UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4204
- Click on a sentence to show its analysis
- Keep the mouse pointer over a lemma to show its meanings.
tasmin pratihate 'stre tu rāvaṇo rākṣasādhipaḥ / (1.1)
Par.?
krodhaṃ ca dviguṇaṃ cakre krodhāccāstram anantaram // (1.2)
Par.?
mayena vihitaṃ raudram anyad astraṃ mahādyutiḥ / (2.1)
Par.?
utsraṣṭuṃ rāvaṇo ghoraṃ rāghavāya pracakrame // (2.2)
Par.?
tataḥ śūlāni niścerur gadāśca musalāni ca / (3.1)
Par.?
kārmukād dīpyamānāni vajrasārāṇi sarvaśaḥ // (3.2)
Par.?
kūṭamudgarapāśāśca dīptāścāśanayastathā / (4.1)
Par.?
niṣpetur vividhāstīkṣṇā vātā iva yugakṣaye // (4.2)
Par.?
tad astraṃ rāghavaḥ śrīmān uttamāstravidāṃ varaḥ / (5.1)
Par.?
jaghāna paramāstreṇa gāndharveṇa mahādyutiḥ // (5.2)
Par.?
tasmin pratihate 'stre tu rāghaveṇa mahātmanā / (6.1)
Par.?
rāvaṇaḥ krodhatāmrākṣaḥ sauram astram udīrayat // (6.2)
Par.?
tataścakrāṇi niṣpetur bhāsvarāṇi mahānti ca / (7.1)
Par.?
kārmukād bhīmavegasya daśagrīvasya dhīmataḥ // (7.2)
Par.?
tair āsīd gaganaṃ dīptaṃ saṃpatadbhir itastataḥ / (8.1)
Par.?
patadbhiśca diśo dīptaiścandrasūryagrahair iva // (8.2)
Par.?
tāni cicheda bāṇaughaiścakrāṇi tu sa rāghavaḥ / (9.1)
Par.?
āyudhāni vicitrāṇi rāvaṇasya camūmukhe // (9.2)
Par.?
tad astraṃ tu hataṃ dṛṣṭvā rāvaṇo rākṣasādhipaḥ / (10.1)
Par.?
vivyādha daśabhir bāṇai rāmaṃ sarveṣu marmasu // (10.2)
Par.?
sa viddho daśabhir bāṇair mahākārmukaniḥsṛtaiḥ / (11.1)
Par.?
rāvaṇena mahātejā na prākampata rāghavaḥ // (11.2)
Par.?
tato vivyādha gātreṣu sarveṣu samitiṃjayaḥ / (12.1)
Par.?
rāghavastu susaṃkruddho rāvaṇaṃ bahubhiḥ śaraiḥ // (12.2)
Par.?
etasminn antare kruddho rāghavasyānujo balī / (13.1)
Par.?
lakṣmaṇaḥ sāyakān sapta jagrāha paravīrahā // (13.2)
Par.?
taiḥ sāyakair mahāvegai rāvaṇasya mahādyutiḥ / (14.1)
Par.?
dhvajaṃ manuṣyaśīrṣaṃ tu tasya cicheda naikadhā // (14.2)
Par.?
sāratheścāpi bāṇena śiro jvalitakuṇḍalam / (15.1)
Par.?
jahāra lakṣmaṇaḥ śrīmānnairṛtasya mahābalaḥ // (15.2)
Par.?
tasya bāṇaiśca cicheda dhanur gajakaropamam / (16.1)
Par.?
lakṣmaṇo rākṣasendrasya pañcabhir niśitaiḥ śaraiḥ // (16.2)
Par.?
nīlameghanibhāṃścāsya sadaśvān parvatopamān / (17.1)
Par.?
jaghānāplutya gadayā rāvaṇasya vibhīṣaṇaḥ // (17.2)
Par.?
hatāśvād vegavān vegād avaplutya mahārathāt / (18.1)
Par.?
krodham āhārayat tīvraṃ bhrātaraṃ prati rāvaṇaḥ // (18.2)
Par.?
tataḥ śaktiṃ mahāśaktir dīptāṃ dīptāśanīm iva / (19.1)
Par.?
vibhīṣaṇāya cikṣepa rākṣasendraḥ pratāpavān // (19.2)
Par.?
aprāptām eva tāṃ bāṇaistribhiścicheda lakṣmaṇaḥ / (20.1)
Par.?
athodatiṣṭhat saṃnādo vānarāṇāṃ tadā raṇe // (20.2)
Par.?
sā papāta tridhā chinnā śaktiḥ kāñcanamālinī / (21.1)
Par.?
savisphuliṅgā jvalitā maholkeva divaścyutā // (21.2)
Par.?
tataḥ saṃbhāvitatarāṃ kālenāpi durāsadām / (22.1)
Par.?
jagrāha vipulāṃ śaktiṃ dīpyamānāṃ svatejasā // (22.2)
Par.?
sā veginā balavatā rāvaṇena durātmanā / (23.1)
Par.?
jajvāla sumahāghorā śakrāśanisamaprabhā // (23.2)
Par.?
etasminn antare vīro lakṣmaṇastaṃ vibhīṣaṇam / (24.1)
Par.?
prāṇasaṃśayam āpannaṃ tūrṇam evābhyapadyata // (24.2)
Par.?
taṃ vimokṣayituṃ vīraścāpam āyamya lakṣmaṇaḥ / (25.1)
Par.?
rāvaṇaṃ śaktihastaṃ taṃ śaravarṣair avākirat // (25.2)
Par.?
kīryamāṇaḥ śaraugheṇa visṛṣṭena mahātmanā / (26.1)
Par.?
na prahartuṃ manaścakre vimukhīkṛtavikramaḥ // (26.2)
Par.?
mokṣitaṃ bhrātaraṃ dṛṣṭvā lakṣmaṇena sa rāvaṇaḥ / (27.1)
Par.?
lakṣmaṇābhimukhastiṣṭhann idaṃ vacanam abravīt // (27.2)
Par.?
mokṣitaste balaślāghin yasmād evaṃ vibhīṣaṇaḥ / (28.1)
Par.?
vimucya rākṣasaṃ śaktistvayīyaṃ vinipātyate // (28.2)
Par.?
eṣā te hṛdayaṃ bhittvā śaktir lohitalakṣaṇā / (29.1)
Par.?
madbāhuparighotsṛṣṭā prāṇān ādāya yāsyati // (29.2)
Par.?
ityevam uktvā tāṃ śaktim aṣṭaghaṇṭāṃ mahāsvanām / (30.1)
Par.?
mayena māyāvihitām amoghāṃ śatrughātinīm // (30.2)
Par.?
lakṣmaṇāya samuddiśya jvalantīm iva tejasā / (31.1)
Par.?
rāvaṇaḥ paramakruddhaścikṣepa ca nanāda ca // (31.2)
Par.?
sā kṣiptā bhīmavegena śakrāśanisamasvanā / (32.1)
Par.?
śaktir abhyapatad vegāllakṣmaṇaṃ raṇamūrdhani // (32.2)
Par.?
tām anuvyāharacchaktim āpatantīṃ sa rāghavaḥ / (33.1)
Par.?
svastyastu lakṣmaṇāyeti moghā bhava hatodyamā // (33.2)
Par.?
nyapatat sā mahāvegā lakṣmaṇasya mahorasi / (34.1) Par.?
jihvevoragarājasya dīpyamānā mahādyutiḥ // (34.2)
Par.?
tato rāvaṇavegena sudūram avagāḍhayā / (35.1)
Par.?
śaktyā nirbhinnahṛdayaḥ papāta bhuvi lakṣmaṇaḥ // (35.2)
Par.?
tadavasthaṃ samīpastho lakṣmaṇaṃ prekṣya rāghavaḥ / (36.1)
Par.?
bhrātṛsnehānmahātejā viṣaṇṇahṛdayo 'bhavat // (36.2)
Par.?
sa muhūrtam anudhyāya bāṣpavyākulalocanaḥ / (37.1)
Par.?
babhūva saṃrabdhataro yugānta iva pāvakaḥ // (37.2)
Par.?
na viṣādasya kālo 'yam iti saṃcintya rāghavaḥ / (38.1)
Par.?
cakre sutumulaṃ yuddhaṃ rāvaṇasya vadhe dhṛtaḥ // (38.2)
Par.?
sa dadarśa tato rāmaḥ śaktyā bhinnaṃ mahāhave / (39.1)
Par.?
lakṣmaṇaṃ rudhirādigdhaṃ sapannagam ivācalam // (39.2)
Par.?
tām api prahitāṃ śaktiṃ rāvaṇena balīyasā / (40.1)
Par.?
yatnataste hariśreṣṭhā na śekur avamarditum / (40.2)
Par.?
arditāścaiva bāṇaughaiḥ kṣiprahastena rakṣasā // (40.3)
Par.?
saumitriṃ sā vinirbhidya praviṣṭā dharaṇītalam / (41.1)
Par.?
tāṃ karābhyāṃ parāmṛśya rāmaḥ śaktiṃ bhayāvahām / (41.2)
Par.?
babhañja samare kruddho balavad vicakarṣa ca // (41.3)
Par.?
tasya niṣkarṣataḥ śaktiṃ rāvaṇena balīyasā / (42.1)
Par.?
śarāḥ sarveṣu gātreṣu pātitā marmabhedinaḥ // (42.2)
Par.?
acintayitvā tān bāṇān samāśliṣya ca lakṣmaṇam / (43.1)
Par.?
abravīcca hanūmantaṃ sugrīvaṃ caiva rāghavaḥ / (43.2)
Par.?
lakṣmaṇaṃ parivāryeha tiṣṭhadhvaṃ vānarottamāḥ // (43.3)
Par.?
parākramasya kālo 'yaṃ samprāpto me cirepsitaḥ / (44.1)
Par.?
pāpātmāyaṃ daśagrīvo vadhyatāṃ pāpaniścayaḥ / (44.2)
Par.?
kāṅkṣataḥ stokakasyeva gharmānte meghadarśanam // (44.3)
Par.?
asminmuhūrte nacirāt satyaṃ pratiśṛṇomi vaḥ / (45.1)
Par.?
arāvaṇam arāmaṃ vā jagad drakṣyatha vānarāḥ // (45.2)
Par.?
rājyanāśaṃ vane vāsaṃ daṇḍake paridhāvanam / (46.1)
Par.?
vaidehyāśca parāmarśaṃ rakṣobhiśca samāgamam // (46.2)
Par.?
prāptaṃ duḥkhaṃ mahad ghoraṃ kleśaṃ ca nirayopamam / (47.1)
Par.?
adya sarvam ahaṃ tyakṣye hatvā taṃ rāvaṇaṃ raṇe // (47.2)
Par.?
yadarthaṃ vānaraṃ sainyaṃ samānītam idaṃ mayā / (48.1)
Par.?
sugrīvaśca kṛto rājye nihatvā vālinaṃ raṇe // (48.2)
Par.?
yadarthaṃ sāgaraḥ krāntaḥ setur baddhaśca sāgare / (49.1)
Par.?
so 'yam adya raṇe pāpaścakṣurviṣayam āgataḥ // (49.2)
Par.?
cakṣurviṣayam āgamya nāyaṃ jīvitum arhati / (50.1)
Par.?
dṛṣṭiṃ dṛṣṭiviṣasyeva sarpasya mama rāvaṇaḥ // (50.2)
Par.?
svasthāḥ paśyata durdharṣā yuddhaṃ vānarapuṃgavāḥ / (51.1)
Par.?
āsīnāḥ parvatāgreṣu mamedaṃ rāvaṇasya ca // (51.2)
Par.?
adya rāmasya rāmatvaṃ paśyantu mama saṃyuge / (52.1)
Par.?
trayo lokāḥ sagandharvāḥ sadevāḥ sarṣicāraṇāḥ // (52.2)
Par.?
adya karma kariṣyāmi yallokāḥ sacarācarāḥ / (53.1)
Par.?
sadevāḥ kathayiṣyanti yāvad bhūmir dhariṣyati // (53.2)
Par.?
evam uktvā śitair bāṇaistaptakāñcanabhūṣaṇaiḥ / (54.1)
Par.?
ājaghāna daśagrīvaṃ raṇe rāmaḥ samāhitaḥ // (54.2)
Par.?
atha pradīptair nārācair musalaiścāpi rāvaṇaḥ / (55.1)
Par.?
abhyavarṣat tadā rāmaṃ dhārābhir iva toyadaḥ // (55.2)
Par.?
rāmarāvaṇamuktānām anyonyam abhinighnatām / (56.1)
Par.?
śarāṇāṃ ca śarāṇāṃ ca babhūva tumulaḥ svanaḥ // (56.2)
Par.?
te bhinnāśca vikīrṇāśca rāmarāvaṇayoḥ śarāḥ / (57.1)
Par.?
antarikṣāt pradīptāgrā nipetur dharaṇītale // (57.2)
Par.?
tayor jyātalanirghoṣo rāmarāvaṇayor mahān / (58.1)
Par.?
trāsanaḥ sarvabhūtānāṃ sa babhūvādbhutopamaḥ // (58.2)
Par.?
sa kīryamāṇaḥ śarajālavṛṣṭibhir mahātmanā dīptadhanuṣmatārditaḥ / (59.1)
Par.?
bhayāt pradudrāva sametya rāvaṇo yathānilenābhihato balāhakaḥ // (59.2)
Par.?
Duration=0.18303489685059 secs.