Texts

vedam adhītya snāsyann ity uktaṃ samāvartanam // (1.1) Par.?

mantrabrāhmaṇaṃ veda ity ācakṣate // (2.1) Par.?

mantrabrāhmaṇayor vedanāmadheyam // (3.1) Par.?

mantrabrāhmaṇe yajñasya pramāṇam // (4.1) Par.?

mantrabrāhmaṇe adhītya cīrṇeṣu vā vrateṣu // (5.1) Par.?

etāvad eva nānā // (6.1) Par.?

atha devayajanollekhanaprabhṛty āgnimukhāt kṛtvā pālāśīṃ samidham ājyenāktvā madhyaṃdine 'bhyādadhāti // (7.1) Par.?

tat purastād vyākhyātam // (8.1) Par.?

atha keśaśmaśrulomanakhāvāpanenaiva pratipadyate siddham ā chatrādānāt kṛtvā pakvāj juhoti / (9.1) Par.?

āvahantī vitanvānā / (9.2) Par.?

kurvāṇā cīram ātmanaḥ / (9.3) Par.?

vāsāṃsi mama gāvaś ca / (9.4) Par.?

annapāne ca sarvadā / (9.5) Par.?

tato me śriyam āvaha / (9.6) Par.?

lomaśāṃ paśubhiḥ saha svāhā iti // (9.7) Par.?

athājyāhutīr upajuhoti / (10.1) Par.?

āmāyantu brahmacāriṇaḥ svāhā / (10.2) Par.?

yaśo jane 'sāni svāhā / (10.3) Par.?

śreyān vasyaso 'sāni svāhā / (10.4) Par.?

taṃ tvā bhaga praviśāni svāhā / (10.5) Par.?

sa mā bhaga praviśa svāhā iti // (10.6) Par.?

sviṣṭakṛtprabhṛti siddham ā dhenuvarapradānāt // (11.1) Par.?

athāgreṇāgniṃ bilvaśākhāyāṃ hutaśeṣaṃ nidadhāti / (12.1) Par.?

tasmin sahasraśākhe / (12.2) Par.?

ni bhagāhaṃ tvayi mṛje svāhā iti // (12.3) Par.?

atha pakvād upādāya prāśnāti / (13.1) Par.?

yathāpaḥ pravatā yanti / (13.2) Par.?

yathā māsā aharjaram / (13.3) Par.?

evaṃ māṃ brahmacāriṇaḥ / (13.4) Par.?

dhātar āyantu sarvataḥ svāhā iti // (13.5) Par.?

prāśyāpa ācamyoraḥ pratyātmānaṃ pratyabhimṛśate prativeśo 'si pra mā pāhi pra mā padyasva iti // (14.1) Par.?

so 'traivāste ā nakṣatrāṇām udayāt // (15.1) Par.?

athoditeṣu nakṣatreṣūpaniṣkramya diśa upatiṣṭhata iti siddham ata ūrdhvam // (16.1) Par.?

yasminn agnāv upanayati tasmin brahmacaryaṃ tasmin vratacaryaṃ tasmin samāvartanaṃ tasmin pāṇigrahaṇaṃ tasmin gṛhyāni karmāṇi kriyante // (17.1) Par.?

tasmin kāmyāni tasmin prajāsaṃskārā ityeke // (18.1) Par.?

sa eṣa upanayanaprabhṛti vyāhṛtībhiḥ samiddhir hūyata ā samāvartanāt // (19.1) Par.?

samāvartanaprabhṛtyājyena vyāhṛtībhir hūyata ā pāṇigrahaṇāt // (20.1) Par.?

pāṇigrahaṇaprabhṛti vrīhibhir yavair vā hastenaite āhutī juhoti agnaye svāhā prajāpataye svāhā iti sāyam / (21.1) Par.?

sūryāya svāhā prajāpataye svāhā iti prātar api // (21.2) Par.?

agnihotrahaviṣām anyatamena juhuyāt // (22.1) Par.?

parvaṇi parvaṇi cāgneyasthālīpākaḥ // (23.1) Par.?

sa eṣa āghāravān syād āgnihotriko vāpy āpūrviko vā // (24.1) Par.?

tena sarpiṣkatā vidyāvantaṃ brāhmaṇaṃ bhojayet // (25.1) Par.?

yo 'syāpacitatamas tasmā ṛṣabhaṃ dadyād ity eke // (26.1) Par.?

athāsyānugatasya yā prakṛtis tata āharaṇam // (27.1) Par.?

upavāso 'nugate 'nyatarasya bhāryāyāḥ patyur vā // (28.1) Par.?

api vaikāṃ juhuyāt / (29.1) Par.?

ayāś cāgne 'sy anabhiśastīś ca satyamittvamayā asi / (29.2) Par.?

ayasā manasā dhṛto 'yasā havyam ūhiṣe 'yā no dhehi bheṣajaṃ svāhā iti // (29.3) Par.?

āhuto vyākhyātaḥ // (30.1) Par.?