Texts

dhṛtarāṣṭra uvāca / (1.1) Par.?

spṛśa māṃ pāṇinā bhūyaḥ pariṣvaja ca pāṇḍava / (1.2) Par.?

jīvāmīva hi saṃsparśāt tava rājīvalocana // (1.3) Par.?

mūrdhānaṃ ca tavāghrātum icchāmi manujādhipa / (2.1) Par.?

pāṇibhyāṃ ca parispraṣṭuṃ prāṇā hi na jahur mama // (2.2) Par.?

aṣṭamo hyadya kālo 'yam āhārasya kṛtasya me / (3.1) Par.?

yenāhaṃ kuruśārdūla na śaknomi viceṣṭitum // (3.2) Par.?

vyāyāmaścāyam atyarthaṃ kṛtastvām abhiyācatā / (4.1) Par.?

tato glānamanāstāta naṣṭasaṃjña ivābhavam // (4.2) Par.?

tavāmṛtasamasparśaṃ hastasparśam imaṃ vibho / (5.1) Par.?

labdhvā saṃjīvito 'smīti manye kurukulodvaha // (5.2) Par.?

vaiśaṃpāyana uvāca / (6.1) Par.?

evam uktastu kaunteyaḥ pitrā jyeṣṭhena bhārata / (6.2) Par.?

pasparśa sarvagātreṣu sauhārdāt taṃ śanaistadā // (6.3) Par.?

upalabhya tataḥ prāṇān dhṛtarāṣṭro mahīpatiḥ / (7.1) Par.?

bāhubhyāṃ sampariṣvajya mūrdhnyājighrata pāṇḍavam // (7.2) Par.?

vidurādayaśca te sarve rurudur duḥkhitā bhṛśam / (8.1) Par.?

atiduḥkhācca rājānaṃ nocuḥ kiṃcana pāṇḍavāḥ // (8.2) Par.?

gāndhārī tveva dharmajñā manasodvahatī bhṛśam / (9.1) Par.?

duḥkhānyavārayad rājanmaivam ityeva cābravīt // (9.2) Par.?

itarāstu striyaḥ sarvāḥ kuntyā saha suduḥkhitāḥ / (10.1) Par.?

netrair āgatavikledaiḥ parivārya sthitābhavan // (10.2) Par.?

athābravīt punar vākyaṃ dhṛtarāṣṭro yudhiṣṭhiram / (11.1) Par.?

anujānīhi māṃ rājaṃstāpasye bharatarṣabha // (11.2) Par.?

glāyate me manastāta bhūyo bhūyaḥ prajalpataḥ / (12.1) Par.?

na mām ataḥ paraṃ putra parikleṣṭum ihārhasi // (12.2) Par.?

tasmiṃstu kauravendre taṃ tathā bruvati pāṇḍavam / (13.1) Par.?

sarveṣām avarodhānām ārtanādo mahān abhūt // (13.2) Par.?

dṛṣṭvā kṛśaṃ vivarṇaṃ ca rājānam atathocitam / (14.1) Par.?

upavāsapariśrāntaṃ tvagasthiparivāritam // (14.2) Par.?

dharmaputraḥ sa pitaraṃ pariṣvajya mahābhujaḥ / (15.1) Par.?

śokajaṃ bāṣpam utsṛjya punar vacanam abravīt // (15.2) Par.?

na kāmaye naraśreṣṭha jīvitaṃ pṛthivīṃ tathā / (16.1) Par.?

yathā tava priyaṃ rājaṃścikīrṣāmi paraṃtapa // (16.2) Par.?

yadi tvaham anugrāhyo bhavato dayito 'pi vā / (17.1) Par.?

kriyatāṃ tāvad āhārastato vetsyāmahe vayam // (17.2) Par.?

tato 'bravīnmahātejā dharmaputraṃ sa pārthivaḥ / (18.1) Par.?

anujñātastvayā putra bhuñjīyām iti kāmaye // (18.2) Par.?

iti bruvati rājendre dhṛtarāṣṭre yudhiṣṭhiram / (19.1) Par.?

ṛṣiḥ satyavatīputro vyāso 'bhyetya vaco 'bravīt // (19.2) Par.?