Texts

Help

Select a text:
Bibliography

Select a chapter:
(no revisions)

Associated topic(s): divorce, gṛhastha, householder, marriage, wedding

Show parallels Show headlines
Use dependency labeler

Chapter id: 14870

Click on a sentence to show its analysis
Keep the mouse pointer over a lemma to show its meanings.

abrāhmaṇasya śārīro daṇḍaḥ saṃgrahaṇe bhavet // (1.1) Par.?

sarveṣām eva varṇānāṃ dārā rakṣyatamā dhanāt // (2.1) Par.?

na tu cāraṇadāreṣu na raṅgāvatāre vadhaḥ / (3.1) Par.?

saṃsarjayanti tā hy etān niguptāṃś cālayanty api // (3.2) Par.?

striyaḥ pavitram atulaṃ naitā duṣyanti karhicit / (4.1) Par.?

māsi māsi rajo hy āsāṃ duritāny apakarṣati // (4.2) Par.?

somaḥ śaucaṃ dadau tāsāṃ gandharvaḥ śikṣitāṃ giram / (5.1) Par.?

agniś ca sarvabhakṣatvaṃ tasmān niṣkalmaṣāḥ striyaḥ // (5.2) Par.?

Divorce and widowhood

aprajāṃ daśame varṣe strīprajāṃ dvādaśe tyajet / (6.1) Par.?

mṛtaprajāṃ pañcadaśe sadyas tv apriyavādinīm // (6.2) Par.?

saṃvatsaraṃ pretapatnī madhumāṃsamadyalavaṇāni varjayed adhaḥ śayīta // (7.1) Par.?

ṣaṇmāsān iti maudgalyaḥ // (8.1) Par.?

ata ūrdhvaṃ gurubhir anumatā devarāj janayet putram aputrā // (9.1) Par.?

athāpy udāharanti / (10.1) Par.?

vaśā cotpannaputrā ca nīrajaskā gataprajā / (10.2) Par.?

nākāmā saṃniyojyā syāt phalaṃ yasyāṃ na vidyata iti // (10.3) Par.?

mātulapitṛsvasā bhaginī bhāgineyī snuṣā mātulānī sakhivadhūr ity agamyāḥ // (11.1) Par.?

agamyānāṃ gamane kṛcchrātikṛcchrau cāndrāyaṇam iti prāyaścittiḥ // (12.1) Par.?

etena caṇḍālīvyavāyo vyākhyātaḥ // (13.1) Par.?

athāpy udāharanti / (14.1) Par.?

caṇḍālīṃ brāhmaṇo gatvā bhuktvā ca pratigṛhya ca / (14.2) Par.?

ajñānāt patito vipro jñānāt tu samatāṃ vrajet // (14.3) Par.?

pitur guror narendrasya bhāryāṃ gatvā pramādataḥ / (15.1) Par.?

gurutalpī bhavet tena pūrvoktas tasya niṣkraya iti // (15.2) Par.?

Householder: Lawful occupations

adhyāpanayājanapratigrahair aśaktaḥ kṣatradharmeṇa jīvet pratyanantaratvāt // (16.1) Par.?

neti gautamaḥ / (17.1) Par.?

atyugro hi kṣatradharmo brāhmaṇasya // (17.2) Par.?

athāpy udāharanti / (18.1) Par.?

gavārthe brāhmaṇārthe vā varṇānāṃ vāpi saṃkare / (18.2) Par.?

gṛhṇīyātāṃ vipraviśau śastraṃ dharmavyapekṣayā // (18.3) Par.?

vaiśyavṛttir anuṣṭheyā pratyanantaratvāt // (19.1) Par.?

prāk prātarāśāt karṣī syāt // (20.1) Par.?

asyūtanāsikābhyāṃ samuṣkābhyām atudann ārayā muhurmuhur abhyucchandayan // (21.1) Par.?

Duties of a householder

bhāryādir agniḥ / (22.1) Par.?

tasmin karmakaraṇaṃ prāg agnyādheyāt // (22.2) Par.?

agnyādheyaprabhṛty athemāny ajasrāṇi bhavanti yathaitad agnyādheyam agnihotraṃ darśapūrṇamāsāv āgrayaṇam udagayanadakṣiṇāyanayoḥ paśuś cāturmāsyāny ṛtumukhe ṣaḍḍhotā vasante jyotiṣṭoma ity evaṃ kṣemaprāpaṇam // (23.1) Par.?

athāpy udāharanti / (24.1) Par.?

na divāsvapnaśīlena na ca sarvānnabhojinā / (24.2) Par.?

kāmaṃ śakyaṃ nabho gantum ārūḍhapatitena vā // (24.3) Par.?

dainyaṃ śāṭhyaṃ jaihmyaṃ ca varjayet // (25.1) Par.?

athāpy atrośanasaś ca vṛṣaparvaṇaś ca duhitroḥ saṃvāde gāthām udāharanti / (26.1) Par.?

stuvato duhitā tvaṃ vai yācataḥ pratigṛhṇataḥ / (26.2) Par.?

athāhaṃ stūyamānasya dadato 'pratigṛhṇataḥ / (26.3) Par.?

dadato 'pratigṛhṇata iti // (26.4) Par.?

Duration=0.32978391647339 secs.