Texts

tad āhuḥ kati sāmānīti // (1) Par.?

catvārīti brūyāt // (2) Par.?

catvāry u ha vai sāmāni svāraṃ nidhanavad aiḍam ṛksamam // (3) Par.?

catasro diśaḥ // (4) Par.?

catuṣpadāḥ paśavaḥ // (5) Par.?

catvāri chandāṃsi yajñavāho gāyatrī triṣṭub jagaty anuṣṭup // (6) Par.?

tāny u ha vai trīṇy eva svāraṃ nidhanavad aiḍam // (7) Par.?

yad ṛksamaṃ svāram eva tat // (8) Par.?

triṣavaṇo yajñaḥ // (9) Par.?

trayaḥ prāṇāpānavyānāḥ // (10) Par.?

traya ime lokāḥ // (11) Par.?

te u ha vai dve eva svāraṃ caiva nidhanavac ca // (12) Par.?

yā hīḍā nidhanam eva tat // (13) Par.?

dvāv imau lokāv āviṣṭamāv iva // (14) Par.?

dvau prāṇāpānau // (15) Par.?

dvipāt puruṣaḥ // (16) Par.?

tad u ha vā ekam eva svāram eva // (17) Par.?

yaddhi nidhanaṃ yeḍā yad ṛksamaṃ svara eva tad iti // (18) Par.?

tad etad ekam eva sāma svāram eva // (19) Par.?

ya evāyaṃ pavate tat // (20) Par.?

yāś ca ha vā amūr uparyupari patanti yāś cādhaḥ sarpanti tā etam eva svāraṃ prāṇam upajīvanti // (21) Par.?

sa ya etad evaṃ veda sarvam evāyur eti // (22) Par.?

sa yo haivaṃ vidvāñ jāmi kalpayaty ajāmy evāsya tat kﾱptaṃ bhavati // (23) Par.?

tat tūparyupary ajāmy eva vicikalpayiṣet // (24) Par.?

amithunaṃ hi tad aprajananaṃ yaj jāmi // (25) Par.?

yathā pumāṃsau vā saha śayīyātāṃ striyau vā // (26) Par.?

kiṃ pumāṃsau saha śayānau prajanayetāṃ kiṃ striyau tau cen mithunīkartāraṃ na labheyātām // (27) Par.?

atho yad evājāmi tan mithunaṃ tat prajananam // (28) Par.?

ātmā vai svaraḥ // (29) Par.?

prajā nidhanam // (30) Par.?

paśava iḍā // (31) Par.?

jāyarksamam // (32) Par.?

samānau vā ātmā ca jāyā ca // (33) Par.?

ta etad ātmanobhayataḥ prajāḥ paśavaḥ parigṛhītā aparāvāpāya // (34) Par.?

nāsya vittaṃ paropyate ya evaṃ veda // (35) Par.?