Texts

devāś ca vā asurāś caiṣu lokeṣv aspardhanta / (1.1) Par.?

te devāḥ prajāpatim upādhāvan // (1.2) Par.?

tebhya etān dhuraḥ prāṇān prāyacchat / (2.1) Par.?

manaḥ prathamam atha prāṇam atha cakṣur atha śrotram atha vācam // (2.2) Par.?

tābhyaḥ pañcabhyo dhūrbhyaḥ puruṣaṃ ca paśūṃś ca niramimīta // (3.1) Par.?

tena puruṣeṇāsurān adhūrvan / (4.1) Par.?

yad adhūrvaṃs tad dhurāṃ dhūstvam / (4.2) Par.?

dhūrvati pāpmānaṃ bhrātṛvyaṃ ya evaṃ veda // (4.3) Par.?

yo vai dhurāṃ dhūstvaṃ veda dhurā dhurā bhrātṛvyād vasīyān bhavati / (5.1) Par.?

etad vai dhurāṃ dhūstvaṃ yan nānāvīryā nānārūpā nānāchandasyā nānādevatyāḥ samānaṃ hiṃkāram abhisaṃpadyante / (5.2) Par.?

etad vai dhurāṃ dhūstvam / (5.3) Par.?

dhurā dhurā bhrātṛvyād vasīyān bhavati / (5.4) Par.?

ya evaṃ veda // (5.5) Par.?

yo vai dhūrṣu mahāvrataṃ veda sarvā asmin puṇyā vāco vadanti // (6.1) Par.?

śiro gāyatry uras triṣṭup madhyaṃ jagatī pādāv anuṣṭup sarvā asmin puṇyā vāco vadanti ya evaṃ veda // (7.1) Par.?

yo vā evaṃ dhuro vidvān athāsāṃ vrataṃ caraty āgamiṣyato 'sya pūrvedyuḥ puṇyā kīrtir āgacchati // (8.1) Par.?

surabhir eva gandho gāyatryā vratam / (9.1) Par.?

darśanīyaṃ triṣṭubhaḥ / (9.2) Par.?

śravaṇīyaṃ jagatyāḥ / (9.3) Par.?

yad eva vācā puṇyaṃ vadati tad anuṣṭubhaḥ / (9.4) Par.?

tad u sarvāsāṃ vratam // (9.5) Par.?

tad u vidvāṃsam āhur ati no 'vādīr iti tad anādṛtyam // (10.1) Par.?

yasya vai dhuro vigītās tasya saṃgītāḥ // (11.1) Par.?

yasya vā etā bahiṣpavamāne vigīyāntarājyeṣu saṃgāyanti tasya vai dhuro vigītās tasya saṃgītāḥ // (12.1) Par.?

yaḥ kāmayetaikadhā yajamānaṃ yaśa ṛcched yathādiṣṭaṃ prajāḥ syur iti hotur ājye gāyet / (13.1) Par.?

ekadhā yajamānaṃ yaśa ṛcchati yathādiṣṭaṃ prajā bhavanti // (13.2) Par.?

yaḥ kāmayeta kalperan prajā yathādiṣṭaṃ yajamānaḥ syād iti yathājyaṃ gāyet / (14.1) Par.?

kalpante prajā yathādiṣṭaṃ yajamāno bhavati // (14.2) Par.?

yo vā evaṃ dhuro vedānapajayyam ātmane ca yajamānāya ca lokaṃ jayaty ati yajamānam ātmānaṃ mṛtyuṃ paraṃ svargaṃ lokaṃ harati // (15.1) Par.?