Texts

ghṛtenāktau paśuṃ trāyethām // (1) Par.?

revati predhā yajñapatim āviśa // (2) Par.?

uro antarikṣa sajūr devena vātena // (3) Par.?

asya haviṣas tmanā yaja // (4) Par.?

sam asya tanvā bhava // (5) Par.?

varṣīyo varṣīyaso yajñaṃ yajñapatau dhāḥ // (6) Par.?

namas ta ātāna // (7) Par.?

anarvā prehi // (8) Par.?

ghṛtasya kulyām anu saha prajayā saha rāyaspoṣeṇa // (9) Par.?

devīr āpaś śuddhā yūyaṃ devān yūḍhvam // (10) Par.?

śuddhā vayaṃ pariviṣṭāḥ pariveṣṭāro bhūyāsma // (11) Par.?

prāṇaṃ te mā hiṃsiṣam // (12) Par.?

cakṣus te mā hiṃsiṣam // (13) Par.?

śrotraṃ te mā hiṃsiṣam // (14) Par.?

vācaṃ te mā hiṃsiṣam // (15) Par.?

yat te krūrataraṃ yad āsthitaṃ tat ta etena kalpatām // (16) Par.?

tat te mā hiṃsiṣam // (17) Par.?

caritrāṃs te mā hiṃsiṣam // (18) Par.?

nābhiṃ te mā hiṃsiṣam // (19) Par.?

meḍhraṃ te mā hiṃsiṣam // (20) Par.?

pāyuṃ te mā hiṃsiṣam // (21) Par.?

devebhyaś śundhasva // (22) Par.?

sam adbhyaḥ // (23) Par.?

oṣadhe trāyasvainam // (24) Par.?

svadhite mainaṃ hiṃsīḥ // (25) Par.?

rakṣasāṃ bhāgo 'si // (26) Par.?

idam ahaṃ rakṣo 'vabādhe // (27) Par.?

idam ahaṃ rakṣo 'dhamaṃ tamo nayāmi // (28) Par.?

iṣe tvorje // (29) Par.?

ghṛtena dyāvāpṛthivī prorṇuvāthām // (30) Par.?

devebhyaś śundhasva // (31) Par.?

devebhyaś śumbhasva // (32) Par.?

amuṣmai tvā juṣṭām // (33) Par.?

urv antarikṣaṃ vīhi // (34) Par.?

vāyo ve ṣṭokānām // (35) Par.?

pratyuṣṭaṃ rakṣaḥ // (36) Par.?

pratyuṣṭārātiḥ // (37) Par.?

devebhyas svāhā // (38) Par.?

svāhā devebhyaḥ // (39) Par.?

prayutā dveṣāṃsi // (40) Par.?

svāhordhvanabhasaṃ mārutaṃ gacchatam // (41) Par.?