Texts

śrīmārkaṇḍeya uvāca / (1.1) Par.?

kāmapramodinīsakhyo nīyamānāṃ ca tena tu / (1.2) Par.?

dṛṣṭvā tāś cukruśuḥ sarvā niḥsṛtya jalamadhyataḥ // (1.3) Par.?

gatā rājagṛhe sarvāḥ kathayanti suduḥkhitāḥ / (2.1) Par.?

kāmapramodinī rājanhṛtā śyenena pakṣiṇā // (2.2) Par.?

krīḍantī ca jalasthāne taḍāge devasannidhau / (3.1) Par.?

anveṣyā ca tvayā rājaṃstasya mārgaṃ vijānatā // (3.2) Par.?

tāsāṃ tadvacanaṃ śrutvā devapannaḥ suduḥkhitaḥ / (4.1) Par.?

hāhetyuktvā samutthāya rudamāno varāsanāt // (4.2) Par.?

mantribhiḥ sahitastasmiṃstaḍāge jalasannidhau / (5.1) Par.?

na cihnaṃ na ca panthānaṃ dṛṣṭvā duḥkhānmumoha ca // (5.2) Par.?

tasya rājñastu duḥkhena duḥkhito nāgaro janaḥ / (6.1) Par.?

kṣaṇenāśvāsito rājā mantribhiḥ sapurohitaiḥ // (6.2) Par.?

kiṃ kurma ityuvācedamasminkāle vidhīyatām / (7.1) Par.?

sarvaistatsaṃvidaṃ kṛtvā vāhinīṃ caturaṅgiṇīm // (7.2) Par.?

preṣayāmi diśaḥ sarvā hastyaśvarathasaṃkulā / (8.1) Par.?

vāditrāṇi ca vādyante vyākulībhūtasaṃkule // (8.2) Par.?

nārācaistomarairbhallaiḥ khaḍgaiḥ paraśvadhādibhiḥ / (9.1) Par.?

rājā saṃnāhabaddho 'bhūdganaṃ grasate kila // (9.2) Par.?

na devo na ca gandharvo na daityo na ca rākṣasaḥ / (10.1) Par.?

kiṃ kariṣyati rājādya na jāne roṣaniṣkṛtim // (10.2) Par.?

nāgaro 'pi janastatra dṛṣṭvā cakitamānasaḥ / (11.1) Par.?

caturdaśasahasrāṇi dantināṃ sṛṇidhāriṇām // (11.2) Par.?

aśvārohasahasrāṇi hyaśītiḥ śastrapāṇinām / (12.1) Par.?

rathānāṃ trisahasrāṇi viṃśatirbharatarṣabha // (12.2) Par.?

saṅgrāmabherīninadaiḥ khurareṇurnabhogatā / (13.1) Par.?

etasminnantare tāta rakṣako nagarasya hi // (13.2) Par.?

gṛhītvābharaṇaṃ tasyāstvaṅgapratyaṅgikaṃ tathā / (14.1) Par.?

kuṇḍalāṅgadakeyūrahāranūpurajhallarīḥ // (14.2) Par.?

nivedyākathayadrājñe mayā dṛṣṭaṃ tvavekṣaṇāt / (15.1) Par.?

tāpasānāmāśrame tu māṇḍavyo yatra tiṣṭhati // (15.2) Par.?

tāpasairveṣṭito yatra dadṛśe tatra sannidhau / (16.1) Par.?

daṇḍavāsivacaḥ śrutvā pratyakṣāṅgavibhūṣaṇam // (16.2) Par.?

sa krodharaktanayano mantriṇo vīkṣya naigamān / (17.1) Par.?

īdṛgbhūtasamācāro brāhmaṇo nagare mama // (17.2) Par.?

cauracaryāṃ vratacchannaḥ paradravyāpaharakaḥ / (18.1) Par.?

tena kanyā hṛtā me 'dya tapasvipāpakarmiṇā // (18.2) Par.?

śākuntaṃ rūpamāsthāya jalastho gaganaṃ yayau / (19.1) Par.?

pākhaṇḍino vikarmasthān biḍālavratikāñchaṭhān // (19.2) Par.?

cāṭutaskaradurvṛttān hanyānnastyasya pātakam / (20.1) Par.?

na draṣṭavyo mayā pāpaḥ steyī kanyāpahārakaḥ // (20.2) Par.?

śūlam āropyatāṃ kṣipraṃ na vicārastu tasya vai / (21.1) Par.?

sa ca vadhyo mayā duṣṭo rakṣorūpī tapodhanaḥ // (21.2) Par.?

evaṃ bruvaṃścalankrodhādādiśya daṇḍavāsinam / (22.1) Par.?

kāryākāryaṃ na vijñāya śūlamāropayaddvijam // (22.2) Par.?

paurā jānapadāḥ sarve aśrupūrṇamukhāstadā / (23.1) Par.?

hāhetyuktvā rudantyanye vadanti ca pṛthakpṛthak // (23.2) Par.?

kutsitaṃ ca kṛtaṃ karma rājñā caṇḍālacāriṇā / (24.1) Par.?

brāhmaṇo naiva vadhyo hi viśeṣeṇa tapovṛtaḥ // (24.2) Par.?

yadi roṣasamācāro nirvāsyo nagarādbahiḥ / (25.1) Par.?

na jātu brāhmaṇaṃ hanyāt sarvapāpe 'pyavasthitam // (25.2) Par.?

rāṣṭrādenaṃ bahiṣkuryāt samagradhanamakṣatam / (26.1) Par.?

nāśnāti ca gṛhe rājannāgnirnagaravāsinām / (26.2) Par.?

sarve 'pyudvignamanaso gṛhavyāptivivarjitāḥ // (26.3) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe māṇḍavyaśūlāropaṇavarṇanaṃ nāma saptatyadhikaśatatamo 'dhyāyaḥ // (27.1) Par.?