (57.1) Par.?

tataś ca haryaśvaḥ // (58.1) Par.?

tasmān mudgalasṛñjayabṛhadiṣuyavīnarakāmpilyasaṃjñāḥ pañcānām eva teṣāṃ viṣayāṇāṃ rakṣaṇāyālam ete matputrā iti pitrābhihitāḥ pāñcālāḥ // (59.1) Par.?

mudgalācca maudgalyāḥ kṣatropetā dvijātayo babhūvuḥ // (60.1) Par.?

mudgalāddharyaśvaḥ // (61.1) Par.?

haryaśvād divodāso 'halyā ca mithunam abhūt // (62.1) Par.?

śaradvataś cāhalyāyāṃ śatānando 'bhavat // (63.1) Par.?

śatānandāt satyadhṛtir dhanurvedāntago jajñe // (64.1) Par.?

satyadhṛter varāpsarasam urvaśīṃ dṛṣṭvā retaḥ skannaṃ śarastambe papāta // (65.1) Par.?

tacca dvidhāgatam apatyadvayaṃ kumāraḥ kanyā cābhavat // (66.1) Par.?

tau ca mṛgayām upayātaḥ śaṃtanur dṛṣṭvā kṛpayā jagrāha // (67.1) Par.?

tataḥ kumāraḥ kṛpaḥ kanyā cāśvatthāmno jananī kṛpī droṇācāryasya patny abhavat // (68.1) Par.?

divodāsasya putro mitrāyuḥ // (69.1) Par.?

mitrāyoś cyavano nāma rājā // (70.1) Par.?

cyavanāt sudāsaḥ sudāsāt saudāsaḥ saudāsāt sahadevas tasyāpi somakaḥ // (71.1) Par.?

somakājjantuḥ putraśatajyeṣṭho 'bhavat // (72.1) Par.?

teṣāṃ yavīyān pṛṣataḥ pṛṣatād drupadas tasmācca dhṛṣṭadyumnas tato dhṛṣṭaketuḥ // (73.1) Par.?

ajamīḍhasyānyo ṛkṣanāmā putro 'bhavat // (74.1) Par.?

tasya saṃvaraṇaḥ // (75.1) Par.?

saṃvaraṇāt kuruḥ // (76.1) Par.?

ya idaṃ dharmakṣetraṃ kurukṣetraṃ cakāra // (77.1) Par.?

sudhanurjahnuparīkṣitpramukhāḥ kuroḥ putrāḥ babhūvuḥ // (78.1) Par.?

sudhanuṣaḥ putraḥ suhotras tasmāccyavanaḥ cyavanāt kṛtakaḥ // (79.1) Par.?

tataś coparicaro vasuḥ // (80.1) Par.?

bṛhadrathapratyagrakuśāmbakucelamātsyapramukhāḥ vasoḥ putrāḥ saptājāyanta // (81.1) Par.?

bṛhadrathāt kuśāgraḥ kuśāgrād vṛṣabhaḥ vṛṣabhāt puṣpavān tasmāt satyahitaḥ tasmāt sudhanvā tasya ca jatuḥ // (82.1) Par.?

bṛhadrathāccānyaḥ śakaladvayajanmā jarayā saṃdhito jarāsaṃdhanāmā // (83.1) Par.?

tasmāt sahadevaḥ sahadevāt somapas tataś ca śrutiśravāḥ // (84.1) Par.?

ity ete mayā māgadhā bhūpālāḥ kathitāḥ // (85.1) Par.?