Texts

Help

Select a text:
Bibliography

Select a chapter:
1 revision

Associated topic(s): Property of Brahmins, rebirth, transmigration, theft, stealing

Show parallels Show headlines
Use dependency labeler

Chapter id: 9374

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

brāhmaṇasvāni ye mandā haranti bharatarṣabha / (1.2) Par.?

nṛśaṃsakāriṇo mūḍhāḥ kva te gacchanti mānavāḥ // (1.3) Par.?

bhīṣma uvāca / (2.1) Par.?

atrāpyudāharantīmam itihāsaṃ purātanam / (2.2) Par.?

caṇḍālasya ca saṃvādaṃ kṣatrabandhośca bhārata // (2.3) Par.?

rājanya uvāca / (3.1) Par.?

vṛddharūpo 'si caṇḍāla bālavacca viceṣṭase / (3.2) Par.?

śvakharāṇāṃ rajaḥsevī kasmād udvijase gavām // (3.3) Par.?

sādhubhir garhitaṃ karma caṇḍālasya vidhīyate / (4.1) Par.?

kasmād gorajasā dhvastam apāṃ kuṇḍe niṣiñcasi // (4.2) Par.?

caṇḍāla uvāca / (5.1) Par.?

brāhmaṇasya gavāṃ rājan hriyatīnāṃ rajaḥ purā / (5.2) Par.?

somam uddhvaṃsayāmāsa taṃ somaṃ ye 'piban dvijāḥ // (5.3) Par.?

dīkṣitaśca sa rājāpi kṣipraṃ narakam āviśat / (6.1) Par.?

saha tair yājakaiḥ sarvair brahmasvam upajīvya tat // (6.2) Par.?

ye 'pi tatrāpiban kṣīraṃ ghṛtaṃ dadhi ca mānavāḥ / (7.1) Par.?

brāhmaṇāḥ saharājanyāḥ sarve narakam āviśan // (7.2) Par.?

jaghnustāḥ payasā putrāṃstathā pautrān vidhunvatīḥ / (8.1) Par.?

paśūn avekṣamāṇāśca sādhuvṛttena daṃpatī // (8.2) Par.?

ahaṃ tatrāvasaṃ rājan brahmacārī jitendriyaḥ / (9.1) Par.?

tāsāṃ me rajasā dhvastaṃ bhaikṣam āsīnnarādhipa // (9.2) Par.?

caṇḍālo 'haṃ tato rājan bhuktvā tad abhavaṃ mṛtaḥ / (10.1) Par.?

brahmasvahārī ca nṛpaḥ so 'pratiṣṭhāṃ gatiṃ yayau // (10.2) Par.?

tasmāddharenna viprasvaṃ kadācid api kiṃcana / (11.1) Par.?

brahmasvarajasā dhvastaṃ bhuktvā māṃ paśya yādṛśam // (11.2) Par.?

tasmāt somo 'pyavikreyaḥ puruṣeṇa vipaścitā / (12.1) Par.?

vikrayaṃ hīha somasya garhayanti manīṣiṇaḥ // (12.2) Par.?

ye cainaṃ krīṇate rājan ye ca vikrīṇate janāḥ / (13.1) Par.?

te tu vaivasvataṃ prāpya rauravaṃ yānti sarvaśaḥ // (13.2) Par.?

somaṃ tu rajasā dhvastaṃ vikrīyād buddhipūrvakam / (14.1) Par.?

śrotriyo vārdhuṣī bhūtvā cirarātrāya naśyati / (14.2) Par.?

narakaṃ triṃśataṃ prāpya śvaviṣṭhām upajīvati // (14.3) Par.?

śvacaryām atimānaṃ ca sakhidāreṣu viplavam / (15.1) Par.?

tulayādhārayad dharmo hyatimāno 'tiricyate // (15.2) Par.?

śvānaṃ vai pāpinaṃ paśya vivarṇaṃ hariṇaṃ kṛśam / (16.1) Par.?

atimānena bhūtānām imāṃ gatim upāgatam // (16.2) Par.?

ahaṃ vai vipule jātaḥ kule dhanasamanvite / (17.1) Par.?

anyasmiñjanmani vibho jñānavijñānapāragaḥ // (17.2) Par.?

abhavaṃ tatra jānāno hyetān doṣānmadāt tadā / (18.1) Par.?

saṃrabdha eva bhūtānāṃ pṛṣṭhamāṃsānyabhakṣayam // (18.2) Par.?

so 'haṃ tena ca vṛttena bhojanena ca tena vai / (19.1) Par.?

imām avasthāṃ samprāptaḥ paśya kālasya paryayam // (19.2) Par.?

ādīptam iva cailāntaṃ bhramarair iva cārditam / (20.1) Par.?

dhāvamānaṃ susaṃrabdhaṃ paśya māṃ rajasānvitam // (20.2) Par.?

svādhyāyaistu mahat pāpaṃ taranti gṛhamedhinaḥ / (21.1) Par.?

dānaiḥ pṛthagvidhaiścāpi yathā prāhur manīṣiṇaḥ // (21.2) Par.?

tathā pāpakṛtaṃ vipram āśramasthaṃ mahīpate / (22.1) Par.?

sarvasaṅgavinirmuktaṃ chandāṃsyuttārayantyuta // (22.2) Par.?

ahaṃ tu pāpayonyāṃ vai prasūtaḥ kṣatriyarṣabha / (23.1) Par.?

niścayaṃ nādhigacchāmi kathaṃ mucyeyam ityuta // (23.2) Par.?

jātismaratvaṃ tu mama kenacit pūrvakarmaṇā / (24.1) Par.?

śubhena yena mokṣaṃ vai prāptum icchāmyahaṃ nṛpa // (24.2) Par.?

tvam imaṃ me prapannāya saṃśayaṃ brūhi pṛcchate / (25.1) Par.?

caṇḍālatvāt katham ahaṃ mucyeyam iti sattama // (25.2) Par.?

rājanya uvāca / (26.1) Par.?

caṇḍāla pratijānīhi yena mokṣam avāpsyasi / (26.2) Par.?

brāhmaṇārthe tyajan prāṇān gatim iṣṭām avāpsyasi // (26.3) Par.?

dattvā śarīraṃ kravyādbhyo raṇāgnau dvijahetukam / (27.1) Par.?

hutvā prāṇān pramokṣaste nānyathā mokṣam arhasi // (27.2) Par.?

bhīṣma uvāca / (28.1) Par.?

ityuktaḥ sa tadā rājan brahmasvārthe paraṃtapa / (28.2) Par.?

hutvā raṇamukhe prāṇān gatim iṣṭām avāpa ha // (28.3) Par.?

tasmād rakṣyaṃ tvayā putra brahmasvaṃ bharatarṣabha / (29.1) Par.?

yadīcchasi mahābāho śāśvatīṃ gatim uttamām // (29.2) Par.?

Duration=0.40000295639038 secs.