Texts

devā vā ukthāny abhijitya rātriṃ nāśaknuvann abhijetuṃ te 'surān rātriṃ tamaḥ praviṣṭān nānuvyapaśyaṃs ta etam anuṣṭupśirasaṃ pragātham apaśyan virājaṃ jyotiḥ tān virājā jyotiṣānupaśyanto 'nuṣṭubhā vajreṇa rātrer nirāghnan // (1) Par.?

yad eṣo 'nuṣṭupśirāḥ pragātho bhavati virājaiva jyotiṣānupaśyann anuṣṭubhā vajreṇa rātrer bhrātṛvyaṃ nirhanti // (2) Par.?

tān samantaṃ paryāyaṃ prāṇudanta yat paryāyaṃ prāṇudanta tat paryāyāṇāṃ paryāyatvam // (3) Par.?

prathamāni padāni punarādīni bhavanti prathamasya paryāyasya // (4) Par.?

prathamair hi padaiḥ punar ādāya prathamarātrāt prāṇudanta // (5) Par.?

pāntam ā vo andhasa iti prastauti // (6) Par.?

ahar vai pāntam andho rātrir ahnaiva tad rātrim ārabhante // (7) Par.?

tāsu vaitahavyam // (8) Par.?

vītahavyaḥ śrāyaso jyog niruddha etat sāmāpaśyat so 'vagacchat pratyatiṣṭhad avagacchati pratitiṣṭhaty etena tuṣṭuvānaḥ // (9) Par.?

tama iva vā ete praviśanti ye rātrim upayanti yad oko nidhanaṃ rātrer mukhe bhavati prajñātyai // (10) Par.?

yadā vai puruṣaḥ svam oka āgacchati sarvaṃ tarhi prajānāti sarvam asmai divā bhavati // (11) Par.?

te madhyamaṃ paryāyam aśrayanta teṣām aurdhvasadmanena vācam avṛñjata // (12) Par.?

vācaṃ bhrātṛvyasya vṛṅkte ya evaṃ veda // (13) Par.?

triṇidhanaṃ bhavati // (14) Par.?

yathā vā ahno mādhyandinaṃ savanaṃ triṇidhanāyatanam evam eṣa rātrer madhyamaḥ paryāyas triṇidhanāyatanaḥ salokatvāya // (15) Par.?

madhyamāni padāni punarādīni bhavanti madhyamasya paryāyasya madhyamair hi padaiḥ punar ādāyaṃ madhyamarātrāt prāṇudanta // (16) Par.?

ta uttamaṃ paryāyam aśrayanta teṣāṃ ghṛtaścyunnidhanena paśūn avṛñjata paśavo vai ghṛtaścyutaḥ // (17) Par.?

paśūn bhrātṛvyasya vṛṅkte ya evaṃ veda // (18) Par.?

uttamāni padāni punarādīni bhavanty uttamasya paryāyasyottamair hi padaiḥ punar ādāyam uttamarātrāt prāṇudanta // (19) Par.?

tān sandhinābhipalāyanta // (20) Par.?

tān āśvinenāsaṃhāyyam agamayan // (21) Par.?

asaṃhāyyaṃ bhrātṛvyaṃ gamayati ya evaṃ veda // (22) Par.?

eṣā vā agniṣṭomasya saṃmā yad rātriḥ // (23) Par.?

dvādaśa stotrāṇy agniṣṭomo dvādaśa stotrāṇi rātriḥ // (24) Par.?

eṣā vā ukthasya saṃmā yad rātriḥ // (25) Par.?

trīṇy ukthāni tridevatyaḥ sandhiḥ // (26) Par.?

yathā vā ahna ukthāny evam eṣa rātreḥ sandhir nānārūpāṇy ahna ukthāni nānārūpā ete tṛcā bhavanti // (27) Par.?

rathantaraṃ pratiṣṭhākāmāya sandhiṃ kuryāt // (28) Par.?

iyaṃ vai rathantaram asyām eva pratitiṣṭhati // (29) Par.?

bṛhat svargakāmāya sandhiṃ kuryāt // (30) Par.?

svargo loko bṛhat svarga eva loke pratitiṣṭhati // (31) Par.?

vāravantīyaṃ vā vāmadevyaṃ vā śrudhyaṃ vaiteṣām ekaṃ paśukāmāya sandhiṃ kuryāt // (32) Par.?

paśavo vā etāni sāmāni paśuṣv eva pratitiṣṭhati // (33) Par.?

āśvinaṃ hotānuśaṃsati // (34) Par.?

prajāpatir vā etat sahasram asṛjata tad devebhyaḥ prāyacchat tasmin na samarādhayaṃs te sūryaṃ kāṣṭhāṃ kṛtvājim adhāvan // (35) Par.?

teṣām aśvinau prathamāv adhāvatāṃ tāv anvavadan saha no 'stviti tāvabrūtāṃ kiṃ tataḥ syād iti yat kāmayethe ityabruvaṃs tāvabrūtām asmaddevatyam idam uktham ucyātā iti tasmād āśvinam ucyate // (36) Par.?

sarvāḥ khalu devatāḥ śasyante // (37) Par.?

kṣipraṃ śasyam ājim iva hy ete dhāvanty ā sūryasyodetoḥ śaṃset sūryaṃ hi kāṣṭhām akurvata // (38) Par.?