Texts

ākūtyai prayuja iti sruveṇādhītayajūṃṣi juhoti / (1.1) Par.?

āpo devīr iti srucā pañcamīm / (1.2) Par.?

ṣaṣṭhīṃ dvādaśagṛhītāṃ pūrṇāhutiṃ viśvo devasya netur iti nigadya juhoti // (1.3) Par.?

paścād āhavanīyasya kṛṣṇājine māṃsataḥ samasya prāggrīve lomataḥ saṃstṛṇāti // (2.1) Par.?

yady ekaṃ syād dakṣiṇaṃ kṛṣṇājinapādaṃ māṃsataḥ samasya pratiṣīvyet // (3.1) Par.?

ṛksāmayoḥ śilpe stha iti kṛṣṇaśukle rājī saṃmṛśati // (4.1) Par.?

viṣṇoḥ śarmāsīti bhasatta ārohati // (5.1) Par.?

sūryāgnī dyāvāpṛthivī iti prāñjalir japati // (6.1) Par.?

jālam ubhayataḥpāśaṃ patnyāḥ śirasy āmucya / (7.1) Par.?

saṃ tvā nahyāmi payasā pṛthivyāḥ saṃ tvā nahyāmy adbhir oṣadhībhiḥ / (7.2) Par.?

saṃ tvā nahyāmi prajayā dhanena sā dīkṣitā sanavo vācam asmāt / (7.3) Par.?

iti pratiprasthātā yoktreṇa patnīṃ saṃnahyati // (7.4) Par.?

mekhalāṃ dīkṣito mauñjīṃ pṛthvīṃ triguṇāṃ samastām udakpāśām ūrg asīty ābadhnāti // (8.1) Par.?

ucyartiṃ granthiṃ karoti // (9.1) Par.?

ayugmavalīṃ kṛṣṇaviṣāṇām ādāyendrasya yonir asīti viṣāṇām anumantrayate // (10.1) Par.?

kṛṣiṃ susasyām utkṛṣa iti viṣāṇayā bahirvedi prācīm uddhanti // (11.1) Par.?

viṣāṇe viṣyeti sicyābadhnāti // (12.1) Par.?

tayā kaṇḍūyate kṛṣiṃ susasyām utkṛṣa ity aṅgāni supippalā oṣadhīs kṛdhīti śiraḥ // (13.1) Par.?

vānaspatyena śaṅkunā patnī kaṇḍūyeta // (14.1) Par.?

audumbaram āsyadaghnaṃ daṇḍam agreṇāhavanīyaṃ paryāhṛtya bṛhann asi vānaspatya iti yajamānāya prayacchati // (15.1) Par.?

sūpasthā asi vānaspatya ūrjo mā pāhy odṛcam iti pratigṛhṇāti // (16.1) Par.?

nakṣatrāṇāṃ mātīkāśād ity uttarāntena prorṇute // (17.1) Par.?

ā vo devāsa īmaha iti japati // (18.1) Par.?

nāpacchādayed ā krayāt // (19.1) Par.?

svāhā yajñaṃ manasa itiprabhṛtibhir aṅgulī dve dve nibhujan muṣṭī kurute / (20.1) Par.?

vācaṃ yacchati // (20.2) Par.?

tūṣṇīṃ patnī muṣṭī kṛtvā vācaṃ yacchati // (21.1) Par.?

lomataḥ kṛṣṇājinam āchādayeta / (22.1) Par.?

yadi dve viṣūcī pratimucya // (22.2) Par.?

agreṇa prāgvaṃśaṃ dīkṣitam anvārabdham āvedayati / (23.1) Par.?

dīkṣito 'yam asāv iti nāma gṛhṇāty āmuṣyāyaṇa iti gotram amuṣya putra iti pitur nāmnāmuṣya pautra iti pitāmahasyāmuṣya napteti prapitāmahasya / (23.2) Par.?

sa indrāgnibhyāṃ dīkṣāṃ prāha mitrāvaruṇābhyāṃ dīkṣāṃ prāha viśvebhyo devebhyo brāhmaṇebhyaḥ somyebhyaḥ somapebhyo dīkṣāṃ prāheti // (23.3) Par.?

evam uccais trir āvedayati // (24.1) Par.?

eṣṭrīḥ stheti tisro 'nyasya pāṇer aṅgulīr utsṛjati tisro 'nyasya // (25.1) Par.?

tūṣṇīṃ patnī // (26.1) Par.?

nakṣatrāṇāṃ sakāśād iti nakṣatraṃ dṛṣṭvā vācaṃ visṛjate / (27.1) Par.?

vrataṃ carata yāḥ paśūnām ity udite // (27.2) Par.?

maṅgalyam uktvā patnī vācaṃ visṛjate // (28.1) Par.?

na pratyakṣanāmnācakṣīta / (29.1) Par.?

canasitety arhatā saha sambhāṣamāṇo brūyād vicakṣaṇetītaraiḥ // (29.2) Par.?

dīkṣitasaṃcaraḥ / (30.1) Par.?

uttareṇāhavanīyam apareṇa vediṃ dakṣiṇātikramya dakṣiṇata āhavanīyasyodaṅmukha upaviśaty eṣa saṃcaraḥ // (30.2) Par.?

lomataḥ kṛṣṇājinasya śayyāsanam āchādanaṃ ca // (31.1) Par.?

pratiṣiddhaṃ niṣṭhīvanaṃ hasanam avavarṣaṇaṃ dantāviṣkaraṇam amedhyadarśanam apāṃgāhanaṃ homo 'nṛtaṃ ca // (32.1) Par.?

ārāt prāgvaṃśād udayāstamayāv abhyāśrāvaṇaṃ ca na syāt // (33.1) Par.?

naktaṃ mūtrapurīṣe kuryād yadi divā chāyāyām // (34.1) Par.?

yadi hased apidhāya mukham // (35.1) Par.?

undatīr ojo dhatta balaṃ dhatta mā me dīkṣāṃ mā tapo nirvadhiṣṭety avavṛṣṭo japed adabdhaṃ cakṣur ariṣṭaṃ manaḥ sūryo jyotiṣāṃ śreṣṭho dīkṣen mā mā hāsīt satapety amedhyaṃ dṛṣṭvā // (36.1) Par.?

adīkṣitavādaṃ ced brūyāt tvam agne vratapā asīti japet // (37.1) Par.?

akāle vācaṃ visṛjya vaiṣṇavīm āgnāvaiṣṇavīṃ sārasvatīṃ bārhaspatyām ity etā nigadya vācaṃ yacchati // (38.1) Par.?

vāgvisarjanāt prāg ekadugdhe vrate dohayati // (39.1) Par.?

payo brāhmaṇasya vrataṃ yavāgū rājanyasyāmikṣā vaiśyasyopasatsu payaḥ sarveṣām // (40.1) Par.?

tūṣṇīm agnihotropacāraṃ gārhapatye vrataṃ śrapayati dakṣiṇāgnau patnyai / (41.1) Par.?

śṛtaṃ gārhapatye paścād āhavanīyasyopasādayati // (41.2) Par.?