Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 17267
- Click on a sentence to show its analysis
- Keep the mouse pointer over a lemma to show its meanings.
sa vā avabhṛtham abhyavaiti / (1.1) Par.?
tad yad avabhṛtham abhyavaiti / (1.2) Par.?
yo vā asya raso 'bhūd āhutibhyo vā asya tam ajījanat / (1.3) Par.?
athaitaccharīraṃ tasmin na raso 'sti / (1.4) Par.?
tan na parāsyam / (1.5) Par.?
tad apo 'bhyavaharanti / (1.6) Par.?
raso vā āpaḥ / (1.7) Par.?
tad asminn etaṃ rasaṃ dadhāti / (1.8) Par.?
tad enam etena rasena saṃgamayati / (1.9) Par.?
tad enam ato janayati / (1.10) Par.?
sa enaṃ jāta eva saṃjanayati / (1.11) Par.?
tad yad apo 'bhyavaharanti tasmād avabhṛthaḥ // (1.12) Par.?
atha samiṣṭayajūṃṣi juhoti / (2.1) Par.?
samiṣṭayajūṃṣi hy evānto yajñasya / (2.2) Par.?
sa hutvaiva samiṣṭayajūṃṣi yad etam abhito bhavati tena cātvālam upasamāyanti / (2.3) Par.?
sa kṛṣṇaviṣāṇām mekhalāṃ ca cātvāle prāsyati // (2.4) Par.?
māhir bhūr mā pṛdākur iti / (3.1) Par.?
asau vā ṛjīṣasya svagākāro yad enad apo 'bhyavaharanti / (3.2) Par.?
athaiṣa evaitasya svagākāraḥ / (3.3) Par.?
rajjur iva hi sarpāḥ / (3.4) Par.?
kūpā iva hi sarpāṇām āyatanāni / (3.5) Par.?
asti vai manuṣyāṇāṃ ca sarpāṇāṃ ca vibhrātṛvyam iva net tad ataḥ saṃbhavad iti / (3.6) Par.?
tasmād āha māhir bhūr mā pṛdākur iti // (3.7) Par.?
atha vācayaty uruṃ hi rājā varuṇaś cakāra sūryāya panthām anvetavā u iti / (4.1) Par.?
yathāyam urur abhayo 'nāṣṭraḥ sūryāya panthā evam me 'yam urur abhayo 'nāṣṭraḥ panthā astv ity evaitad āha // (4.2) Par.?
apade pādā pratidhātave 'kar iti / (5.1) Par.?
yadi ha vā apy apād bhavaty alam eva pratikramaṇāya bhavati / (5.2) Par.?
utāpavaktā hṛdayāvidhaś cid iti / (5.3) Par.?
tad enaṃ sarvasmāddhṛdyād enasaḥ pāpmanaḥ pramuñcati // (5.4) Par.?
athāha sāma gāyeti sāma brūhīti vā / (6.1) Par.?
gāyeti tv eva brūyāt / (6.2) Par.?
gāyanti hi sāma / (6.3) Par.?
tad yat sāma gāyati ned idam bahirdhā yajñāccharīraṃ nāṣṭrā rakṣāṃsi hinasann iti / (6.4) Par.?
sāma hi nāṣṭrāṇāṃ rakṣasām apahantā // (6.5) Par.?
āgneyyāṃ gāyati / (7.1) Par.?
agnir hi rakṣasām apahantā / (7.2) Par.?
aticchandasi gāyati / (7.3) Par.?
eṣā vai sarvāṇi chandāṃsi yad aticchandāḥ / (7.4) Par.?
tasmād aticchandasi gāyati // (7.5) Par.?
sa gāyaty agniṣ ṭapati pratidahaty ahāvo 'hāva iti / (8.1) Par.?
tan nāṣṭrā evaitad rakṣāṃsy ato 'pahanti // (8.2) Par.?
ta udañco niṣkrāmanti jaghanena cātvālam agreṇāgnīdhram / (9.1) Par.?
sa yasyāṃ tato diśy āpo bhavanti tad yanti // (9.2) Par.?
sa yaḥ syandamānānāṃ sthāvaro hradaḥ syāt tam apo 'bhyaveyāt / (10.1) Par.?
etā vā apāṃ varuṇagṛhītā yāḥ syandamānānāṃ na syandante / (10.2) Par.?
varuṇyo vā avabhṛtho nirvaruṇatāyai / (10.3) Par.?
yady u tā na vinded api yā eva kāś cāpo 'bhyaveyāt // (10.4) Par.?
tam apo 'vakramayan vācayati namo varuṇāyābhiṣṭhito varuṇasya pāśa iti / (11.1) Par.?
tad enaṃ sarvasmād varuṇapāśāt sarvasmād varuṇyāt pramuñcati // (11.2) Par.?
atha caturgṛhītam ājyaṃ gṛhītvā samidham prāsyābhijuhoty agner anīkam apa āviveśāpāṃ napāt pratirakṣann asuryam / (12.1) Par.?
dame dame samidhaṃ yakṣy agne prati te jihvā ghṛtam uccaraṇyat svāheti // (12.2) Par.?
agner ha vai devā yāvad vā yāvad vāpsu praveśayāṃcakrur ned ato nāṣṭrā rakṣāṃsy upottiṣṭhān iti / (13.1) Par.?
agnir hi rakṣasām apahantā / (13.2) Par.?
tam etayā ca samidhaitayā cāhutyā saminddhe samiddhe devebhyo juhavānīti // (13.3) Par.?
athāparaṃ caturgṛhītam ājyaṃ gṛhītvāśrāvyāha samidho yajeti / (14.1) Par.?
so 'pabarhiṣaś caturaḥ prayājān yajati / (14.2) Par.?
prajā vai barhiḥ / (14.3) Par.?
varuṇyo vā avabhṛthaḥ / (14.4) Par.?
net prajā varuṇo gṛhṇād iti / (14.5) Par.?
tasmād apabarhiṣaś caturaḥ prayājān yajati // (14.6) Par.?
atha vāruṇa ekakapālaḥ puroḍāśo bhavati / (15.1) Par.?
yo vā asya raso 'bhūd āhutibhyo vā asya tam ajījanat / (15.2) Par.?
athaitaccharīram / (15.3) Par.?
tasmin na raso 'sti / (15.4) Par.?
raso vai puroḍāśaḥ / (15.5) Par.?
tad asminn etaṃ rasaṃ dadhāti / (15.6) Par.?
tad enam etena rasena saṃgamayati / (15.7) Par.?
tad enam ato janayati / (15.8) Par.?
sa enaṃ jāta eva saṃjanayati / (15.9) Par.?
tasmād vāruṇa ekakapālaḥ puroḍāśo bhavati // (15.10) Par.?
sa ājyasyopastīrya puroḍāśasyāvadyann āha varuṇāyānubrūhīti / (16.1) Par.?
atra haika ṛjīṣasya dvir avadyanti / (16.2) Par.?
tad u tathā na kuryāt / (16.3) Par.?
śarīraṃ vā etad bhavati nālam āhutyai / (16.4) Par.?
dvir avadyati / (16.5) Par.?
sakṛd abhighārayati / (16.6) Par.?
pratyanakty avadāne / (16.7) Par.?
āśrāvyāha varuṇaṃ yajeti / (16.8) Par.?
vaṣaṭkṛte juhoti // (16.9) Par.?
athājyasyopastīrya puroḍāśam avadadhad āhāgnīvaruṇābhyām anubrūhīti / (17.1) Par.?
tat sviṣṭakṛte / (17.2) Par.?
sa yan nāgnaya ity āha ned agniṃ varuṇo gṛhṇād iti / (17.3) Par.?
sa yady amutrarjīṣasya dvir avadyed athātra sakṛt / (17.4) Par.?
yady u na nādriyeta / (17.5) Par.?
athopariṣṭād dvir ājyasyābhighārayati / (17.6) Par.?
āśrāvyāhāgnīvaruṇau yajeti / (17.7) Par.?
vaṣaṭkṛte juhoti // (17.8) Par.?
tā vā etāḥ ṣaḍ āhutayo bhavanti / (18.1) Par.?
ṣaḍ vā ṛtavaḥ saṃvatsarasya / (18.2) Par.?
saṃvatsaro varuṇaḥ / (18.3) Par.?
tasmāt ṣaḍ āhutayo bhavanti // (18.4) Par.?
etad ādityānām ayanam / (19.1) Par.?
ādityānīmāni yajūṃṣīty āhuḥ / (19.2) Par.?
sa yāvad asya vaśaḥ syād evam eva cikīrṣet / (19.3) Par.?
yady u enam itarathā yajamānaḥ kartavai brūyād itaratho tarhi kuryāt / (19.4) Par.?
etān eva caturaḥ prayājān apabarhiṣo yajed dvāv ājyabhāgau varuṇam agnīvaruṇau dvāv anuyājāv apabarhiṣau / (19.5) Par.?
tad daśa / (19.6) Par.?
daśākṣarā vai virāṭ / (19.7) Par.?
virāḍ vai yajñaḥ / (19.8) Par.?
tad virājam evaitad yajñam abhisaṃpādayati // (19.9) Par.?
etad aṅgirasām ayanam / (20.1) Par.?
ato 'nyatarat kṛtvā yasmin kumbha ṛjīṣam bhavati taṃ praplāvayati samudre te hṛdayam apsv antar iti / (20.2) Par.?
āpo vai samudraḥ / (20.3) Par.?
raso vā āpaḥ / (20.4) Par.?
tad asminn etaṃ rasaṃ dadhāti / (20.5) Par.?
tad enam etena rasena saṃgamayati / (20.6) Par.?
tad enam ato janayati / (20.7) Par.?
sa enaṃ jāta eva saṃjanayati / (20.8) Par.?
saṃ tvā viśantv oṣadhīr utāpa iti / (20.9) Par.?
tad asminn ubhayaṃ rasaṃ dadhāti yaś cauṣadhiṣu yaś cāpsu / (20.10) Par.?
yajñasya tvā yajñapate sūktoktau namovāke vidhema yat svāheti / (20.11) Par.?
tad yad eva yajñasya sādhu tad evāsminn etad dadhāti // (20.12) Par.?
athānusṛjyopatiṣṭhate devīr āpa eṣa vo garbha iti / (21.1) Par.?
apāṃ hy eṣa garbhaḥ / (21.2) Par.?
taṃ suprītaṃ subhṛtam bibhṛteti tad enam adbhyaḥ paridadāti guptyai / (21.3) Par.?
deva somaiṣa te loka iti / (21.4) Par.?
āpo hy etasya lokas tasmiñchaṃ ca vakṣva pari ca vakṣveti / (21.5) Par.?
tasmin naḥ śaṃ caidhi sarvābhyaś ca na ārtibhyo gopāyety evaitad āha // (21.6) Par.?
athopamārayaty avabhṛtha nicumpuṇa nicerur asi nicumpuṇaḥ ava devair devakṛtam eno yāsiṣam ava martyair martyakṛtam iti / (22.1) Par.?
ava hy etad devair devakṛtam eno 'yāsītsomena rājñāva martyair martyakṛtam iti / (22.2) Par.?
ava hy etan martyair martyakṛtam eno 'yāsīt paśunā puroḍāśena / (22.3) Par.?
pururāvṇo deva riṣas pāhīti / (22.4) Par.?
sarvābhyo mārtibhyo gopāyety evaitad āha // (22.5) Par.?
athābhyavetya snāto 'nyo'nyasya pṛṣṭhe pradhāvataḥ / (23.1) Par.?
tāv anye vāsasī paridhāyodetaḥ / (23.2) Par.?
sa yathāhis tvaco nirmucyetaivaṃ sarvasmāt pāpmano nirmucyate / (23.3) Par.?
tasmin na tāvac canaino bhavati yāvat kumāre 'dati / (23.4) Par.?
sa yenaiva niṣkrāmanti tena punar āyanti / (23.5) Par.?
punar etyāhavanīye samidham abhyādadhāti devānāṃ samid asīti / (23.6) Par.?
yajamānam evaitayā saminddhe / (23.7) Par.?
devānāṃ hi samiddhim anu yajamānaḥ samidhyate // (23.8) Par.?
Duration=0.37365198135376 secs.