Texts

athātaḥ śaucādhiṣṭhānam // (1.1) Par.?

adbhiḥ śudhyanti gātrāṇi buddhir jñānena śudhyati / (2.1) Par.?

ahiṃsayā ca bhūtātmā manaḥ satyena śudhyati / (2.2) Par.?

iti // (2.3) Par.?

manaḥśuddhir antaḥśaucam // (3.1) Par.?

bahiḥśaucaṃ vyākhyāsyāmaḥ // (4.1) Par.?

kauśaṃ sautraṃ vā tristrivṛd yajñopavītam // (5.1) Par.?

ā nābheḥ // (6.1) Par.?

dakṣiṇaṃ bāhum uddhṛtya savyam avadhāya śiro 'vadadhyāt // (7.1) Par.?

viparītaṃ pitṛbhyaḥ // (8.1) Par.?

kaṇṭhe 'vasaktaṃ nivītam // (9.1) Par.?

adho 'vasaktaṃ adhovītam // (10.1) Par.?

prāṅmukha udaṅmukho vāsīnaḥ śaucam ārabheta śucau deśe dakṣiṇam bāhuṃ jānvantarā kṛtvā prakṣālya pādau pāṇī cāmaṇibandhāt // (11.1) Par.?

pādaprakṣālanoccheṣaṇena nācāmet // (12.1) Par.?

yady ācāmed bhūmau srāvayitvācāmet // (13.1) Par.?

brāhmeṇa tīrthenācāmet // (14.1) Par.?

aṅguṣṭhamūlaṃ brāhmaṃ tīrtham // (15.1) Par.?

aṅguṣṭhāgraṃ pitryam aṅgulyagraṃ daivam aṅgulimūlam ārṣam // (16.1) Par.?

nāṅgulībhir na sabudbudābhir na saphenābhir noṣṇābhirna kṣārābhir na lavaṇābhir na kaluṣābhir na vivarṇābhir na durgandharasābhiḥ // (17.1) Par.?

na hasan na jalpan na tiṣṭhan na vilokayan na prahvo na praṇato na muktaśikho na prāvṛtakaṇṭho na veṣṭitaśirā na tvaramāṇo nāyajñopavītī na prasāritapādo na baddhakakṣyo na bahirjānuḥ śabdam akurvan // (18.1) Par.?

trir apo hṛdayaṃgamāḥ pibet // (19.1) Par.?

triḥ parimṛjet // (20.1) Par.?

dvir ity eke // (21.1) Par.?

sakṛd ubhayaṃ śūdrasya striyāś ca // (22.1) Par.?

athāpy udāharanti / (23.1) Par.?

gatābhir hṛdayaṃ vipraḥ kaṇṭhyābhiḥ kṣatriyaḥ śuciḥ / (23.2) Par.?

vaiśyo 'dbhiḥ prāśitābhiḥ syāt strīśūdrau spṛśya cāntataḥ / (23.3) Par.?

iti // (23.4) Par.?

dantavad dantasakteṣu dantavat teṣu dhāraṇāt / (24.1) Par.?

srasteṣu teṣu nācāmet teṣāṃ saṃsrāvavacchuciḥ / (24.2) Par.?

iti // (24.3) Par.?

athāpy udāharanti / (25.1) Par.?

dantavad dantalagneṣu yaccāpyantar mukhe bhavet / (25.2) Par.?

ācāntasyāvaśiṣṭaṃ syān nigirann eva tacchuciḥ / (25.3) Par.?

iti // (25.4) Par.?

khāny adbhiḥ saṃspṛśya pādau nābhiṃ śiraḥ savyaṃ pāṇimantataḥ // (26.1) Par.?

taijasaṃ ced ādāyocchiṣṭī syāt tadudasyācamyādāsyann adbhiḥ prokṣet // (27.1) Par.?

atha ced annenocchiṣṭī syāt tad udasyācamyādāsyann adbhiḥ prokṣet // (28.1) Par.?

atha ced adbhir ucchiṣṭī syāt tad udasyācamyādāsyann adbhiḥ prokṣet // (29.1) Par.?

etad eva viparītam amatre // (30.1) Par.?

vānaspatye vikalpaḥ // (31.1) Par.?

taijasānām ucchiṣṭānāṃ gośakṛnmṛdbhasmabhiḥ parimārjanamanyatamena vā // (32.1) Par.?

tāmrarajatasuvarṇānām amlaiḥ // (33.1) Par.?

amatrāṇāṃ dahanam // (34.1) Par.?

dāravāṇāṃ takṣaṇam // (35.1) Par.?

vaiṇavānāṃ gomayena // (36.1) Par.?

phalamayānāṃ govālarajjvā // (37.1) Par.?

kṛṣṇājinānāṃ bilvataṇḍulaiḥ // (38.1) Par.?

kutapānām ariṣṭaiḥ // (39.1) Par.?

aurṇānām ādityena // (40.1) Par.?

kṣaumāṇāṃ gaurasarṣapakalkena // (41.1) Par.?

mṛdā celānām // (42.1) Par.?

celavac carmaṇām // (43.1) Par.?

taijasavad upalamaṇīnām // (44.1) Par.?

dāruvad asthnām // (45.1) Par.?

kṣaumavacchaṅkhaśṛṅgaśuktidantānām // (46.1) Par.?

payasā vā // (47.1) Par.?

cakṣurghrāṇānukūlyād vā mūtrapurīṣāsṛjśukrakuṇapaspṛṣṭānāṃ pūrvoktānām anyatamenatriḥsaptakṛtvaḥ parimārjanam // (48.1) Par.?

ataijasānām evaṃbhūtānām utsargaḥ // (49.1) Par.?

vacanād yajñe camasapātrānām // (50.1) Par.?

na somenocchiṣṭā bhavantīti śrutiḥ // (51.1) Par.?

kālo 'gnir manasaḥ śuddhir udakādyupalepanam / (52.1) Par.?

avijñātaṃ ca bhūtāṇāṃ ṣaḍvidhaṃ śaucam ucyate // (52.2) Par.?

athāpy udāharanti / (53.1) Par.?

kālaṃ deśaṃ tathātmānaṃ dravyaṃ dravyaprayojanam / (53.2) Par.?

upapattim avasthāṃ ca vijñāya śaucaṃ śaucajñaḥ kuśalo dharmepsuḥ samācaret // (53.3) Par.?