Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9330

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

tasmin samprasthite kṛṣṇā pṛthāṃ prāpya yaśasvinīm / (1.2) Par.?

āpṛcchad bhṛśaduḥkhārtā yāścānyāstatra yoṣitaḥ // (1.3) Par.?

yathārhaṃ vandanāśleṣān kṛtvā gantum iyeṣa sā / (2.1) Par.?

tato ninādaḥ sumahān pāṇḍavāntaḥpure 'bhavat // (2.2) Par.?

kuntī ca bhṛśasaṃtaptā draupadīṃ prekṣya gacchatīm / (3.1) Par.?

śokavihvalayā vācā kṛcchrād vacanam abravīt // (3.2) Par.?

vatse śoko na te kāryaḥ prāpyedaṃ vyasanaṃ mahat / (4.1) Par.?

strīdharmāṇām abhijñāsi śīlācāravatī tathā // (4.2) Par.?

na tvāṃ saṃdeṣṭum arhāmi bhartṝn prati śucismite / (5.1) Par.?

sādhvīguṇasamādhānair bhūṣitaṃ te kuladvayam // (5.2) Par.?

sabhāgyāḥ kuravaśceme ye na dagdhāstvayānaghe / (6.1) Par.?

ariṣṭaṃ vraja panthānaṃ madanudhyānabṛṃhitā // (6.2) Par.?

bhāvinyarthe hi satstrīṇāṃ vaiklavyaṃ nopajāyate / (7.1) Par.?

gurudharmābhiguptā ca śreyaḥ kṣipram avāpsyasi // (7.2) Par.?

sahadevaśca me putraḥ sadāvekṣyo vane vasan / (8.1) Par.?

yathedaṃ vyasanaṃ prāpya nāsya sīdenmahanmanaḥ // (8.2) Par.?

tathetyuktvā tu sā devī sravannetrajalāvilā / (9.1) Par.?

śoṇitāktaikavasanā muktakeśyabhiniryayau // (9.2) Par.?

tāṃ krośantīṃ pṛthā duḥkhād anuvavrāja gacchatīm / (10.1) Par.?

athāpaśyat sutān sarvān hṛtābharaṇavāsasaḥ // (10.2) Par.?

rurucarmāvṛtatanūn hriyā kiṃcid avāṅmukhān / (11.1) Par.?

paraiḥ parītān saṃhṛṣṭaiḥ suhṛdbhiścānuśocitān // (11.2) Par.?

tadavasthān sutān sarvān upasṛtyātivatsalā / (12.1) Par.?

sasvajānāvadacchokāt tat tad vilapatī bahu // (12.2) Par.?

kathaṃ saddharmacāritravṛttasthitivibhūṣitān / (13.1) Par.?

akṣudrān dṛḍhabhaktāṃśca daivatejyāparān sadā // (13.2) Par.?

vyasanaṃ vaḥ samabhyāgāt ko 'yaṃ vidhiviparyayaḥ / (14.1) Par.?

kasyāpadhyānajaṃ cedam āgaḥ paśyāmi vo dhiyā // (14.2) Par.?

syāt tu madbhāgyadoṣo 'yaṃ yāhaṃ yuṣmān ajījanam / (15.1) Par.?

duḥkhāyāsabhujo 'tyarthaṃ yuktān apyuttamair guṇaiḥ // (15.2) Par.?

kathaṃ vatsyatha durgeṣu vaneṣv ṛddhivinākṛtāḥ / (16.1) Par.?

vīryasattvabalotsāhatejobhir akṛśāḥ kṛśāḥ // (16.2) Par.?

yadyetad aham ajñāsyaṃ vanavāso hi vo dhruvam / (17.1) Par.?

śataśṛṅgānmṛte pāṇḍau nāgamiṣyaṃ gajāhvayam // (17.2) Par.?

dhanyaṃ vaḥ pitaraṃ manye tapomedhānvitaṃ tathā / (18.1) Par.?

yaḥ putrādhim asamprāpya svargecchām akarot priyām // (18.2) Par.?

dhanyāṃ cātīndriyajñānām imāṃ prāptāṃ parāṃ gatim / (19.1) Par.?

manye 'dya mādrīṃ dharmajñāṃ kalyāṇīṃ sarvathaiva hi // (19.2) Par.?

ratyā matyā ca gatyā ca yayāham abhisaṃdhitā / (20.1) Par.?

jīvitapriyatāṃ mahyaṃ dhig imāṃ kleśabhāginīm // (20.2) Par.?

evaṃ vilapatīṃ kuntīm abhisāntvya praṇamya ca / (21.1) Par.?

pāṇḍavā vigatānandā vanāyaiva pravavrajuḥ // (21.2) Par.?

vidurādayaśca tām ārtāṃ kuntīm āśvāsya hetubhiḥ / (22.1) Par.?

prāveśayan gṛhaṃ kṣattuḥ svayam ārtatarāḥ śanaiḥ // (22.2) Par.?

rājā ca dhṛtarāṣṭraḥ sa śokākulitacetanaḥ / (23.1) Par.?

kṣattuḥ saṃpreṣayāmāsa śīghram āgamyatām iti // (23.2) Par.?

tato jagāma viduro dhṛtarāṣṭraniveśanam / (24.1) Par.?

taṃ paryapṛcchat saṃvigno dhṛtarāṣṭro narādhipaḥ // (24.2) Par.?

Duration=0.14501595497131 secs.