Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4301

Click on a sentence to show its analysis
Keep the mouse pointer over a lemma to show its meanings.

athāto mūtrāghātacikitsitaṃ vyākhyāsyāmaḥ / (1.1) Par.?

iti ha smāhur ātreyādayo maharṣayaḥ / (1.2) Par.?

kṛcchre vātaghnatailāktam adho nābheḥ samīraje / (1.3) Par.?

susnigdhaiḥ svedayed aṅgaṃ piṇḍasekāvagāhanaiḥ // (1.4) Par.?

daśamūlabalairaṇḍayavābhīrupunarnavaiḥ / (2.1) Par.?

kulatthakolapattūravṛścīvopalabhedakaiḥ // (2.2) Par.?

tailasarpirvarāharkṣavasāḥ kvathitakalkitaiḥ / (3.1) Par.?

sapañcalavaṇāḥ siddhāḥ pītāḥ śūlaharāḥ param // (3.2) Par.?

dravyāṇyetāni pānānne tathā piṇḍopanāhane / (4.1) Par.?

saha tailaphalair yuñjyāt sāmlāni snehavanti ca // (4.2) Par.?

sauvarcalāḍhyāṃ madirāṃ piben mūtrarujāpahām / (5.1) Par.?

paitte yuñjīta śiśiraṃ sekalepāvagāhanam // (5.2) Par.?

pibed varīṃ gokṣurakaṃ vidārīṃ sakaserukām / (6.1) Par.?

tṛṇākhyaṃ pañcamūlaṃ ca pākyaṃ samadhuśarkaram // (6.2) Par.?

vṛṣakaṃ trapusairvārulaṭvābījāni kuṅkumam / (7.1) Par.?

drākṣāmbhobhiḥ piban sarvān mūtrāghātān apohati // (7.2) Par.?

ervārubījayaṣṭyāhvadārvīr vā taṇḍulāmbunā / (8.1) Par.?

toyena kalkaṃ drākṣāyāḥ pibet paryuṣitena vā // (8.2) Par.?

kaphaje vamanaṃ svedaṃ tīkṣṇoṣṇakaṭubhojanam / (9.1) Par.?

yavānāṃ vikṛtīḥ kṣāraṃ kālaśeyaṃ ca śīlayet // (9.2) Par.?

piben madyena sūkṣmailāṃ dhātrīphalarasena vā / (10.1) Par.?

sārasāsthiśvadaṃṣṭrailāvyoṣaṃ vā madhumūtravat // (10.2) Par.?

svarasaṃ kaṇṭakāryā vā pāyayen mākṣikānvitam / (11.1) Par.?

śitivārakabījaṃ vā takreṇa ślakṣṇacūrṇitam // (11.2) Par.?

dhavasaptāhvakuṭajaguḍūcīcaturaṅgulam / (12.1) Par.?

kembukailākarañjaṃ ca pākyaṃ samadhu sādhitam // (12.2) Par.?

tair vā peyāṃ pravālaṃ vā cūrṇitaṃ taṇḍulāmbunā / (13.1) Par.?

satailaṃ pāṭalākṣāraṃ saptakṛtvo 'thavā srutam // (13.2) Par.?

pāṭalīyāvaśūkābhyāṃ pāribhadrāt tilād api / (14.1) Par.?

kṣārodakena madirāṃ tvageloṣaṇasaṃyutām // (14.2) Par.?

pibed guḍopadaṃśān vā lihyād etān pṛthak pṛthak / (15.1) Par.?

saṃnipātātmake sarvaṃ yathāvastham idaṃ hitam // (15.2) Par.?

aśmanyapyacirotthāne vātavastyādikeṣu ca / (16.1) Par.?

aśmarī dāruṇo vyādhirantakapratimo mataḥ // (16.2) Par.?

taruṇo bheṣajaiḥ sādhyaḥ pravṛddhaśchedam arhati / (17.1) Par.?

tasya pūrveṣu rūpeṣu snehādikrama iṣyate // (17.2) Par.?

pāṣāṇabhedo vasuko vaśiro 'śmantako varī / (18.1) Par.?

kapotavaṅkātibalābhallūkośīrakacchakam // (18.2) Par.?

vṛkṣādanī śākaphalaṃ vyāghryau guṇṭhas trikaṇṭakaḥ / (19.1) Par.?

yavāḥ kulatthāḥ kolāni varuṇaḥ katakāt phalam // (19.2) Par.?

ūṣakādipratīvāpam eṣāṃ kvāthe śṛtaṃ ghṛtam / (20.1) Par.?

bhinatti vātasambhūtāṃ tat pītaṃ śīghram aśmarīm // (20.2) Par.?

gandharvahastabṛhatīvyāghrīgokṣurakekṣurāt / (21.1) Par.?

mūlakalkaṃ pibed dadhnā madhureṇāśmabhedanam // (21.2) Par.?

kuśaḥ kāśaḥ śaro guṇṭha itkaṭo moraṭo 'śmabhit / (22.1) Par.?

darbho vidārī vārāhī śālimūlaṃ trikaṇṭakaḥ // (22.2) Par.?

bhallūkaḥ pāṭalī pāṭhā pattūraḥ sakuraṇṭakaḥ / (23.1) Par.?

punarnave śirīṣaśca teṣāṃ kvāthe paced ghṛtam // (23.2) Par.?

piṣṭena trapusādīnāṃ bījenendīvareṇa ca / (24.1) Par.?

madhukena śilājena tat pittāśmaribhedanam // (24.2) Par.?

varuṇādiḥ samīraghnau gaṇāvelā hareṇukā / (25.1) Par.?

guggulur maricaṃ kuṣṭhaṃ citrakaḥ sasurāhvayaḥ // (25.2) Par.?

taiḥ kalkitaiḥ kṛtāvāpam ūṣakādigaṇena ca / (26.1) Par.?

bhinatti kaphajām āśu sādhitaṃ ghṛtam aśmarīm // (26.2) Par.?

kṣārakṣīrayavāgvādidravyaiḥ svaiḥ svaiśca kalpayet / (27.1) Par.?

picukāṅkollakatakaśākendīvarajaiḥ phalaiḥ // (27.2) Par.?

pītam uṣṇāmbu saguḍaṃ śarkarāpātanaṃ param / (28.1) Par.?

krauñcoṣṭrarāsabhāsthīni śvadaṃṣṭrā tālapattrikā // (28.2) Par.?

ajamodā kadambasya mūlaṃ viśvasya cauṣadham / (29.1) Par.?

pītāni śarkarāṃ bhindyuḥ surayoṣṇodakena vā // (29.2) Par.?

nṛtyakuṇḍakabījānāṃ cūrṇaṃ mākṣikasaṃyutam / (30.1) Par.?

avikṣīreṇa saptāhaṃ pītam aśmaripātanaḥ // (30.2) Par.?

kvāthaśca śigrumūlotthaḥ kaduṣṇo 'śmarīpātanaḥ / (31.1) Par.?

tilāpāmārgakadalīpalāśayavasaṃbhavaḥ // (31.2) Par.?

kṣāraḥ peyo 'vimūtreṇa śarkarāsvaśmarīṣu ca / (32.1) Par.?

kapotavaṅkāmūlaṃ vā pibed ekaṃ surādibhiḥ // (32.2) Par.?

tatsiddhaṃ vā pibet kṣīraṃ vedanābhirupadrutaḥ / (33.1) Par.?

harītakyasthisiddhaṃ vā sādhitaṃ vā punarnavaiḥ // (33.2) Par.?

kṣīrānnabhug barhiśikhāmūlaṃ vā taṇḍulāmbunā / (34.1) Par.?

mūtrāghāteṣu vibhajed ataḥ śeṣeṣvapi kriyām // (34.2) Par.?

bṛhatyādigaṇe siddhaṃ dviguṇīkṛtagokṣure / (35.1) Par.?

toyaṃ payo vā sarpir vā sarvamūtravikārajit // (35.2) Par.?

devadāruṃ ghanaṃ mūrvāṃ yaṣṭīmadhu harītakīm / (36.1) Par.?

mūtrāghāteṣu sarveṣu surākṣīrajalaiḥ pibet // (36.2) Par.?

rasaṃ vā dhanvayāsasya kaṣāyaṃ kakubhasya vā / (37.1) Par.?

sukhāmbhasā vā triphalāṃ piṣṭāṃ saindhavasaṃyutām // (37.2) Par.?

vyāghrīgokṣurakakvāthe yavāgūṃ vā saphāṇitām / (38.1) Par.?

kvāthe vīratarāder vā tāmracūḍarase 'pi vā // (38.2) Par.?

adyād vīratarādyena bhāvitaṃ vā śilājatu / (39.1) Par.?

madyaṃ vā nigadaṃ pītvā rathenāśvena vā vrajet // (39.2) Par.?

śīghravegena saṃkṣobhāt tathāsya cyavate 'śmarī / (40.1) Par.?

sarvathā copayoktavyo vargo vīratarādikaḥ // (40.2) Par.?

rekārthaṃ tailvakaṃ sarpir vastikarma ca śīlayet / (41.1) Par.?

viśeṣād uttarān vastīñchukrāśmaryāṃ tu śodhite // (41.2) Par.?

tair mūtramārge balavān śukrāśayaviśuddhaye / (42.1) Par.?

pumān sutṛpto vṛṣyāṇāṃ māṃsānāṃ kukkuṭasya ca // (42.2) Par.?

kāmaṃ sakāmaḥ seveta pramadā madadāyinīḥ / (43.1) Par.?

siddhairupakramairebhir na cecchāntis tadā bhiṣak // (43.2) Par.?

iti rājānam āpṛcchya śastraṃ sādhvavacārayet / (44.1) Par.?

akriyāyāṃ dhruvo mṛtyuḥ kriyāyāṃ saṃśayo bhavet // (44.2) Par.?

niścitasyāpi vaidyasya bahuśaḥ siddhakarmaṇaḥ / (45.1) Par.?

athāturam upasnigdhaśuddham īṣacca karśitam // (45.2) Par.?

abhyaktasvinnavapuṣam abhuktaṃ kṛtamaṅgalam / (46.1) Par.?

ājānuphalakasthasya narasyāṅke vyapāśritam // (46.2) Par.?

pūrveṇa kāyenottānaṃ niṣaṇṇaṃ vastracumbhale / (47.1) Par.?

tato 'syākuñcite jānukūrpare vāsasā dṛḍham // (47.2) Par.?

sahāśrayamanuṣyeṇa baddhasyāśvāsitasya ca / (48.1) Par.?

nābheḥ samantād abhyajyād adhas tasyāśca vāmataḥ // (48.2) Par.?

mṛditvā muṣṭinākrāmed yāvad aśmaryadhogatā / (49.1) Par.?

tailākte vardhitanakhe tarjanīmadhyame tataḥ // (49.2) Par.?

adakṣiṇe gude 'ṅgulyau praṇidhāyānusevani / (50.1) Par.?

āsādya balayatnābhyām aśmarīṃ gudameḍhrayoḥ // (50.2) Par.?

kṛtvāntare tathā vastiṃ nirvalīkam anāyatam / (51.1) Par.?

utpīḍayed aṅgulībhyāṃ yāvad granthirivonnatam // (51.2) Par.?

śalyaṃ syāt sevanīṃ muktvā yavamātreṇa pāṭayet / (52.1) Par.?

aśmamānena na yathā bhidyate sā tathāharet // (52.2) Par.?

samagraṃ sarpavaktreṇa strīṇāṃ vastis tu pārśvagaḥ / (53.1) Par.?

garbhāśayāśrayas tāsāṃ śastram utsaṅgavat tataḥ // (53.2) Par.?

nyased ato 'nyathā hyāsāṃ mūtrasrāvī vraṇo bhavet / (54.1) Par.?

mūtraprasekakṣaṇanān narasyāpyapi caikadhā // (54.2) Par.?

vastibhedo 'śmarīhetuḥ siddhiṃ yāti na tu dvidhā / (55.1) Par.?

viśalyam uṣṇapānīyadroṇyāṃ tam avagāhayet // (55.2) Par.?

tathā na pūryate 'sreṇa vastiḥ pūrṇe tu pīḍayet / (56.1) Par.?

meḍhrāntaḥ kṣīrivṛkṣāmbu mūtrasaṃśuddhaye tataḥ // (56.2) Par.?

kuryād guḍasya sauhityaṃ madhvājyāktavraṇaḥ pibet / (57.1) Par.?

dvau kālau saghṛtāṃ koṣṇāṃ yavāgūṃ mūtraśodhanaiḥ // (57.2) Par.?

tryahaṃ daśāhaṃ payasā guḍāḍhyenālpam odanam / (58.1) Par.?

bhuñjītordhvaṃ phalāmlaiśca rasair jāṅgalacāriṇām // (58.2) Par.?

kṣīrivṛkṣakaṣāyeṇa vraṇaṃ prakṣālya lepayet / (59.1) Par.?

prapauṇḍarīkamañjiṣṭhāyaṣṭyāhvanayanauṣadhaiḥ // (59.2) Par.?

vraṇābhyaṅge pacet tailam ebhireva niśānvitaiḥ / (60.1) Par.?

daśāhaṃ svedayeccainaṃ svamārgaṃ saptarātrataḥ // (60.2) Par.?

mūtre tvagacchati dahed aśmarīvraṇam agninā / (61.1) Par.?

svamārgapratipattau tu svāduprāyairupācaret // (61.2) Par.?

taṃ vastibhir na cārohed varṣaṃ rūḍhavraṇo 'pi saḥ / (62.1) Par.?

naganāgāśvavṛkṣastrīrathān nāpsu plaveta ca // (62.2) Par.?

mūtraśukravahau vastivṛṣaṇau sevanīṃ gudam / (63.1) Par.?

mūtraprasekaṃ yoniṃ ca śastreṇāṣṭau vivarjayet // (63.2) Par.?

Duration=0.18199896812439 secs.