Texts

Help

Select a text:
Bibliography
Select a chapter:
 (no revisions)
Associated topic(s): Giving, dāna

Show parallels  Show headlines
Use dependency labeler
Chapter id: 9337
  • Click on a sentence to show its analysis
  • Keep the mouse pointer over a lemma to show its meanings.
yudhiṣṭhira uvāca / (1.1) Par.?
tilānāṃ kīdṛśaṃ dānam atha dīpasya caiva ha / (1.2) Par.?
annānāṃ vāsasāṃ caiva bhūya eva bravīhi me // (1.3) Par.?
bhīṣma uvāca / (2.1) Par.?
atrāpyudāharantīmam itihāsaṃ purātanam / (2.2) Par.?
brāhmaṇasya ca saṃvādaṃ yamasya ca yudhiṣṭhira // (2.3) Par.?
madhyadeśe mahān grāmo brāhmaṇānāṃ babhūva ha / (3.1) Par.?
gaṅgāyamunayor madhye yāmunasya girer adhaḥ // (3.2) Par.?
parṇaśāleti vikhyāto ramaṇīyo narādhipa / (4.1) Par.?
vidvāṃsastatra bhūyiṣṭhā brāhmaṇāścāvasaṃstadā // (4.2) Par.?
atha prāha yamaḥ kaṃcit puruṣaṃ kṛṣṇavāsasam / (5.1) Par.?
raktākṣam ūrdhvaromāṇaṃ kākajaṅghākṣināsikam // (5.2) Par.?
gaccha tvaṃ brāhmaṇagrāmaṃ tato gatvā tam ānaya / (6.1) Par.?
agastyaṃ gotrataścāpi nāmataścāpi śarmiṇam // (6.2) Par.?
śame niviṣṭaṃ vidvāṃsam adhyāpakam anādṛtam / (7.1) Par.?
mā cānyam ānayethāstvaṃ sagotraṃ tasya pārśvataḥ // (7.2) Par.?
sa hi tādṛgguṇastena tulyo 'dhyayanajanmanā / (8.1) Par.?
apatyeṣu tathā vṛtte samastenaiva dhīmatā / (8.2) Par.?
tam ānaya yathoddiṣṭaṃ pūjā kāryā hi tasya me // (8.3) Par.?
sa gatvā pratikūlaṃ taccakāra yamaśāsanam / (9.1) Par.?
tam ākramyānayāmāsa pratiṣiddho yamena yaḥ // (9.2) Par.?
tasmai yamaḥ samutthāya pūjāṃ kṛtvā ca vīryavān / (10.1) Par.?
provāca nīyatām eṣa so 'nya ānīyatām iti // (10.2) Par.?
evam ukte tu vacane dharmarājena sa dvijaḥ / (11.1) Par.?
uvāca dharmarājānaṃ nirviṇṇo 'dhyayanena vai / (11.2) Par.?
yo me kālo bhaveccheṣastaṃ vaseyam ihācyuta // (11.3) Par.?
yama uvāca / (12.1) Par.?
nāhaṃ kālasya vihitaṃ prāpnomīha kathaṃcana / (12.2) Par.?
yo hi dharmaṃ carati vai taṃ tu jānāmi kevalam // (12.3) Par.?
gaccha vipra tvam adyaiva ālayaṃ svaṃ mahādyute / (13.1) Par.?
brūhi vā tvaṃ yathā svairaṃ karavāṇi kim ityuta // (13.2) Par.?
brāhmaṇa uvāca / (14.1) Par.?
yat tatra kṛtvā sumahat puṇyaṃ syāt tad bravīhi me / (14.2) Par.?
sarvasya hi pramāṇaṃ tvaṃ trailokyasyāpi sattama // (14.3) Par.?
yama uvāca / (15.1) Par.?
śṛṇu tattvena viprarṣe pradānavidhim uttamam / (15.2) Par.?
tilāḥ paramakaṃ dānaṃ puṇyaṃ caiveha śāśvatam // (15.3) Par.?
tilāśca sampradātavyā yathāśakti dvijarṣabha / (16.1) Par.?
nityadānāt sarvakāmāṃstilā nirvartayantyuta // (16.2) Par.?
tilāñśrāddhe praśaṃsanti dānam etaddhyanuttamam / (17.1) Par.?
tān prayacchasva viprebhyo vidhidṛṣṭena karmaṇā // (17.2) Par.?
tilā bhakṣayitavyāśca sadā tvālabhanaṃ ca taiḥ / (18.1) Par.?
kāryaṃ satatam icchadbhiḥ śreyaḥ sarvātmanā gṛhe // (18.2) Par.?
tathāpaḥ sarvadā deyāḥ peyāścaiva na saṃśayaḥ / (19.1) Par.?
puṣkariṇyastaḍāgāni kūpāṃścaivātra khānayet // (19.2) Par.?
etat sudurlabhataram iha loke dvijottama / (20.1) Par.?
āpo nityaṃ pradeyāste puṇyaṃ hyetad anuttamam // (20.2) Par.?
prapāśca kāryāḥ pānārthaṃ nityaṃ te dvijasattama / (21.1) Par.?
bhukte 'pyatha pradeyaṃ te pānīyaṃ vai viśeṣataḥ // (21.2) Par.?
ityukte sa tadā tena yamadūtena vai gṛhān / (22.1) Par.?
nītaścakāra ca tathā sarvaṃ tad yamaśāsanam // (22.2) Par.?
nītvā taṃ yamadūto 'pi gṛhītvā śarmiṇaṃ tadā / (23.1) Par.?
yayau sa dharmarājāya nyavedayata cāpi tam // (23.2) Par.?
taṃ dharmarājo dharmajñaṃ pūjayitvā pratāpavān / (24.1) Par.?
kṛtvā ca saṃvidaṃ tena visasarja yathāgatam // (24.2) Par.?
tasyāpi ca yamaḥ sarvam upadeśaṃ cakāra ha / (25.1) Par.?
pratyetya ca sa tat sarvaṃ cakāroktaṃ yamena tat // (25.2) Par.?
tathā praśaṃsate dīpān yamaḥ pitṛhitepsayā / (26.1) Par.?
tasmād dīpaprado nityaṃ saṃtārayati vai pitṝn // (26.2) Par.?
dātavyāḥ satataṃ dīpāstasmād bharatasattama / (27.1) Par.?
devānāṃ ca pitṝṇāṃ ca cakṣuṣyāste matāḥ prabho // (27.2) Par.?
ratnadānaṃ ca sumahat puṇyam uktaṃ janādhipa / (28.1) Par.?
tāni vikrīya yajate brāhmaṇo hyabhayaṃkaraḥ // (28.2) Par.?
yad vai dadāti viprebhyo brāhmaṇaḥ pratigṛhya vai / (29.1) Par.?
ubhayoḥ syāt tad akṣayyaṃ dātur ādātur eva ca // (29.2) Par.?
yo dadāti sthitaḥ sthityāṃ tādṛśāya pratigraham / (30.1) Par.?
ubhayor akṣayaṃ dharmaṃ taṃ manuḥ prāha dharmavit // (30.2) Par.?
vāsasāṃ tu pradānena svadāranirato naraḥ / (31.1) Par.?
suvastraśca suveṣaśca bhavatītyanuśuśruma // (31.2) Par.?
gāvaḥ suvarṇaṃ ca tathā tilāścaivānuvarṇitāḥ / (32.1) Par.?
bahuśaḥ puruṣavyāghra vedaprāmāṇyadarśanāt // (32.2) Par.?
vivāhāṃścaiva kurvīta putrān utpādayeta ca / (33.1) Par.?
putralābho hi kauravya sarvalābhād viśiṣyate // (33.2) Par.?
Duration=0.14040684700012 secs.