Texts

Select a text:
Bibliography

Select a chapter:
(no revisions)

Associated topic(s): dharma

Show parallels Show headlines
Use dependency labeler

Chapter id: 6141

yudhiṣṭhira uvāca / (1.1) Par.?

abuddhipūrvaṃ yaḥ pāpaṃ kuryād bharatasattama / (1.2) Par.?

mucyate sa kathaṃ tasmād enasastad vadasva me // (1.3) Par.?

bhīṣma uvāca / (2.1) Par.?

atra te varṇayiṣye 'ham itihāsaṃ purātanam / (2.2) Par.?

indrotaḥ śaunako vipro yad āha janamejayam // (2.3) Par.?

āsīd rājā mahāvīryaḥ pārikṣijjanamejayaḥ / (3.1) Par.?

abuddhipūrvaṃ brahmahatyā tam āgacchanmahīpatim // (3.2) Par.?

taṃ brāhmaṇāḥ sarva eva tatyajuḥ sapurohitāḥ / (4.1) Par.?

jagāma sa vanaṃ rājā dahyamāno divāniśam // (4.2) Par.?

sa prajābhiḥ parityaktaścakāra kuśalaṃ mahat / (5.1) Par.?

ativelaṃ tapastepe dahyamānaḥ sa manyunā // (5.2) Par.?

tatretihāsaṃ vakṣyāmi dharmasyāsyopabṛṃhaṇam / (6.1) Par.?

dahyamānaḥ pāpakṛtyā jagāma janamejayaḥ // (6.2) Par.?

variṣyamāṇa indrotaṃ śaunakaṃ saṃśitavratam / (7.1) Par.?

samāsādyopajagrāha pādayoḥ paripīḍayan // (7.2) Par.?

tato bhīto mahāprājño jagarhe subhṛśaṃ tadā / (8.1) Par.?

kartā pāpasya mahato bhrūṇahā kim ihāgataḥ // (8.2) Par.?

kiṃ tavāsmāsu kartavyaṃ mā mā sprākṣīḥ kathaṃcana / (9.1) Par.?

gaccha gaccha na te sthānaṃ prīṇātyasmān iha dhruvam // (9.2) Par.?

rudhirasyeva te gandhaḥ śavasyeva ca darśanam / (10.1) Par.?

aśivaḥ śivasaṃkāśo mṛto jīvann ivāṭasi // (10.2) Par.?

antarmṛtyur aśuddhātmā pāpam evānucintayan / (11.1) Par.?

prabudhyase prasvapiṣi vartase carase sukhī // (11.2) Par.?

moghaṃ te jīvitaṃ rājan parikliṣṭaṃ ca jīvasi / (12.1) Par.?

pāpāyeva ca sṛṣṭo 'si karmaṇe ha yavīyase // (12.2) Par.?

bahu kalyāṇam icchanta īhante pitaraḥ sutān / (13.1) Par.?

tapasā devatejyābhir vandanena titikṣayā // (13.2) Par.?

pitṛvaṃśam imaṃ paśya tvatkṛte narakaṃ gatam / (14.1) Par.?

nirarthāḥ sarva evaiṣām āśābandhāstvadāśrayāḥ // (14.2) Par.?

yān pūjayanto vindanti svargam āyur yaśaḥ sukham / (15.1) Par.?

teṣu te satataṃ dveṣo brāhmaṇeṣu nirarthakaḥ // (15.2) Par.?

imaṃ lokaṃ vimucya tvam avāṅmūrdhā patiṣyasi / (16.1) Par.?

aśāśvatīḥ śāśvatīśca samāḥ pāpena karmaṇā // (16.2) Par.?

adyamāno jantugṛdhraiḥ śitikaṇṭhair ayomukhaiḥ / (17.1) Par.?

tato 'pi punar āvṛttaḥ pāpayoniṃ gamiṣyasi // (17.2) Par.?

yad idaṃ manyase rājannāyam asti paraḥ kutaḥ / (18.1) Par.?

pratismārayitārastvāṃ yamadūtā yamakṣaye // (18.2) Par.?

Duration=0.068006992340088 secs.