Texts

athedam agnyādheyam // (1) Par.?

tasya kaḥ karmaṇa upakramo bhavatīti // (2) Par.?

uktāny ṛtunakṣatrāṇy uktam ātmanaḥ puraścaraṇam // (3) Par.?

katham atrānupūrvyaṃ bhavati // (4) Par.?

snānapavanamantraprokṣaṇapuṇyāhavācanāni śraddhām āhūyākūtyā vedanaṃ kṛtvopavyāhṛtyartvijo vṛtvārhayitvā devayajanaṃ yācitvā devayajanam ādāya sphyam ādāyāntareṇa vedyutkarāv uddeśena prapadya jaghanena gārhapatyaṃ tiṣṭhan prācīnaṃ sphyena gārhapatyasyāyatanam uddhanti // (5) Par.?

uddhanyamānam asyā amedhyam apa pāpmānaṃ yajamānasya hantu śivā naḥ santu pradiśaś catasraḥ śaṃ no mātā pṛthivī tokasāteti // (6) Par.?

athainad adbhir avokṣati śaṃ no devīr abhiṣṭaya āpo bhavantu pītaye śaṃ yor abhisravantu na iti // (7) Par.?

evam evānvāhāryapacanasyāyatanam uddhanti // (8) Par.?

evam evāhavanīyasya // (9) Par.?

evam itarayor yadi kariṣyan bhavati // (10) Par.?

athāntareṇa vedyutkarāv uddeśenodaṅṅ upaniṣkramya tāṃ diśaṃ yanti yatrāsya saṃbhārā upakﾱptā bhavanti // (11) Par.?

api vottareṇa śālāyāḥ sarve saṃbhārā upakﾱptā bhavanti // (12) Par.?

api vāntarvedi prācīnaṃ tān mantrānupūrvyam ekaikaṃ saṃbhāram ekaikena yajuṣā saṃbharati // (13) Par.?

vaiśvānarasya rūpam pṛthivyāṃ parisrasā // (14) Par.?

syonam āviśatu na iti sikatāḥ saṃbhṛtya nidadhāti // (15) Par.?

evam evottaramuttaraṃ saṃbhāram uttareṇottareṇa yajuṣā saṃbhṛtya saṃbhṛtyaiva nidadhāti // (16) Par.?

ūṣāś ca sikatāś cākhūtkaraṃ ca valmīkavapāṃ ca sūdaṃ ca varāhavihataṃ ca puṣkaraparṇaṃ ca śarkarāś cety aṣṭau pārthivāḥ // (17) Par.?

athottareṇa yajuṣā ṣaḍḍhiraṇyaśalkān āharati // (18) Par.?

atha vānaspatyābhir vānaspatyāḥ // (19) Par.?

śākhā ārdrāḥ sapalāśāḥ saprārohāḥ prādeśamātrīr apratiśuṣkāgrā āharati // (20) Par.?

api vā yathālābham // (21) Par.?

parṇaṃ dvābhyām // (22) Par.?

citriyasyāśvatthasya tisraḥ samidha ārdrāḥ sapalāśāḥ saprārohāḥ prādeśamātrīr apratiśuṣkāgrā āharati citriyād aśvatthāt saṃbhṛtā bṛhatyaḥ śarīram abhisaṃskṛtā stha / (23.1) Par.?

prajāpatinā yajñamukhena saṃmitās tisras trivṛdbhir mithunāḥ prajātyā iti // (23.2) Par.?

atha muñjakulāyam āharati yā te agna ojasvinī tanūr oṣadhīṣu praviṣṭā / (24.1) Par.?

tāṃ ta iha saṃbharāmīti // (24.2) Par.?

athāsmā araṇī āharaty āśvatthīṃ śamīgarbhīm apy aśamīgarbhīṃ vā caturaṅgulam utsedhāṃ dvādaśāṅgulaṃ vistīrṇāṃ ṣoḍaśāṅgulam āyatām api vā prādeśamātrīṃ sarvataḥ samāṃ caturaṅgulam evotsedhām // (25) Par.?

tasyā uttānāyā anulomam adhastāt pratīcīnapravaṇaṃ prajananaṃ kurvanti // (26) Par.?

tāvatīm evottarāraṇim // (27) Par.?

athaine āharati aśvatthāddhavyavāhāddhi jātām agnes tanūṃ yajñiyāṃ saṃbharāmi / (28.1) Par.?

śāntayoniṃ śamīgarbham agnaye prajanayitave // (28.2) Par.?

yo aśvatthaḥ śamīgarbha āruroha tve sacā // (29) Par.?

taṃ te harāmi brahmaṇā yajñiyaiḥ ketubhiḥ saha iti // (30) Par.?

athaitān susaṃbhṛtān saṃbhārān punar eva saṃbharati / (31.1) Par.?

yaṃ tvā samabharaṃ jātavedo yathā śarīraṃ bhūteṣu nyaktam / (31.2) Par.?

sa saṃbhṛtaḥ sīda śivaḥ prajābhya uruṃ no lokam anuneṣi vidvān iti // (31.3) Par.?