Texts

īśvara uvāca / (1.1) Par.?

athānyāmapi vakṣyāmi tṛtīyāṃ pāpanāśinīm / (1.2) Par.?

rasakalyāṇinīmetāṃ purākalpavido viduḥ // (1.3) Par.?

māghamāse tu samprāpte tṛtīyāṃ śuklapakṣataḥ / (2.1) Par.?

prātargavyena payasā tilaiḥ snānaṃ samācaret // (2.2) Par.?

snāpayenmadhunā devīṃ tathaivekṣurasena ca / (3.1) Par.?

gandhodakena tu punarlepayetkuṅkumena tu / (3.2) Par.?

dakṣiṇāṅgāni sampūjya tato vāmāni pūjayet // (3.3) Par.?

lalitāyai namo devyāḥ pādau gulphau tato 'rcayet / (4.1) Par.?

jaṅghāṃ jānuṃ tathā śāntyai tathaivoruṃ śriyai namaḥ // (4.2) Par.?

madālasāyai tu kaṭimamalāyai tathodaram / (5.1) Par.?

stanau madanavāsinyai kumudāyai ca kandarām // (5.2) Par.?

bhujaṃ bhujāgraṃ mādhavyai kamalāyai mukhasmite / (6.1) Par.?

bhūlalāṭaṃ ca rudrāṇyai śaṃkarāyai tathālakān // (6.2) Par.?

mukuṭaṃ viśvavāsinyai śiraḥ kāntyai tathārcayet / (7.1) Par.?

madanāyai lalāṭaṃ tu mohanāyai punarbhruvau // (7.2) Par.?

netre candrārdhadhāriṇyai tuṣṭyai ca vadanaṃ punaḥ / (8.1) Par.?

utkaṇṭhinyai namaḥ kaṇṭhamamṛtāyai namaḥ stanau // (8.2) Par.?

rambhāyai vāmakukṣiṃ ca viśokāyai namaḥ kaṭim / (9.1) Par.?

hṛdayaṃ manmathādhiṣṇyai pāṭalāyai tathodaram // (9.2) Par.?

kaṭiṃ suratavāsinyai tathoruṃ campakapriye / (10.1) Par.?

jānujaṅghe namo gauryai gāyatryai ghuṭike namaḥ // (10.2) Par.?

dharādharāyai pādau tu viśvakāyai namaḥ śiraḥ / (11.1) Par.?

namo bhavānyai kāminyai kāmadevyai jagatpriye // (11.2) Par.?

ānandāyai sunandāyai subhadrāyai namo namaḥ / (12.1) Par.?

evaṃ sampūjya vidhivaddvijadāmpatyam arcayet / (12.2) Par.?

bhojayitvānnapānena madhureṇa vimatsaraḥ // (12.3) Par.?

jalapūritaṃ tathā kumbhaṃ śuklāmbarayugadvayam / (13.1) Par.?

dattvā suvarṇakamalaṃ gandhamālyaiḥ samarcayet // (13.2) Par.?

prīyatāmatra kumudā gṛhṇīyāllavaṇavratam / (14.1) Par.?

anena vidhinā devī māsi māsi sadārcayet // (14.2) Par.?

lavaṇaṃ varjayenmāghe phālgune ca guḍaṃ punaḥ / (15.1) Par.?

tailaṃ rājiṃ tathā caitre varjyaṃ ca madhu mādhave // (15.2) Par.?

pānakaṃ jyeṣṭhamāse tu āṣāḍhe cātha jīrakam / (16.1) Par.?

śrāvaṇe varjayetkṣīraṃ dadhi bhādrapade tathā // (16.2) Par.?

ghṛtamāśvayuje tadvadūrje varjyaṃ ca mākṣikam / (17.1) Par.?

dhānyakaṃ mārgaśīrṣe tu pauṣe varjyā ca śarkarā // (17.2) Par.?

vratānte karakaṃ pūrṇameteṣāṃ māsi māsi ca / (18.1) Par.?

dadyāddvikālavelāyāṃ pūrṇapātreṇa saṃyutam // (18.2) Par.?

laḍḍukāñchvetavarṇāṃśca saṃyāvamatha pūrikāḥ / (19.1) Par.?

ghārikān apyapūpāṃśca piṣṭāpūpāṃśca maṇḍakān // (19.2) Par.?

kṣīraṃ śākaṃ ca dadhyannamiṇḍaryo 'śokavartikāḥ / (20.1) Par.?

māghādikramaśo dadyādetāni karakopari // (20.2) Par.?

kumudā mādhavī gaurī rambhā bhadrā jayā śivā / (21.1) Par.?

umā ratiḥ satī tadvanmaṅgalā ratilālasā // (21.2) Par.?

kramānmāghādi sarvatra prīyatāmiti kīrtayet / (22.1) Par.?

sarvatra pañcagavyena prāśanaṃ samudāhṛtam / (22.2) Par.?

upavāsī bhavennityamaśakte naktamiṣyate // (22.3) Par.?

punarmāghe tu samprāpte śarkarāṃ karakopari / (23.1) Par.?

kṛtvā tu kāñcanīṃ gaurīṃ pañcaratnasamanvitām // (23.2) Par.?

haimīmaṅguṣṭhamātrāṃ ca sākṣasūtrakamaṇḍalum / (24.1) Par.?

caturbhujāminduyutāṃ sitanetrapaṭāvṛtām // (24.2) Par.?

tadvadgomithunaṃ śuklaṃ suvarṇāsyaṃ sitāmbaram / (25.1) Par.?

savastrabhājanaṃ dadyādbhavānī prīyatāmiti // (25.2) Par.?

anena vidhinā yastu rasakalyāṇinīvratam / (26.1) Par.?

kuryātsa sarvapāpebhyas tatkṣaṇādeva mucyate // (26.2) Par.?

navārbudasahasraṃ tu na duḥkhī jāyate naraḥ / (27.1) Par.?

suvarṇakamalaṃ gauri māsi māsi dadannaraḥ / (27.2) Par.?

agniṣṭomasahasrasya yatphalaṃ tadavāpnuyāt // (27.3) Par.?

nārī vā kurute yā tu kumārī vā varānane / (28.1) Par.?

vidhavā yā tathā nārī sāpi tatphalamāpnuyāt / (28.2) Par.?

saubhāgyārogyasampannā gaurīloke mahīyate // (28.3) Par.?

iti paṭhati śṛṇoti śrāvayedyaḥ prasaṅgātkalikaluṣavimuktaḥ pārvatīlokameti / (29.1) Par.?

matimapi ca narāṇāṃ yo dadāti priyārthaṃ vibudhapativimāne nāyakaḥ syādamoghaḥ // (29.2) Par.?