UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9401
- Click on a sentence to show its analysis
- Keep the mouse pointer over a lemma to show its meanings.
janamejaya uvāca / (1.1)
Par.?
kathaṃ vinaṣṭā bhagavann andhakā vṛṣṇibhiḥ saha / (1.2)
Par.?
paśyato vāsudevasya bhojāścaiva mahārathāḥ // (1.3)
Par.?
vaiśaṃpāyana uvāca / (2.1)
Par.?
ṣaṭtriṃśe 'tha tato varṣe vṛṣṇīnām anayo mahān / (2.2)
Par.?
anyonyaṃ musalaiste tu nijaghnuḥ kālacoditāḥ // (2.3)
Par.?
janamejaya uvāca / (3.1)
Par.?
kenānuśaptāste vīrāḥ kṣayaṃ vṛṣṇyandhakā yayuḥ / (3.2)
Par.?
bhojāśca dvijavarya tvaṃ vistareṇa vadasva me // (3.3)
Par.?
vaiśaṃpāyana uvāca / (4.1)
Par.?
viśvāmitraṃ ca kaṇvaṃ ca nāradaṃ ca tapodhanam / (4.2)
Par.?
sāraṇapramukhā vīrā dadṛśur dvārakāgatān // (4.3)
Par.?
te vai sāmbaṃ puraskṛtya bhūṣayitvā striyaṃ yathā / (5.1)
Par.?
abruvann upasaṃgamya daivadaṇḍanipīḍitāḥ // (5.2)
Par.?
iyaṃ strī putrakāmasya babhror amitatejasaḥ / (6.1)
Par.?
ṛṣayaḥ sādhu jānīta kim iyaṃ janayiṣyati // (6.2)
Par.?
ityuktāste tadā rājan vipralambhapradharṣitāḥ / (7.1)
Par.?
pratyabruvaṃstānmunayo yat tacchṛṇu narādhipa // (7.2)
Par.?
vṛṣṇyandhakavināśāya musalaṃ ghoram āyasam / (8.1)
Par.?
vāsudevasya dāyādaḥ sāmbo 'yaṃ janayiṣyati // (8.2)
Par.?
yena yūyaṃ sudurvṛttā nṛśaṃsā jātamanyavaḥ / (9.1)
Par.?
ucchettāraḥ kulaṃ kṛtsnam ṛte rāmajanārdanau // (9.2)
Par.?
samudraṃ yāsyati śrīmāṃstyaktvā dehaṃ halāyudhaḥ / (10.1)
Par.?
jarā kṛṣṇaṃ mahātmānaṃ śayānaṃ bhuvi bhetsyati // (10.2)
Par.?
ityabruvanta te rājan pralabdhāstair durātmabhiḥ / (11.1)
Par.?
munayaḥ krodharaktākṣāḥ samīkṣyātha parasparam // (11.2)
Par.?
tathoktvā munayaste tu tataḥ keśavam abhyayuḥ // (12.1)
Par.?
athābravīt tadā vṛṣṇīñśrutvaivaṃ madhusūdanaḥ / (13.1)
Par.?
antajño matimāṃstasya bhavitavyaṃ tatheti tān // (13.2)
Par.?
evam uktvā hṛṣīkeśaḥ praviveśa punar gṛhān / (14.1)
Par.?
kṛtāntam anyathā naicchat kartuṃ sa jagataḥ prabhuḥ // (14.2)
Par.?
śvobhūte 'tha tataḥ sāmbo musalaṃ tad asūta vai / (15.1)
Par.?
vṛṣṇyandhakavināśāya kiṃkarapratimaṃ mahat // (15.2)
Par.?
prasūtaṃ śāpajaṃ ghoraṃ tacca rājñe nyavedayan / (16.1)
Par.?
viṣaṇṇarūpastad rājā sūkṣmaṃ cūrṇam akārayat // (16.2)
Par.?
prākṣipan sāgare tacca puruṣā rājaśāsanāt / (17.1)
Par.?
aghoṣayaṃśca nagare vacanād āhukasya ca // (17.2)
Par.?
adya prabhṛti sarveṣu vṛṣṇyandhakagṛheṣviha / (18.1)
Par.?
surāsavo na kartavyaḥ sarvair nagaravāsibhiḥ // (18.2)
Par.?
yaśca no 'viditaṃ kuryāt peyaṃ kaścinnaraḥ kvacit / (19.1)
Par.?
jīvan sa śūlam ārohet svayaṃ kṛtvā sabāndhavaḥ // (19.2) Par.?
tato rājabhayāt sarve niyamaṃ cakrire tadā / (20.1)
Par.?
narāḥ śāsanam ājñāya tasya rājño mahātmanaḥ // (20.2)
Par.?
Duration=0.11216592788696 secs.