UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9053
- Click on a sentence to show its analysis
- Keep the mouse pointer over a lemma to show its meanings.
athāparedyuḥ savismayā prabhāvatī śukaṃ pṛcchati sma śuka kiṃ vijñātaṃ vikramārkeṇa matsyahasanakāraṇam śukaḥ prāha devi na kimapi rājñā svayaṃ jñātam / (1.1)
Par.?
tato rājā prātardvijasutām āhūya bālapaṇḍitāṃ prāha tvayā ityuktaṃ yattvaṃ svayameva jñāsyasi / (1.2)
Par.?
mayā tu kimapi na jñātam / (1.3)
Par.?
bālapaṇḍitā prāha yadi rājannevamapi mayā kathyamānaṃ na vetsi tataḥ śṛṇu / (1.4)
Par.?
puṣpahāso nāma mantrī sarvamantriṇāmagraṇīr
nirdeṣo guptaḥ / (1.5)
Par.?
kimiti niyantrito 'sti / (1.6)
Par.?
rājā prāhānvartho 'yaṃ puṣpahāsaḥ / (1.7)
Par.?
yataḥ yadā so madīyāyāṃ saṃsadi hasati tadāsyāsyātpuṣpaprakaro nipatati / (1.8)
Par.?
iyaṃ ca kathāpararājyamaṇḍaleṣu khyātābhūt / (1.9)
Par.?
tatastaiḥ preṣitāḥ svīyapumāṃsaḥ kutūhalānveṣaṇāya / (1.10)
Par.?
teṣu samāyāteṣu tena na hasitaṃ puṣpaprakaro 'pi nābhūt / (1.11)
Par.?
iti kāraṇātguptibandhaḥ / (1.12)
Par.?
bālapaṇḍitā prāha kenāpi kāraṇena mantriṇā na hasitam rājan tatkāraṇaṃ tvayā jñātaṃ na vā rājā prāha mayā kimapi na jñātam / (1.13)
Par.?
bālapaṇḍitā prāha tarhi kathamidaṃ daṇḍaṃ kurvanpāpabhāk na bhavasi / (1.14)
Par.?
dharmeṇa rāṣṭraṃ vindena dharmeṇaivānupālayet / (1.16)
Par.?
dharmāccharaṇyatāṃ yāti rājā sarvabhayāpahaḥ // (1.17)
Par.?
yathā āgrahānmāṃ matsyahāsyakāraṇaṃ pṛcchasi tathā tamapi pṛccha hāsyakāraṇam / (2.1)
Par.?
sa evātmīyahāsyasya matsyahāsyasya ca kāraṇaṃ vaktā / (2.2)
Par.?
rājāpi tadvacanātpuṣpahāsaṃ mantriṇaṃ vastradānapūrvaṃ mantripade pratiṣṭhāpya matsyahāsyakāraṇaṃ papraccha / (2.3)
Par.?
mantryāha yadyapi gṛhaduścaritamakathyam / (2.4)
Par.?
arthanāśaṃ manastāpaṃ gṛhe duścaritāni ca / (2.6)
Par.?
vañcanaṃ cāpamānaṃ ca matimānna prakāśayet // (2.7)
Par.?
tathāpi tu rājājñā mahatī / (3.1)
Par.?
prabhuḥ prītisnigdhāṃ dṛśamapi na pāpeṣu visṛjet kutaḥ ślāghyāmājñāṃ praṇayarasasāndreṇa manasā / (3.3)
Par.?
atītyādityāgniprabhṛti bhuvi dharmendriyamayaṃ nṛpākhyaṃ hi jyotiḥ prasabhamidamaindraṃ vijayate // (3.4)
Par.?
tato rājan me kalatraṃ narāntararataṃ jātaṃ tacca mayā jñātam tena ca duḥkhena na hasitam / (4.1)
Par.?
rājāpīdamākarṇya puṣpahastakai rājñīmāhṛtya sammukhamavalokayāmāsa / (4.2)
Par.?
sā ca tena prahāreṇa kapaṭamūrcchāṃ nāṭayati sma / (4.3)
Par.?
puṣpahāso 'pi tāmavalokya sahāso babhūva puṣpotkaraśca samajani / (4.4)
Par.?
rājāpi tāmāśvāsya kṛtakopo dvijātmajāsyaṃ vilokya mantriṇamavādīt kathamasmadduḥkhe sahāso 'si mantryapi sabhayamañjaliṃ baddhvābhāṣata rājan poṭakajanaistvadīyā rājñī rātrau nāḍikābhirāhatāpi na mūrchitā adhunā mūrchiteti hāsyakāraṇam / (4.5)
Par.?
rājāpi sakopo mantrin idaṃ tvayā dṛṣṭaṃ śrutaṃ veti papraccha / (4.6)
Par.?
mantryāha svāmindṛṣṭamevedam / (4.7)
Par.?
yadi svāmī na pratyeti tadā kañcukamuttāryāvalokayatu / (4.8)
Par.?
evaṃ kṛte rājā sarvamajñāsīt / (4.9)
Par.?
mantriṇo dvijasutāyāśca mukhamavalokya kimidamityavādīt / (4.10)
Par.?
mantryāha svāmin yadidaṃ dvijaputryā gūḍhārthaṃ matsyahāsyakāraṇaṃ niveditaṃ tanmayā prakaṭīkṛtam / (4.11)
Par.?
ityevamukto rājā āsthānaṃ vyasarjayat / (4.12)
Par.?
atha dvijasutāpuṣpahāsāvapi bhītahṛṣṭau svaṃ svaṃ gṛhaṃ jagmatuḥ / (4.13)
Par.?
tena ca rājñā tasyā mañjūṣāsthito naro dṛṣṭo vināśitaḥ / (4.14) Par.?
sā ca nijavāsādvisarjitā / (4.15)
Par.?
śukaḥ prabhāvatīmāha / (4.16)
Par.?
tathā tvamapi kalyāṇi mā kuruṣva vṛthāgraham / (4.17)
Par.?
yadāgrahaparo loke vilakṣo vikramārkavat // (4.18)
Par.?
iti kathāṃ śrutvā prabhāvatī suptā // (5.1)
Par.?
Duration=0.09033203125 secs.