Texts

rājā vijityāśvamedhena yajeta // (1.1) Par.?

puṇyanāmadheyaṃ devayajanam adhyavasyati // (2.1) Par.?

ṛṣabhas tūparaḥ sarvarūpaḥ // (3.1) Par.?

tena prājāpatyena // (4.1) Par.?

yadatyāmantaṃ giriridadāya parivaheyus tatra yajeta // (5.1) Par.?

amāvāsyāyāṃ brahmaudanaṃ śrapayati pūrvasyām // (6.1) Par.?

uttarasyāṃ paryagnikṛtvā keśaśmaśru vāpayitvāhataṃ vāsa ācchādyāhavanīye vaitasaṃ kaṭam upasamādhāya namaskārair upatiṣṭheta draṣṭre nama upadraṣṭre namaḥ khyātre nama ity upasthānāny adhīyate // (7.1) Par.?

hiraṇyagarbha ity aṣṭau pūrṇāhutīr hutvāstamayam anu vācaṃ yacchati // (8.1) Par.?

rātrīṃ vāgyato bhavati // (9.1) Par.?

apadātīn ṛtvijaḥ samānayanti // (10.1) Par.?

catuṣṭayīṣv apsu brahmaudanaṃ śrapayati // (11.1) Par.?

taṃ mahartvijaḥ prāśnanti // (12.1) Par.?

tebhyaḥ śatamānaṃ dadāti // (13.1) Par.?

dvādaśāratniṃ raśanāṃ trayodaśāratniṃ vā mauñjīṃ darbhamayīṃ vā brahmaudane paryastām imām agṛbhṇann ity aśvābhidhānīm ādāyābhidhā asīty aśvam abhinidadhāti kṛṣṇapiśaṅgaṃ trihāyaṇaṃ somapaṃ somapayoḥ putram // (14.1) Par.?

svagā tvā devebhya iti brahmāṇam āmantrayate // (15.1) Par.?

taṃ badhāna devebhya iti brahmā pratyāha // (16.1) Par.?

śataiḥ saha prokṣati purastād adhvaryur dakṣiṇato brahmā paścāddhotottarata udgātābhiṣekyāṇāṃ rājaputrāṇāṃ śataiḥ sahādhvaryū rājñāṃ brahmā sūtagrāmaṇīnāṃ hotā kṣattṛsaṃgṛhītṝṇām udgātā // (17.1) Par.?

prajāpataye tvā juṣṭaṃ prokṣāmīti paryāyaiḥ // (18.1) Par.?

sarve pañcamena // (19.1) Par.?

yaḥ pitur anujāyāḥ putraḥ purastād aśvaṃ tīrthāya nayati yo mātur anujāyāḥ putraḥ sa paścād anveti // (20.1) Par.?

saidhrakaṃ musalam ādāya pauṃścaleyaḥ paścād anveti // (21.1) Par.?

anunayanti śvānaṃ caturakṣam // (22.1) Par.?

tīrthānte padato 'bhyaśvasya nayati // (23.1) Par.?

yo arvantaṃ jighāṃsatīti pauṃścaleyo musalena śvānaṃ hanti // (24.1) Par.?

paro martaḥ paraḥ śveti śvānam aśvasyādhaspadam apaplāvayati // (25.1) Par.?

utkrāmantam aśvam aiṣīkeṇodūhenodūhati // (26.1) Par.?

vetasaśākhānubaddhā bhavati // (27.1) Par.?

agnaye svāhety anuvākam āvartayann aśvaṃ mārjayanty aśvastokyābhiḥ // (28.1) Par.?

vibhūr mātrety aśvam avasṛjati // (29.1) Par.?

devā āśāpālā iti paridadāti // (30.1) Par.?

śataṃ talpyā rājaputrāḥ kavacino 'nivartayanto 'śvaṃ rakṣanti tridaśānuparikṣiṇaḥ kṛtvā // (31.1) Par.?

yady aśvasya tāsāṃ ca śaṅketāgnaye 'ṃhomuca iti mṛgāreṣṭim aśvasya vere nirvapati // (32.1) Par.?

purastāt sviṣṭakṛto hiṃkārāya svāhety anuvākenāśvacaritāṃ juhoti // (33.1) Par.?

sāvitro 'ṣṭākapālaḥ pūrvāhṇe savitre prasavitra ekādaśakapālo madhyandine savitra āsavitre dvādaśakapālo 'parāhṇe // (34.1) Par.?

saṃsthitāsu pariplavam ācaṣṭe hotā hiraṇyaphalaka āsīnaḥ // (35.1) Par.?

hiraṇyaphalake kaśipuni vāsīno 'dhvaryuḥ pratigṛṇāti om ity ṛkṣu tatheti gāthāsu // (36.1) Par.?

paridhānīyāṃ sampādya brāhmaṇo vīṇāgāthī gāyatīty adadā ity ayajathā ity adaḥ kalpam akarod iti miśrās tisro gāthāḥ // (37.1) Par.?

sāyaṃ juhotīha dhṛtir iti paryāyaiḥ // (38.1) Par.?

rājanyo vīṇāgāthī gāyatīty ayudhyathā ity amuṃ saṃgrāmam ajayat / (39.1) Par.?

ado vīryam akarod iti miśrās tisro gāthāḥ // (39.2) Par.?

iṣṭiprabhṛtigāthāś ca // (40.1) Par.?

sakṛdaśvacaritāṃ juhotīṣṭir eva brāhmaṇagānaṃ ca // (41.1) Par.?

ekādaśe māsi sāvitraṃ pratyukhāsambharaṇaṃ kriyetāmāvāsyāyāḥ saṃvatsaraḥ // (42.1) Par.?

tamāsamāpyati jyotsnasya yad rātraṃ tribhiḥ sāvitram iti juhoti // (43.1) Par.?

vīṇāgāthibhyāṃ śate dadāty anasī ca yukte // (44.1) Par.?

saptamyām asaṃprāhatyāśvavāyāṃ vaḍabāyāṃ saptamyāṃ pañca paśuneṣṭvā ṣaṣṭhyāṃ dīkṣate // (45.1) Par.?

traidhātavyān iti rātrasya dīkṣaṇīyā // (46.1) Par.?

samānam ā dīkṣāhutibhyo bhuñjīta // (47.1) Par.?

catasra ādhvarikīḥ saptāhaṃ juhoti kāya svāheti cārdhānuvākasya miśramiśrān anvahaṃ pūrṇāhutivarjam // (48.1) Par.?

ādhvarikīr hutvākūtam agnim iti ṣaḍāgnikīr juhoti śeṣaṃ cāśvamedhikīnām ante pūrṇāhutīnām // (49.1) Par.?

ā brahmann iti brahmaiṣāṃ pravartyamānam anumantrayate // (50.1) Par.?

paurṇamāsī prathamā dīkṣāṇām ekādaśī vāparapakṣasya catasro 'vaśiṣyante // (51.1) Par.?

tā upasado 'ṣṭau cottarasya pakṣasya navamadaśamaikādaśam iti saumyāny ahāni // (52.1) Par.?

tristāvā vediḥ // (53.1) Par.?

ekaviṃśatir yūpā rājjudālo 'gniṣṭha ekaviṃśatyaratniḥ pautudravāvamitaḥ // (54.1) Par.?

itareṣāṃ vā ṣaṭ pālāśān ṣaḍ bailvān saṃminoti yathaikādaśinā // (55.1) Par.?

agnīṣomīyasya paśupuroḍāśam anv agnaye gṛhapataya ity aṣṭau devasvo havīṃṣi nirvapati sarvapṛṣṭhāṃ cāgnaye gāyatrāyeti daśahaviṣam // (56.1) Par.?