Texts

Help

Select a text:
Bibliography

Select a chapter:
(no revisions)

Associated topic(s): war

Show parallels Show headlines
Use dependency labeler

Chapter id: 8008

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

tataḥ sa kadanaṃ cakre ripūṇāṃ droṇanandanaḥ / (1.2) Par.?

yugānte sarvabhūtānāṃ kālasṛṣṭa ivāntakaḥ // (1.3) Par.?

dhvajadrumaṃ śastraśṛṅgaṃ hatanāgamahāśilam / (2.1) Par.?

aśvakiṃpuruṣākīrṇaṃ śarāsanalatāvṛtam // (2.2) Par.?

śūlakravyādasaṃghuṣṭaṃ bhūtayakṣagaṇākulam / (3.1) Par.?

nihatya śātravān bhallaiḥ so 'cinod dehaparvatam // (3.2) Par.?

tato vegena mahatā vinadya sa nararṣabhaḥ / (4.1) Par.?

pratijñāṃ śrāvayāmāsa punar eva tavātmajam // (4.2) Par.?

yasmād yudhyantam ācāryaṃ dharmakañcukam āsthitaḥ / (5.1) Par.?

muñca śastram iti prāha kuntīputro yudhiṣṭhiraḥ // (5.2) Par.?

tasmāt saṃpaśyatastasya drāvayiṣyāmi vāhinīm / (6.1) Par.?

vidrāvya satyaṃ hantāsmi pāpaṃ pāñcālyam eva tu // (6.2) Par.?

sarvān etān haniṣyāmi yadi yotsyanti māṃ raṇe / (7.1) Par.?

satyaṃ te pratijānāmi parāvartaya vāhinīm // (7.2) Par.?

tacchrutvā tava putrastu vāhinīṃ paryavartayat / (8.1) Par.?

siṃhanādena mahatā vyapohya sumahad bhayam // (8.2) Par.?

tataḥ samāgamo rājan kurupāṇḍavasenayoḥ / (9.1) Par.?

punar evābhavat tīvraḥ pūrṇasāgarayor iva // (9.2) Par.?

saṃrabdhā hi sthirībhūtā droṇaputreṇa kauravāḥ / (10.1) Par.?

udagrāḥ pāṇḍupāñcālā droṇasya nidhanena ca // (10.2) Par.?

teṣāṃ paramahṛṣṭānāṃ jayam ātmani paśyatām / (11.1) Par.?

saṃrabdhānāṃ mahāvegaḥ prādurāsīd raṇājire // (11.2) Par.?

yathā śiloccaye śailaḥ sāgare sāgaro yathā / (12.1) Par.?

pratihanyeta rājendra tathāsan kurupāṇḍavāḥ // (12.2) Par.?

tataḥ śaṅkhasahasrāṇi bherīṇām ayutāni ca / (13.1) Par.?

avādayanta saṃhṛṣṭāḥ kurupāṇḍavasainikāḥ // (13.2) Par.?

tato nirmathyamānasya sāgarasyeva nisvanaḥ / (14.1) Par.?

abhavat tasya sainyasya sumahān adbhutopamaḥ // (14.2) Par.?

prāduścakre tato drauṇir astraṃ nārāyaṇaṃ tadā / (15.1) Par.?

abhisaṃdhāya pāṇḍūnāṃ pāñcālānāṃ ca vāhinīm // (15.2) Par.?

prādurāsaṃstato bāṇā dīptāgrāḥ khe sahasraśaḥ / (16.1) Par.?

pāṇḍavān bhakṣayiṣyanto dīptāsyā iva pannagāḥ // (16.2) Par.?

te diśaḥ khaṃ ca sainyaṃ ca samāvṛṇvanmahāhave / (17.1) Par.?

muhūrtād bhāskarasyeva rājaṃl lokaṃ gabhastayaḥ // (17.2) Par.?

tathāpare dyotamānā jyotīṃṣīvāmbare 'male / (18.1) Par.?

prādurāsanmahīpāla kārṣṇāyasamayā guḍāḥ // (18.2) Par.?

caturdiśaṃ vicitrāśca śataghnyo 'tha hutāśadāḥ / (19.1) Par.?

cakrāṇi ca kṣurāntāni maṇḍalānīva bhāsvataḥ // (19.2) Par.?

śastrākṛtibhir ākīrṇam atīva bharatarṣabha / (20.1) Par.?

dṛṣṭvāntarikṣam āvignāḥ pāṇḍupāñcālasṛñjayāḥ // (20.2) Par.?

yathā yathā hyayudhyanta pāṇḍavānāṃ mahārathāḥ / (21.1) Par.?

tathā tathā tad astraṃ vai vyavardhata janādhipa // (21.2) Par.?

vadhyamānāstathāstreṇa tena nārāyaṇena vai / (22.1) Par.?

dahyamānānaleneva sarvato 'bhyarditā raṇe // (22.2) Par.?

yathā hi śiśirāpāye dahet kakṣaṃ hutāśanaḥ / (23.1) Par.?

tathā tad astraṃ pāṇḍūnāṃ dadāha dhvajinīṃ prabho // (23.2) Par.?

āpūryamāṇenāstreṇa sainye kṣīyati cābhibho / (24.1) Par.?

jagāma paramaṃ trāsaṃ dharmaputro yudhiṣṭhiraḥ // (24.2) Par.?

dravamāṇaṃ tu tat sainyaṃ dṛṣṭvā vigatacetanam / (25.1) Par.?

madhyasthatāṃ ca pārthasya dharmaputro 'bravīd idam // (25.2) Par.?

dhṛṣṭadyumna palāyasva saha pāñcālasenayā / (26.1) Par.?

sātyake tvaṃ ca gacchasva vṛṣṇyandhakavṛto gṛhān // (26.2) Par.?

vāsudevo 'pi dharmātmā kariṣyatyātmanaḥ kṣamam / (27.1) Par.?

upadeṣṭuṃ samartho 'yaṃ lokasya kimutātmanaḥ // (27.2) Par.?

saṃgrāmastu na kartavyaḥ sarvasainyān bravīmi vaḥ / (28.1) Par.?

ahaṃ hi saha sodaryaiḥ pravekṣye havyavāhanam // (28.2) Par.?

bhīṣmadroṇārṇavaṃ tīrtvā saṃgrāmaṃ bhīrudustaram / (29.1) Par.?

avasatsyāmyasalile sagaṇo drauṇigoṣpade // (29.2) Par.?

kāmaḥ saṃpadyatām asya bībhatsor āśu māṃ prati / (30.1) Par.?

kalyāṇavṛtta ācāryo mayā yudhi nipātitaḥ // (30.2) Par.?

yena bālaḥ sa saubhadro yuddhānām aviśāradaḥ / (31.1) Par.?

samarthair bahubhiḥ krūrair ghātito nābhipālitaḥ // (31.2) Par.?

yenāvibruvatā praśnaṃ tathā kṛṣṇā sabhāṃ gatā / (32.1) Par.?

upekṣitā saputreṇa dāsabhāvaṃ niyacchatī // (32.2) Par.?

jighāṃsur dhārtarāṣṭraśca śrānteṣvaśveṣu phalgunam / (33.1) Par.?

kavacena tathā yukto rakṣārthaṃ saindhavasya ca // (33.2) Par.?

yena brahmāstraviduṣā pāñcālāḥ satyajinmukhāḥ / (34.1) Par.?

kurvāṇā majjaye yatnaṃ samūlā vinipātitāḥ // (34.2) Par.?

yena pravrājyamānāśca rājyād vayam adharmataḥ / (35.1) Par.?

nivāryamāṇenāsmābhir anugantuṃ tad eṣitāḥ // (35.2) Par.?

yo 'sāvatyantam asmāsu kurvāṇaḥ sauhṛdaṃ param / (36.1) Par.?

hatastadarthe maraṇaṃ gamiṣyāmi sabāndhavaḥ // (36.2) Par.?

evaṃ bruvati kaunteye dāśārhastvaritastataḥ / (37.1) Par.?

nivārya sainyaṃ bāhubhyām idaṃ vacanam abravīt // (37.2) Par.?

śīghraṃ nyasyata śastrāṇi vāhebhyaścāvarohata / (38.1) Par.?

eṣa yogo 'tra vihitaḥ pratighāto mahātmanā // (38.2) Par.?

dvipāśvasyandanebhyaśca kṣitiṃ sarve 'varohata / (39.1) Par.?

evam etanna vo hanyād astraṃ bhūmau nirāyudhān // (39.2) Par.?

yathā yathā hi yudhyante yodhā hyastrabalaṃ prati / (40.1) Par.?

tathā tathā bhavantyete kauravā balavattarāḥ // (40.2) Par.?

nikṣepsyanti ca śastrāṇi vāhanebhyo 'varuhya ye / (41.1) Par.?

tānnaitad astraṃ saṃgrāme nihaniṣyati mānavān // (41.2) Par.?

ye tvetat pratiyotsyanti manasāpīha kecana / (42.1) Par.?

nihaniṣyati tān sarvān rasātalagatān api // (42.2) Par.?

te vacastasya tacchrutvā vāsudevasya bhārata / (43.1) Par.?

īṣuḥ sarve 'stram utsraṣṭuṃ manobhiḥ karaṇena ca // (43.2) Par.?

tata utsraṣṭukāmāṃstān astrāṇyālakṣya pāṇḍavaḥ / (44.1) Par.?

bhīmaseno 'bravīd rājann idaṃ saṃharṣayan vacaḥ // (44.2) Par.?

na kathaṃcana śastrāṇi moktavyānīha kenacit / (45.1) Par.?

aham āvārayiṣyāmi droṇaputrāstram āśugaiḥ // (45.2) Par.?

atha vāpyanayā gurvyā hemavigrahayā raṇe / (46.1) Par.?

kālavad vicariṣyāmi drauṇer astraṃ viśātayan // (46.2) Par.?

na hi me vikrame tulyaḥ kaścid asti pumān iha / (47.1) Par.?

yathaiva savitustulyaṃ jyotir anyanna vidyate // (47.2) Par.?

paśyadhvaṃ me dṛḍhau bāhū nāgarājakaropamā / (48.1) Par.?

samarthau parvatasyāpi śaiśirasya nipātane // (48.2) Par.?

nāgāyutasamaprāṇo hyaham eko nareṣviha / (49.1) Par.?

śakro yathā pratidvaṃdvo divi deveṣu viśrutaḥ // (49.2) Par.?

adya paśyata me vīryaṃ bāhvoḥ pīnāṃsayor yudhi / (50.1) Par.?

jvalamānasya dīptasya drauṇer astrasya vāraṇe // (50.2) Par.?

yadi nārāyaṇāstrasya pratiyoddhā na vidyate / (51.1) Par.?

adyainaṃ pratiyotsyāmi paśyatsu kurupāṇḍuṣu // (51.2) Par.?

evam uktvā tato bhīmo droṇaputram ariṃdamaḥ / (52.1) Par.?

abhyayānmeghaghoṣeṇa rathenādityavarcasā // (52.2) Par.?

sa enam iṣujālena laghutvācchīghravikramaḥ / (53.1) Par.?

nimeṣamātreṇāsādya kuntīputro 'bhyavākirat // (53.2) Par.?

tato drauṇiḥ prahasyainam udāsam abhibhāṣya ca / (54.1) Par.?

avākirat pradīptāgraiḥ śaraistair abhimantritaiḥ // (54.2) Par.?

pannagair iva dīptāsyair vamadbhir analaṃ raṇe / (55.1) Par.?

avakīrṇo 'bhavat pārthaḥ sphuliṅgair iva kāñcanaiḥ // (55.2) Par.?

tasya rūpam abhūd rājan bhīmasenasya saṃyuge / (56.1) Par.?

khadyotair āvṛtasyeva parvatasya dinakṣaye // (56.2) Par.?

tad astraṃ droṇaputrasya tasmin pratisamasyati / (57.1) Par.?

avardhata mahārāja yathāgnir aniloddhataḥ // (57.2) Par.?

vivardhamānam ālakṣya tad astraṃ bhīmavikramam / (58.1) Par.?

pāṇḍusainyam ṛte bhīmaṃ sumahad bhayam āviśat // (58.2) Par.?

tataḥ śastrāṇi te sarve samutsṛjya mahītale / (59.1) Par.?

avārohan rathebhyaśca hastyaśvebhyaśca sarvaśaḥ // (59.2) Par.?

teṣu nikṣiptaśastreṣu vāhanebhyaścyuteṣu ca / (60.1) Par.?

tad astravīryaṃ vipulaṃ bhīmamūrdhanyathāpatat // (60.2) Par.?

hāhākṛtāni bhūtāni pāṇḍavāśca viśeṣataḥ / (61.1) Par.?

bhīmasenam apaśyanta tejasā saṃvṛtaṃ tadā // (61.2) Par.?

Duration=0.18577194213867 secs.