Texts

sūta uvāca / (1.1) Par.?

niśamya te mahāprājñāḥ kumārādyāḥ pinākinam / (1.2) Par.?

procuḥ praṇamya vai bhītāḥ prasannaṃ parameśvaram // (1.3) Par.?

evaṃ cedanayā devyā haimavatyā maheśvara / (2.1) Par.?

krīḍase vividhairbhogaiḥ kathaṃ vaktumihārhasi // (2.2) Par.?

sūta uvāca / (3.1) Par.?

evamuktaḥ prahasyeśaḥ pinākī nīlalohitaḥ / (3.2) Par.?

prāha tām aṃbikāṃ prekṣya praṇipatya sthitān dvijān // (3.3) Par.?

bandhamokṣau na caiveha mama svecchā śarīriṇaḥ / (4.1) Par.?

akartajñaḥ paśurjīvo vibhurbhoktā hyaṇuḥ pumān // (4.2) Par.?

māyī ca māyayā baddhaḥ karmabhir yujyate tu saḥ / (5.1) Par.?

jñānaṃ dhyānaṃ ca bandhaś ca mokṣo nāstyātmano dvijāḥ // (5.2) Par.?

yadaivaṃ mayi vidvān yastasyāpi na ca sarvataḥ / (6.1) Par.?

eṣā vidyā hyahaṃ vedyaḥ prajñaiṣā ca śrutiḥ smṛtiḥ // (6.2) Par.?

dhṛtireṣā mayā niṣṭhā jñānaśaktiḥ kriyā tathā / (7.1) Par.?

icchākhyā ca tathā hyājñā dve vidye na ca saṃśayaḥ // (7.2) Par.?

na hyeṣā prakṛtirjaivī vikṛtiś ca vicārataḥ / (8.1) Par.?

vikāro naiva māyaiṣā sadasadvyaktivarjitā // (8.2) Par.?

purā mamājñā madvaktrātsamutpannā sanātanī / (9.1) Par.?

pañcavaktrā mahābhāgā jagatāmabhayapradā // (9.2) Par.?

tāmājñāṃ sampraviśyāhaṃ cintayan jagatāṃ hitam / (10.1) Par.?

saptaviṃśatprakāreṇa sarvaṃ vyāpyānayā śivaḥ // (10.2) Par.?

tadāprabhṛti vai mokṣapravṛttirdvijasattamāḥ / (11.1) Par.?

sūta uvāca / (11.2) Par.?

evamuktvā tadāpaśyadbhavānīṃ parameśvaraḥ // (11.3) Par.?

bhavānī ca tamālokya māyāmaharadavyayā / (12.1) Par.?

te māyāmalanirmuktā munayaḥ prekṣya pārvatīm // (12.2) Par.?

prītā babhūvurmuktāś ca tasmādeṣā parā gatiḥ / (13.1) Par.?

umāśaṅkarayorbhedo nāstyeva paramārthataḥ // (13.2) Par.?

dvidhāsau rūpamāsthāya sthita eva na saṃśayaḥ / (14.1) Par.?

yadā vidvānasaṃgaḥ syādājñayā parameṣṭhinaḥ // (14.2) Par.?

tadā muktiḥ kṣaṇādeva nānyathā karmakoṭibhiḥ / (15.1) Par.?

kramo 'vivakṣito bhūtavivṛddhaḥ parameṣṭhinaḥ // (15.2) Par.?

prasādena kṣaṇānmuktiḥ pratijñaiṣā na saṃśayaḥ / (16.1) Par.?

garbhastho jāyamāno vā bālo vā taruṇo'pi vā // (16.2) Par.?

vṛddho vā mucyate jantuḥ prasādātparameṣṭhinaḥ / (17.1) Par.?

aṇḍajaś codbhijjo vāpi svedajo vāpi mucyate // (17.2) Par.?

prasādāddevadevasya nātra kāryā vicāraṇā / (18.1) Par.?

eṣa eva jagannātho bandhamokṣakaraḥ śivaḥ // (18.2) Par.?

bhūrbhūvaḥsvarmahaś caiva janaḥ sākṣāttapaḥ svayam / (19.1) Par.?

satyalokas tathāṇḍānāṃ koṭikoṭiśatāni ca // (19.2) Par.?

vigrahaṃ devadevasya tathāṇḍāvaraṇāṣṭakam / (20.1) Par.?

saptadvīpeṣu sarveṣu parvateṣu vaneṣu ca // (20.2) Par.?

samudreṣu ca sarveṣu vāyuskandheṣu sarvataḥ / (21.1) Par.?

tathānyeṣu ca lokeṣu vasanti ca carācarāḥ // (21.2) Par.?

sarve bhavāṃśajā nūnaṃ gatistveṣāṃ sa eva vai / (22.1) Par.?

sarvo rudro namastasmai puruṣāya mahātmane // (22.2) Par.?

viśvaṃ bhūtaṃ tathā jātaṃ bahudhā rudra eva saḥ / (23.1) Par.?

rudrājñaiṣā sthitā devī hyanayā muktiraṃbikā // (23.2) Par.?

ityevaṃ khecarāḥ siddhā jajalpuḥ prītamānasāḥ / (24.1) Par.?

yadāvalokya tān sarvānprasādādanayāṃbikā // (24.2) Par.?

tadā tiṣṭhanti sāyujyaṃ prāptāste khecarāḥ prabhoḥ // (25.1) Par.?

iti śrīliṅgamahāpurāṇe pūrvabhāge munimohaśamanaṃ nāma saptāśītitamo 'dhyāyaḥ // (26.1) Par.?