Texts

śrībhagavānuvāca / (1.1) Par.?

etadvaḥ sampravakṣyāmi kathā sarvasvamadya vai / (1.2) Par.?

agnirhyahaṃ somakartā somaścāgnimupāśritaḥ // (1.3) Par.?

kṛtametadvahatyagnirbhūyo lokasamāśrayāt / (2.1) Par.?

asakṛttvagninā dagdhaṃ jagat sthāvarajaṅgamam // (2.2) Par.?

bhasmasādvihitaṃ sarvaṃ pavitramidamuttamam / (3.1) Par.?

bhasmanā vīryamāsthāya bhūtāni pariṣiñcati // (3.2) Par.?

agnikāryaṃ ca yaḥ kṛtvā kariṣyati triyāyuṣam / (4.1) Par.?

bhasmanā mama vīryeṇa mucyate sarvakilbiṣaiḥ // (4.2) Par.?

bhāsata ityeva yadbhasma śubhaṃ bhāvayate ca yat / (5.1) Par.?

bhakṣaṇāt sarvapāpānāṃ bhasmeti parikīrtitam // (5.2) Par.?

ūṣmapāḥ pitaro jñeyā devā vai somasaṃbhavāḥ / (6.1) Par.?

agnīṣomātmakaṃ sarvaṃ jagatsthāvarajaṅgamam // (6.2) Par.?

ahamagnirmahātejāḥ somaścaiṣā mahāṃbikā / (7.1) Par.?

ahamagniś ca somaś ca prakṛtyā puruṣaḥ svayam // (7.2) Par.?

tasmādbhasma mahābhāgā madvīryamiti cocyate / (8.1) Par.?

svavīryaṃ vapuṣā caiva dhārayāmīti vai sthitiḥ // (8.2) Par.?

tadāprabhṛti lokeṣu rakṣārthamaśubheṣu ca / (9.1) Par.?

bhasmanā kriyate rakṣā sūtikānāṃ gṛheṣu ca // (9.2) Par.?

bhasmasnānaviśuddhātmā jitakrodho jitendriyaḥ / (10.1) Par.?

matsamīpaṃ samāgamya na bhūyo vinivartate // (10.2) Par.?

vrataṃ pāśupataṃ yogaṃ kāpilaṃ caiva nirmitam / (11.1) Par.?

pūrvaṃ pāśupataṃ hyetannirmitaṃ tadanuttamam // (11.2) Par.?

śeṣāścāśramiṇaḥ sarve paścātsṛṣṭāḥ svayaṃbhuvā / (12.1) Par.?

sṛṣṭireṣā mayā sṛṣṭā lajjāmohabhayātmikā // (12.2) Par.?

nagnā eva hi jāyante devatā munayas tathā / (13.1) Par.?

ye cānye mānavā loke sarve jāyantyavāsasaḥ // (13.2) Par.?

indriyairajitairnagno dukūlenāpi saṃvṛtaḥ / (14.1) Par.?

taireva saṃvṛtairgupto na vastraṃ kāraṇaṃ smṛtam // (14.2) Par.?

kṣamā dhṛtirahiṃsā ca vairāgyaṃ caiva sarvaśaḥ / (15.1) Par.?

tulyau mānāvamānau ca tadāvaraṇamuttamam // (15.2) Par.?

bhasmasnānena digdhāṅgo dhyāyate manasā bhavam / (16.1) Par.?

yadyakāryasahasrāṇi kṛtvā yaḥ snāti bhasmanā // (16.2) Par.?

tatsarvaṃ dahate bhasma yathāgnistejasā vanam / (17.1) Par.?

tasmād yatnaparo bhūtvā trikālamapi yaḥ sadā // (17.2) Par.?

bhasmanā kurute snānaṃ gāṇapatyaṃ sa gacchati / (18.1) Par.?

samāhṛtya kratūn sarvāngṛhītvā vratamuttamam // (18.2) Par.?

dhyāyanti ye mahādevaṃ līlāsadbhāvabhāvitāḥ / (19.1) Par.?

uttareṇāryapanthānaṃ te 'mṛtatvamavāpnuyuḥ // (19.2) Par.?

dakṣiṇena ca panthānaṃ ye śmaśānāni bhejire / (20.1) Par.?

aṇimā garimā caiva laghimā prāptireva ca // (20.2) Par.?

icchā kāmāvasāyitvaṃ tathā prākāmyameva ca / (21.1) Par.?

īkṣaṇena ca panthānaṃ ye śmaśānāni bhejire / (21.2) Par.?

aṇimā garimā caiva laghimā prāptireva ca // (21.3) Par.?

indrādayas tathā devāḥ kāmikavratamāsthitāḥ / (22.1) Par.?

aiśvaryaṃ paramaṃ prāpya sarve prathitatejasaḥ // (22.2) Par.?

vyapagatamadamohamuktarāgas tamorajodoṣavivarjitasvabhāvaḥ / (23.1) Par.?

paribhavamidamuttamaṃ viditvā paśupatiyogaparo bhavetsadaiva // (23.2) Par.?

imaṃ pāśupataṃ dhyāyan sarvapāpapraṇāśanam / (24.1) Par.?

yaḥ paṭhecca śucirbhūtvā śraddadhāno jitendriyaḥ // (24.2) Par.?

sarvapāpaviśuddhātmā rudralokaṃ sa gacchati / (25.1) Par.?

te sarve munayaḥ śrutvā vasiṣṭhādyā dvijottamāḥ // (25.2) Par.?

bhasmapāṇḍuradigdhāṅgā babhūvurvigataspṛhāḥ / (26.1) Par.?

rudralokāya kalpānte saṃsthitāḥ śivatejasā // (26.2) Par.?

tasmānna nindyāḥ pūjyāśca vikṛtā malinā api / (27.1) Par.?

rūpānvitāś ca viprendrāḥ sadā yogīndraśaṅkayā // (27.2) Par.?

bahunā kiṃ pralāpena bhavabhaktā dvijottamāḥ / (28.1) Par.?

saṃpūjyāḥ sarvayatnena śivavannātra saṃśayaḥ // (28.2) Par.?

malināścaiva viprendrā bhavabhaktā dṛḍhavratāḥ / (29.1) Par.?

dadhīcastu yathā devadevaṃ jitvā vyavasthitaḥ // (29.2) Par.?

nārāyaṇaṃ tathā loke rudrabhaktyā na saṃśayaḥ / (30.1) Par.?

tasmātsarvaprayatnena bhasmadigdhatanūruhāḥ // (30.2) Par.?

jaṭino muṇḍinaścaiva nagnā nānāprakāriṇaḥ / (31.1) Par.?

saṃpūjyāḥ śivavannityaṃ manasā karmaṇā girā // (31.2) Par.?

iti śrīliṅgamahāpurāṇe pūrvabhāge yogipraśaṃsā nāma catustriṃśo 'dhyāyaḥ // (32.1) Par.?