Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2461

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

śrutvā ca viduraṃ prāptaṃ rājñā ca parisāntvitam / (1.2) Par.?

dhṛtarāṣṭrātmajo rājā paryatapyata durmatiḥ // (1.3) Par.?

sa saubalaṃ samānāyya karṇaduḥśāsanāvapi / (2.1) Par.?

abravīd vacanaṃ rājā praviśyābuddhijaṃ tamaḥ // (2.2) Par.?

eṣa pratyāgato mantrī dhṛtarāṣṭrasya saṃmataḥ / (3.1) Par.?

viduraḥ pāṇḍuputrāṇāṃ suhṛd vidvān hite rataḥ // (3.2) Par.?

yāvad asya punar buddhiṃ viduro nāpakarṣati / (4.1) Par.?

pāṇḍavānayane tāvan mantrayadhvaṃ hitaṃ mama // (4.2) Par.?

atha paśyāmy ahaṃ pārthān prāptān iha kathaṃcana / (5.1) Par.?

punaḥ śoṣaṃ gamiṣyāmi nirāsur niravagrahaḥ // (5.2) Par.?

viṣam udbandhanaṃ vāpi śastram agnipraveśanam / (6.1) Par.?

kariṣye na hi tān ṛddhān punar draṣṭum ihotsahe // (6.2) Par.?

śakunir uvāca / (7.1) Par.?

kiṃ bāliśāṃ matiṃ rājann āsthito 'si viśāṃ pate / (7.2) Par.?

gatās te samayaṃ kṛtvā naitad evaṃ bhaviṣyati // (7.3) Par.?

satyavākye sthitāḥ sarve pāṇḍavā bharatarṣabha / (8.1) Par.?

pitus te vacanaṃ tāta na grahīṣyanti karhicit // (8.2) Par.?

atha vā te grahīṣyanti punar eṣyanti vā puram / (9.1) Par.?

nirasya samayaṃ bhūyaḥ paṇo 'smākaṃ bhaviṣyati // (9.2) Par.?

sarve bhavāmo madhyasthā rājñaś chandānuvartinaḥ / (10.1) Par.?

chidraṃ bahu prapaśyantaḥ pāṇḍavānāṃ susaṃvṛtāḥ // (10.2) Par.?

duḥśāsana uvāca / (11.1) Par.?

evam etan mahāprājña yathā vadasi mātula / (11.2) Par.?

nityaṃ hi me kathayatas tava buddhir hi rocate // (11.3) Par.?

karṇa uvāca / (12.1) Par.?

kāmam īkṣāmahe sarve duryodhana tavepsitam / (12.2) Par.?

aikamatyaṃ hi no rājan sarveṣām eva lakṣyate // (12.3) Par.?

vaiśampāyana uvāca / (13.1) Par.?

evam uktas tu karṇena rājā duryodhanas tadā / (13.2) Par.?

nātihṛṣṭamanāḥ kṣipram abhavat sa parāṅmukhaḥ // (13.3) Par.?

upalabhya tataḥ karṇo vivṛtya nayane śubhe / (14.1) Par.?

roṣād duḥśāsanaṃ caiva saubaleyaṃ ca tāvubhau // (14.2) Par.?

uvāca paramakruddha udyamyātmānam ātmanā / (15.1) Par.?

aho mama mataṃ yat tan nibodhata narādhipāḥ // (15.2) Par.?

priyaṃ sarve cikīrṣāmo rājñaḥ kiṃkarapāṇayaḥ / (16.1) Par.?

na cāsya śaknumaḥ sarve priye sthātum atandritāḥ // (16.2) Par.?

vayaṃ tu śastrāṇy ādāya rathān āsthāya daṃśitāḥ / (17.1) Par.?

gacchāmaḥ sahitā hantuṃ pāṇḍavān vanagocarān // (17.2) Par.?

teṣu sarveṣu śānteṣu gateṣvaviditāṃ gatim / (18.1) Par.?

nirvivādā bhaviṣyanti dhārtarāṣṭrās tathā vayam // (18.2) Par.?

yāvad eva paridyūnā yāvacchokaparāyaṇāḥ / (19.1) Par.?

yāvan mitravihīnāś ca tāvacchakyā mataṃ mama // (19.2) Par.?

tasya tad vacanaṃ śrutvā pūjayantaḥ punaḥ punaḥ / (20.1) Par.?

bāḍham ity eva te sarve pratyūcuḥ sūtajaṃ tadā // (20.2) Par.?

evam uktvā tu saṃkruddhā rathaiḥ sarve pṛthak pṛthak / (21.1) Par.?

niryayuḥ pāṇḍavān hantuṃ saṃghaśaḥ kṛtaniścayāḥ // (21.2) Par.?

tān prasthitān parijñāya kṛṣṇadvaipāyanas tadā / (22.1) Par.?

ājagāma viśuddhātmā dṛṣṭvā divyena cakṣuṣā // (22.2) Par.?

pratiṣidhyātha tān sarvān bhagavāṃllokapūjitaḥ / (23.1) Par.?

prajñācakṣuṣam āsīnam uvācābhyetya satvaraḥ // (23.2) Par.?

Duration=0.14408111572266 secs.