UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8753
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
etacchrutvā tu putrasya vacaḥ śūrātmajastadā / (1.2)
Par.?
vihāya śokaṃ dharmātmā dadau śrāddham anuttamam // (1.3)
Par.?
tathaiva vāsudevo 'pi svasrīyasya mahātmanaḥ / (2.1)
Par.?
dayitasya pitur nityam akarod aurdhvadehikam // (2.2)
Par.?
ṣaṣṭiṃ śatasahasrāṇi brāhmaṇānāṃ mahābhujaḥ / (3.1)
Par.?
vidhivad bhojayāmāsa bhojyaṃ sarvaguṇānvitam // (3.2)
Par.?
ācchādya ca mahābāhur dhanatṛṣṇām apānudat / (4.1)
Par.?
brāhmaṇānāṃ tadā kṛṣṇastad abhūd romaharṣaṇam // (4.2)
Par.?
suvarṇaṃ caiva gāścaiva śayanācchādanaṃ tathā / (5.1)
Par.?
dīyamānaṃ tadā viprāḥ prabhūtam iti cābruvan // (5.2)
Par.?
vāsudevo 'tha dāśārho baladevaḥ sasātyakiḥ / (6.1)
Par.?
abhimanyostadā śrāddham akurvan satyakastadā / (6.2)
Par.?
atīva duḥkhasaṃtaptā na śamaṃ copalebhire // (6.3)
Par.?
tathaiva pāṇḍavā vīrā nagare nāgasāhvaye / (7.1)
Par.?
nopagacchanti vai śāntim abhimanyuvinākṛtāḥ // (7.2)
Par.?
subahūni ca rājendra divasāni virāṭajā / (8.1)
Par.?
nābhuṅkta patiśokārtā tad abhūt karuṇaṃ mahat / (8.2)
Par.?
kukṣistha eva tasyāstu sa garbhaḥ sampralīyata // (8.3)
Par.?
ājagāma tato vyāso jñātvā divyena cakṣuṣā / (9.1)
Par.?
āgamya cābravīd dhīmān pṛthāṃ pṛthulalocanām / (9.2)
Par.?
uttarāṃ ca mahātejāḥ śokaḥ saṃtyajyatām ayam // (9.3)
Par.?
janiṣyati mahātejāḥ putrastava yaśasvini / (10.1) Par.?
prabhāvād vāsudevasya mama vyāharaṇād api / (10.2)
Par.?
pāṇḍavānām ayaṃ cānte pālayiṣyati medinīm // (10.3)
Par.?
dhanaṃjayaṃ ca samprekṣya dharmarājasya paśyataḥ / (11.1)
Par.?
vyāso vākyam uvācedaṃ harṣayann iva bhārata // (11.2)
Par.?
pautrastava mahābāho janiṣyati mahāmanāḥ / (12.1)
Par.?
pṛthvīṃ sāgaraparyantāṃ pālayiṣyati caiva ha // (12.2)
Par.?
tasmācchokaṃ kuruśreṣṭha jahi tvam arikarśana / (13.1)
Par.?
vicāryam atra na hi te satyam etad bhaviṣyati // (13.2)
Par.?
yaccāpi vṛṣṇivīreṇa kṛṣṇena kurunandana / (14.1)
Par.?
puroktaṃ tat tathā bhāvi mā te 'trāstu vicāraṇā // (14.2)
Par.?
vibudhānāṃ gato lokān akṣayān ātmanirjitān / (15.1)
Par.?
na sa śocyastvayā tāta na cānyaiḥ kurubhistathā // (15.2)
Par.?
evaṃ pitāmahenokto dharmātmā sa dhanaṃjayaḥ / (16.1)
Par.?
tyaktvā śokaṃ mahārāja hṛṣṭarūpo 'bhavat tadā // (16.2)
Par.?
pitāpi tava dharmajña garbhe tasminmahāmate / (17.1)
Par.?
avardhata yathākālaṃ śuklapakṣe yathā śaśī // (17.2)
Par.?
tataḥ saṃcodayāmāsa vyāso dharmātmajaṃ nṛpam / (18.1)
Par.?
aśvamedhaṃ prati tadā tataḥ so 'ntarhito 'bhavat // (18.2)
Par.?
dharmarājo 'pi medhāvī śrutvā vyāsasya tad vacaḥ / (19.1)
Par.?
vittopanayane tāta cakāra gamane matim // (19.2)
Par.?
Duration=0.081552982330322 secs.