UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2318
- Click on a sentence to show its analysis
- Keep the mouse pointer over a lemma to show its meanings.
vasumānuvāca / (1.1)
Par.?
pṛcchāmyahaṃ vasumānauṣadaśviryadyasti loko divi mahyaṃ narendra / (1.2)
Par.?
yadyantarikṣe prathito mahātmankṣetrajñaṃ tvāṃ tasya dharmasya manye // (1.3)
Par.?
yayātiruvāca / (2.1)
Par.?
yadantarikṣaṃ pṛthivī diśaśca yattejasā tapate bhānumāṃśca / (2.2)
Par.?
lokās tāvanto divi saṃsthitā vai te tvāṃ bhavantaṃ pratipālayanti // (2.3)
Par.?
vasumānuvāca / (3.1)
Par.?
tāṃs te dadāmi pata māṃ prapātaṃ ye me lokāstava te vai bhavantu / (3.2)
Par.?
krīṇīṣvaināṃs tṛṇakenāpi rājanpratigrahaste yadi samyakpraduṣṭaḥ // (3.3)
Par.?
yayātiruvāca / (4.1)
Par.?
na mithyāhaṃ vikrayaṃ vai smarāmi mayā kṛtaṃ śiśubhāve'pi rājan / (4.2)
Par.?
kuryāṃ na caivākṛtapūrvamanyair vivitsamāno vasumanna sādhu // (4.3)
Par.?
vasumānuvāca / (5.1)
Par.?
tāṃs tvaṃ lokānpratipadyasva rājanmayā dattānyadi neṣṭaḥ krayaste / (5.2)
Par.?
nāhaṃ tānvai pratigantā narendra sarve lokāstāvakā vai bhavantu // (5.3)
Par.?
pṛcchāmi tvāṃ śibirauśīnaro'haṃ mamāpi lokā yadi santi tāta / (6.2)
Par.?
yadyantarikṣe yadi vā divi śritāḥ kṣetrajñaṃ tvāṃ tasya dharmasya manye // (6.3)
Par.?
yayātiruvāca / (7.1)
Par.?
na tvaṃ vācā hṛdayenāpi rājan parīpsamāno māvamaṃsthā narendra / (7.2) Par.?
tenānantā divi lokāḥ sthitā vai vidyudrūpāḥ svanavanto mahāntaḥ // (7.3)
Par.?
tāṃs tvaṃ lokānpratipadyasva rājanmayā dattānyadi neṣṭaḥ krayaste / (8.2)
Par.?
na cāhaṃ tānpratipadya dattvā yatra tvaṃ tāta gantāsi lokān // (8.3)
Par.?
yayātiruvāca / (9.1)
Par.?
yathā tvamindrapratimaprabhāvaste cāpyanantā naradeva lokāḥ / (9.2)
Par.?
tathādya loke na rame'nyadatte tasmācchibe nābhinandāmi vācam // (9.3)
Par.?
aṣṭaka uvāca / (10.1)
Par.?
na cedekaikaśo rājaṃllokānnaḥ pratinandasi / (10.2)
Par.?
sarve pradāya tāṃllokān gantāro narakaṃ vayam // (10.3)
Par.?
yayātiruvāca / (11.1)
Par.?
yadarhās tadvadadhvaṃ vaḥ santaḥ satyādidarśinaḥ / (11.2)
Par.?
ahaṃ tu nābhigṛhṇāmi yatkṛtaṃ na mayā purā // (11.3)
Par.?
alipsamānasya tu me yaduktaṃ na tattathāstīha narendrasiṃha / (12.1)
Par.?
asya pradānasya yadeva yuktaṃ tasyaiva cānantaphalaṃ bhaviṣyam // (12.2)
Par.?
aṣṭaka uvāca / (13.1)
Par.?
kasyaite pratidṛśyante rathāḥ pañca hiraṇmayāḥ / (13.2)
Par.?
uccaiḥ santaḥ prakāśante jvalanto'gniśikhā iva // (13.3)
Par.?
yayātiruvāca / (14.1)
Par.?
bhavatāṃ mama caivaite rathā bhānti hiraṇmayāḥ / (14.2)
Par.?
āruhyaiteṣu gantavyaṃ bhavadbhiśca mayā saha // (14.3)
Par.?
aṣṭaka uvāca / (15.1)
Par.?
ātiṣṭhasva rathaṃ rājanvikramasva vihāyasā / (15.2)
Par.?
vayamapyanuyāsyāmo yadā kālo bhaviṣyati // (15.3)
Par.?
yayātiruvāca / (16.1)
Par.?
sarvairidānīṃ gantavyaṃ saha svargo jito yataḥ / (16.2)
Par.?
eṣa vo virajāḥ panthā dṛśyate devasadmagaḥ // (16.3)
Par.?
śaunaka uvāca / (17.1)
Par.?
te 'bhiruhya rathānsarve prayātā nṛpate nṛpāḥ / (17.2)
Par.?
ākrāmanto divaṃ bhānti dharmeṇāvṛtya rodasī // (17.3)
Par.?
aṣṭaka uvāca / (18.1)
Par.?
ahaṃ manye pūrvameko'bhigantā sakhā cendraḥ sarvathā me mahātmā / (18.2)
Par.?
kasmādevaṃ śibirauśīnaro'yameko'tyayāt sarvaṃ vegena vāhān // (18.3)
Par.?
yayātiruvāca / (19.1)
Par.?
adadāddevayānāya yāvadvittamaninditaḥ / (19.2)
Par.?
uśīnarasya putro'yaṃ tasmācchreṣṭho hi vaḥ śibiḥ // (19.3)
Par.?
dānaṃ śaucaṃ satyamatho hy ahiṃsā hrīḥ śrīstitikṣā samatānṛśaṃsyam / (20.1)
Par.?
rājantyetānyatha sarvāṇi rājñi śibau sthitānyapratime subuddhyā / (20.2)
Par.?
evaṃ vṛttaṃ hrīniṣevī bibharti tasmācchibir abhigantā rathena // (20.3)
Par.?
śaunaka uvāca / (21.1)
Par.?
athāṣṭakaḥ punarevānvapṛcchanmātāmahaṃ kautukādindrakalpam / (21.2)
Par.?
pṛcchāmi tvāṃ nṛpate brūhi satyaṃ kutaśca kaścāsi kathaṃ tvamāgāḥ / (21.3)
Par.?
kṛtaṃ tvayā yaddhi na tasya kartā loke tvadanyo brāhmaṇaḥ kṣatriyo vā // (21.4)
Par.?
yayātiruvāca / (22.1)
Par.?
yayātirasmi nahuṣasya putraḥ pūroḥ pitā sārvabhaumastvihāsam / (22.2)
Par.?
guhyaṃ mantraṃ māmakebhyo bravīmi mātāmaho bhavatāṃ suprakāśaḥ // (22.3)
Par.?
sarvām imāṃ pṛthivīṃ nirjigāya ṛddhāṃ mahīmadadāṃ brāhmaṇebhyaḥ / (23.1)
Par.?
medhyānaśvānnaikaśas tānsurūpāṃstadā devāḥ puṇyabhājo bhavanti // (23.2)
Par.?
adāmahaṃ pṛthivīṃ brāhmaṇebhyaḥ pūrṇāmimāmakhilānnaiḥ praśastām / (24.1)
Par.?
gobhiḥ suvarṇaiśca dhanaiśca mukhyairaśvāḥ sanāgāḥ śataśastvarbudāni // (24.2)
Par.?
satyena me dyauśca vasuṃdharā ca tathaivāgnirjvalate mānuṣeṣu / (25.1)
Par.?
na me vṛthā vyāhṛtameva vākyaṃ satyaṃ hi santaḥ pratipūjayanti // (25.2)
Par.?
sādhvaṣṭaka prabravīmīha satyaṃ pratardanaṃ vasumantaṃ śibiṃ ca / (26.1)
Par.?
sarve devā munayaśca lokāḥ satyena pūjyā iti me manogatam // (26.2)
Par.?
yo naḥ sarvajitaṃ sarvaṃ yathāvṛttaṃ nivedayet / (27.1)
Par.?
anasūyur dvijāgnyebhyaḥ sa bhajennaḥ salokatām // (27.2)
Par.?
śaunaka uvāca / (28.1)
Par.?
evaṃ rājansa mahātmā yayātiḥ svadauhitraistārito mitravaryaiḥ / (28.2)
Par.?
tyaktvā mahīṃ paramodārakarmā svargaṃ gataḥ karmabhirvyāpya pṛthvīm // (28.3)
Par.?
evaṃ sarvaṃ vistarato yathāvadākhyātaṃ te caritaṃ nāhuṣasya / (29.1)
Par.?
vaṃśo yasya prathitaṃ pauraveyo yasmiñjātastvaṃ manujendrakalpaḥ // (29.2)
Par.?
Duration=0.20567202568054 secs.