Texts

Help

Select a text:
Bibliography

Select a chapter:
(no revisions)

Associated topic(s): dharma

Show parallels Show headlines
Use dependency labeler

Chapter id: 6030

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

kāni kṛtveha karmāṇi prāyaścittīyate naraḥ / (1.2) Par.?

kiṃ kṛtvā caiva mucyeta tanme brūhi pitāmaha // (1.3) Par.?

vyāsa uvāca / (2.1) Par.?

akurvan vihitaṃ karma pratiṣiddhāni cācaran / (2.2) Par.?

prāyaścittīyate hyevaṃ naro mithyā ca vartayan // (2.3) Par.?

sūryeṇābhyudito yaśca brahmacārī bhavatyuta / (3.1) Par.?

tathā sūryābhinirmuktaḥ kunakhī śyāvadann api // (3.2) Par.?

parivittiḥ parivettā brahmojjho yaśca kutsakaḥ / (4.1) Par.?

didhiṣūpatistathā yaḥ syād agredidhiṣur eva ca // (4.2) Par.?

avakīrṇī bhaved yaśca dvijātivadhakastathā / (5.1) Par.?

atīrthe brahmaṇastyāgī tīrthe cāpratipādakaḥ // (5.2) Par.?

grāmayājī ca kaunteya rājñaśca parivikrayī / (6.1) Par.?

śūdrastrīvadhako yaśca pūrvaḥ pūrvastu garhitaḥ // (6.2) Par.?

vṛthāpaśusamālambhī vanadāhasya kārakaḥ / (7.1) Par.?

anṛtenopacartā ca pratiroddhā gurostathā // (7.2) Par.?

yaścāgnīn apavidhyeta tathaiva brahmavikrayī / (8.1) Par.?

etānyenāṃsi sarvāṇi vyutkrāntasamayaśca yaḥ // (8.2) Par.?

akāryāṇyapi vakṣyāmi yāni tāni nibodha me / (9.1) Par.?

lokavedaviruddhāni tānyekāgramanāḥ śṛṇu // (9.2) Par.?

svadharmasya parityāgaḥ paradharmasya ca kriyā / (10.1) Par.?

ayājyayājanaṃ caiva tathābhakṣyasya bhakṣaṇam // (10.2) Par.?

śaraṇāgatasaṃtyāgo bhṛtyasyābharaṇaṃ tathā / (11.1) Par.?

rasānāṃ vikrayaścāpi tiryagyonivadhastathā // (11.2) Par.?

ādhānādīni karmāṇi śaktimānna karoti yaḥ / (12.1) Par.?

aprayacchaṃśca sarvāṇi nityaṃ deyāni bhārata // (12.2) Par.?

dakṣiṇānām adānaṃ ca brāhmaṇasvābhimarśanam / (13.1) Par.?

sarvāṇyetānyakāryāṇi prāhur dharmavido janāḥ // (13.2) Par.?

pitrā vibhajate putro yaśca syād gurutalpagaḥ / (14.1) Par.?

aprajāyan adharmeṇa bhavatyādharmiko janaḥ // (14.2) Par.?

uktānyetāni karmāṇi vistareṇetareṇa ca / (15.1) Par.?

yāni kurvann akurvaṃśca prāyaścittīyate janaḥ // (15.2) Par.?

etānyeva tu karmāṇi kriyamāṇāni mānavān / (16.1) Par.?

yeṣu yeṣu nimitteṣu na limpantyatha tacchṛṇu // (16.2) Par.?

pragṛhya śastram āyāntam api vedāntagaṃ raṇe / (17.1) Par.?

jighāṃsantaṃ nihatyājau na tena brahmahā bhavet // (17.2) Par.?

api cāpyatra kaunteya mantro vedeṣu paṭhyate / (18.1) Par.?

vedapramāṇavihitaṃ taṃ dharmaṃ prabravīmi te // (18.2) Par.?

apetaṃ brāhmaṇaṃ vṛttād yo hanyād ātatāyinam / (19.1) Par.?

na tena brahmahā sa syānmanyustaṃ manyum ṛcchati // (19.2) Par.?

prāṇātyaye tathājñānād ācaranmadirām api / (20.1) Par.?

acodito dharmaparaḥ punaḥ saṃskāram arhati // (20.2) Par.?

etat te sarvam ākhyātaṃ kaunteyābhakṣyabhakṣaṇam / (21.1) Par.?

prāyaścittavidhānena sarvam etena śudhyati // (21.2) Par.?

gurutalpaṃ hi gurvarthe na dūṣayati mānavam / (22.1) Par.?

uddālakaḥ śvetaketuṃ janayāmāsa śiṣyataḥ // (22.2) Par.?

steyaṃ kurvaṃstu gurvartham āpatsu na nibadhyate / (23.1) Par.?

bahuśaḥ kāmakāreṇa na ced yaḥ sampravartate // (23.2) Par.?

anyatra brāhmaṇasvebhya ādadāno na duṣyati / (24.1) Par.?

svayam aprāśitā yaśca na sa pāpena lipyate // (24.2) Par.?

prāṇatrāṇe 'nṛtaṃ vācyam ātmano vā parasya vā / (25.1) Par.?

gurvarthe strīṣu caiva syād vivāhakaraṇeṣu ca // (25.2) Par.?

nāvartate vrataṃ svapne śukramokṣe kathaṃcana / (26.1) Par.?

ājyahomaḥ samiddhe 'gnau prāyaścittaṃ vidhīyate // (26.2) Par.?

pārivittyaṃ ca patite nāsti pravrajite tathā / (27.1) Par.?

bhikṣite pāradāryaṃ ca na tad dharmasya dūṣakam // (27.2) Par.?

vṛthāpaśusamālambhaṃ naiva kuryānna kārayet / (28.1) Par.?

anugrahaḥ paśūṇāṃ hi saṃskāro vidhicoditaḥ // (28.2) Par.?

anarhe brāhmaṇe dattam ajñānāt tanna dūṣakam / (29.1) Par.?

sakāraṇaṃ tathā tīrthe 'tīrthe vā pratipādanam // (29.2) Par.?

striyastathāpacāriṇyo niṣkṛtiḥ syād adūṣikā / (30.1) Par.?

api sā pūyate tena na tu bhartā praduṣyate // (30.2) Par.?

tattvaṃ jñātvā tu somasya vikrayaḥ syād adūṣakaḥ / (31.1) Par.?

asamarthasya bhṛtyasya visargaḥ syād adoṣavān / (31.2) Par.?

vanadāho gavām arthe kriyamāṇo na dūṣakaḥ // (31.3) Par.?

uktānyetāni karmāṇi yāni kurvanna duṣyati / (32.1) Par.?

prāyaścittāni vakṣyāmi vistareṇaiva bhārata // (32.2) Par.?

Duration=0.12292194366455 secs.