Texts

Help

Select a text:
Bibliography

Select a chapter:
(no revisions)

Associated topic(s): fable, friendship

Show parallels Show headlines
Use dependency labeler

Chapter id: 6159

Click on a sentence to show its analysis
Keep the mouse pointer over a lemma to show its meanings.

bhīṣma uvāca / (1.1) Par.?

giraṃ tāṃ madhurāṃ śrutvā gautamo vismitastadā / (1.2) Par.?

kautūhalānvito rājan rājadharmāṇam aikṣata // (1.3) Par.?

rājadharmovāca / (2.1) Par.?

bhoḥ kaśyapasya putro 'haṃ mātā dākṣāyaṇī ca me / (2.2) Par.?

atithistvaṃ guṇopetaḥ svāgataṃ te dvijarṣabha // (2.3) Par.?

bhīṣma uvāca / (3.1) Par.?

tasmai dattvā sa satkāraṃ vidhidṛṣṭena karmaṇā / (3.2) Par.?

śālapuṣpamayīṃ divyāṃ bṛsīṃ samupakalpayat // (3.3) Par.?

bhagīratharathākrāntān deśān gaṅgāniṣevitān / (4.1) Par.?

ye caranti mahāmīnāstāṃśca tasyānvakalpayat // (4.2) Par.?

vahniṃ cāpi susaṃdīptaṃ mīnāṃścaiva supīvarān / (5.1) Par.?

sa gautamāyātithaye nyavedayata kāśyapaḥ // (5.2) Par.?

bhuktavantaṃ ca taṃ vipraṃ prītātmānaṃ mahāmanāḥ / (6.1) Par.?

klamāpanayanārthaṃ sa pakṣābhyām abhyavījayat // (6.2) Par.?

tato viśrāntam āsīnaṃ gotrapraśnam apṛcchata / (7.1) Par.?

so 'bravīd gautamo 'smīti brāhma nānyad udāharat // (7.2) Par.?

tasmai parṇamayaṃ divyaṃ divyapuṣpādhivāsitam / (8.1) Par.?

gandhāḍhyaṃ śayanaṃ prādāt sa śiśye tatra vai sukham // (8.2) Par.?

athopaviṣṭaṃ śayane gautamaṃ bakarāṭ tadā / (9.1) Par.?

papraccha kāśyapo vāgmī kim āgamanakāraṇam // (9.2) Par.?

tato 'bravīd gautamastaṃ daridro 'haṃ mahāmate / (10.1) Par.?

samudragamanākāṅkṣī dravyārtham iti bhārata // (10.2) Par.?

taṃ kāśyapo 'bravīt prīto notkaṇṭhāṃ kartum arhasi / (11.1) Par.?

kṛtakāryo dvijaśreṣṭha sadravyo yāsyase gṛhān // (11.2) Par.?

caturvidhā hyarthagatir bṛhaspatimataṃ yathā / (12.1) Par.?

pāraṃparyaṃ tathā daivaṃ karma mitram iti prabho // (12.2) Par.?

prādurbhūto 'smi te mitraṃ suhṛttvaṃ ca mama tvayi / (13.1) Par.?

so 'haṃ tathā yatiṣyāmi bhaviṣyasi yathārthavān // (13.2) Par.?

tataḥ prabhātasamaye sukhaṃ pṛṣṭvābravīd idam / (14.1) Par.?

gaccha saumya pathānena kṛtakṛtyo bhaviṣyasi // (14.2) Par.?

itastriyojanaṃ gatvā rākṣasādhipatir mahān / (15.1) Par.?

virūpākṣa iti khyātaḥ sakhā mama mahābalaḥ // (15.2) Par.?

taṃ gaccha dvijamukhya tvaṃ mama vākyapracoditaḥ / (16.1) Par.?

kāmān abhīpsitāṃstubhyaṃ dātā nāstyatra saṃśayaḥ // (16.2) Par.?

ityuktaḥ prayayau rājan gautamo vigataklamaḥ / (17.1) Par.?

phalānyamṛtakalpāni bhakṣayan sma yatheṣṭataḥ // (17.2) Par.?

candanāgurumukhyāni tvakpatrāṇāṃ vanāni ca / (18.1) Par.?

tasmin pathi mahārāja sevamāno drutaṃ yayau // (18.2) Par.?

tato meruvrajaṃ nāma nagaraṃ śailatoraṇam / (19.1) Par.?

śailaprākāravapraṃ ca śailayantrārgalaṃ tathā // (19.2) Par.?

viditaścābhavat tasya rākṣasendrasya dhīmataḥ / (20.1) Par.?

prahitaḥ suhṛdā rājan prīyatā vai priyātithiḥ // (20.2) Par.?

tataḥ sa rākṣasendraḥ svān preṣyān āha yudhiṣṭhira / (21.1) Par.?

gautamo nagaradvārācchīghram ānīyatām iti // (21.2) Par.?

tataḥ puravarāt tasmāt puruṣāḥ śvetaveṣṭanāḥ / (22.1) Par.?

gautametyabhibhāṣantaḥ puradvāram upāgaman // (22.2) Par.?

te tam ūcur mahārāja preṣyā rakṣaḥpater dvijam / (23.1) Par.?

tvarasva tūrṇam āgaccha rājā tvāṃ draṣṭum icchati // (23.2) Par.?

rākṣasādhipatir vīro virūpākṣa iti śrutaḥ / (24.1) Par.?

sa tvāṃ tvarati vai draṣṭuṃ tat kṣipraṃ saṃvidhīyatām // (24.2) Par.?

tataḥ sa prādravad vipro vismayād vigataklamaḥ / (25.1) Par.?

gautamo nagararddhiṃ tāṃ paśyan paramavismitaḥ // (25.2) Par.?

tair eva sahito rājño veśma tūrṇam upādravat / (26.1) Par.?

darśanaṃ rākṣasendrasya kāṅkṣamāṇo dvijastadā // (26.2) Par.?

Duration=0.093178033828735 secs.