Texts

yad vā anīśāno bhāram ādatte vi vai sa liśate // (1) Par.?

yad dvādaśa sāhnasyopasadaḥ syus tisro 'hīnasya yajñasya viloma kriyeta // (2) Par.?

tisra eva sāhnasyopasado dvādaśāhīnasya yajñasya savīryatvāya // (3) Par.?

atho saloma kriyate // (4) Par.?

vatsasyaika stanaḥ // (5) Par.?

bhāgī hi sa // (6) Par.?

athaikaṃ stanaṃ vratam upaity atha dvāv atha trīn atha caturaḥ // (7) Par.?

etad vai kṣurapavi nāma vrataṃ yena pra jātān bhrātṛvyān nudate prati janiṣyamāṇān // (8) Par.?

atho kanīyasaiva bhūya upaiti // (9) Par.?

caturo 'gre stanān vratam upaity atha trīn atha dvāv athaikam // (10) Par.?

etad vai sujaghanaṃ nāma vrataṃ tapasyaṃ suvargyam // (11) Par.?

atho praiva jāyate prajayā paśubhiḥ // (12) Par.?

yavāgū rājanyasya vratam // (13) Par.?

krūreva vai yavāgūḥ // (14) Par.?

krūra iva rājanyaḥ // (15) Par.?

vajrasya rūpaṃ samṛddhyai // (16) Par.?

āmikṣā vaiśyasya // (17) Par.?

pākayajñasya rūpaṃ puṣṭyai // (18) Par.?

payo brāhmaṇasya // (19) Par.?

tejo vai brāhmaṇaḥ // (20) Par.?

tejaḥ payaḥ // (21) Par.?

tejasaiva tejaḥ paya ātman dhatte // (22) Par.?

atho payasā vai garbhā vardhante // (23) Par.?

garbha iva khalu vā eṣa yad dīkṣitaḥ // (24) Par.?

yad asya payo vratam bhavati ātmānam eva tad vardhayati // (25) Par.?

trivrato vai manur āsīd dvivratā asurā ekavratā devāḥ // (26) Par.?

prātar madhyaṃdine sāyaṃ tan manor vratam āsīt // (27) Par.?

pākayajñasya rūpaṃ puṣṭyai // (28) Par.?

prātaś ca sāyaṃ cāsurāṇāṃ nirmadhyam // (29) Par.?

kṣudho rūpam // (30) Par.?

tatas te parābhavan // (31) Par.?

madhyaṃdine madhyarātre devānām // (32) Par.?

tatas te 'bhavan // (33) Par.?

suvargaṃ lokam āyan // (34) Par.?

yad asya madhyaṃdine madhyarātre vratam bhavati madhyato vā annena bhuñjate // (35) Par.?

madhyata eva tad ūrjaṃ dhatte bhrātṛvyābhibhūtyai // (36) Par.?

bhavaty ātmanā // (37) Par.?

parāsya bhrātṛvyo bhavati // (38) Par.?

garbho vā eṣa yad dīkṣitaḥ // (39) Par.?

yonir dīkṣitavimitam // (40) Par.?

yad dīkṣito dīkṣitavimitāt pravased yathā yoner garbha skandati tādṛg eva tat // (41) Par.?

na pravastavyam ātmano gopīthāya // (42) Par.?

eṣa vai vyāghraḥ kulagopo yad agniḥ // (43) Par.?

tasmād yad dīkṣitaḥ pravaset sa enam īśvaro 'nūtthāya hantoḥ // (44) Par.?

na pravastavyam ātmano guptyai // (45) Par.?

dakṣiṇataḥ śaye // (46) Par.?

etad vai yajamānasyāyatanam // (47) Par.?

sva evāyatane śaye // (48) Par.?

agnim abhyāvṛtya śaye // (49) Par.?

devatā eva yajñam abhyāvṛtya śaye // (50) Par.?