Texts

hariruvāca / (1.1) Par.?

pavitrāropaṇaṃ vakṣye bhuktimuktipradaṃ hareḥ / (1.2) Par.?

purā devāsure yuddhe brahmādyāḥ śaraṇaṃ yayuḥ // (1.3) Par.?

viṣṇuśca teṣāṃ devānāṃ dhvajaṃ graiveyakaṃ dadau / (2.1) Par.?

etau dṛṣṭvā vinaṅkṣyanti dānavānabravīddhariḥ // (2.2) Par.?

viṣṇūkte hyabravīnnāgo vāsukeranujastadā / (3.1) Par.?

vṛṇīta ca pavitrākhyaṃ varaṃ cedaṃ vṛṣadhvaja // (3.2) Par.?

graiveyaṃ haridattaṃ tu mannāmnā khyātimeṣyati / (4.1) Par.?

ityukte tena te devāstannāmnā tadvaraṃ viduḥ // (4.2) Par.?

prāvṛṭkāle tu ye martyā nārciṣyanti pavitrakaiḥ / (5.1) Par.?

teṣāṃ sāṃvatsarī pūjā viphalā ca bhaviṣyati // (5.2) Par.?

tasmātsarveṣu deveṣu pavitrāropaṇaṃ kramāt / (6.1) Par.?

pratipatpaurṇamāsyāntā yasya yā tithirucyate // (6.2) Par.?

dvādaśyāṃ viṣṇave kāryaṃ śukle kṛṣṇe 'thavā hara / (7.1) Par.?

vyatīpāte 'yane caiva candrasūryagrahe śiva // (7.2) Par.?

viṣṇave vṛddhikārye ca gurorāgamane tathā / (8.1) Par.?

nityaṃ pavitramuddiṣṭaṃ prāvṛṭkāle tvavaśyakam // (8.2) Par.?

kauśeyaṃ paṭṭasūtraṃ vā kārpāsaṃ kṣaumameva vā / (9.1) Par.?

kuśasūtraṃ dvijānāṃ syād rājñā kauśeyapaṭṭakam // (9.2) Par.?

vaiśyānāṃ cīraṇaṃ kṣaumaṃ śūdrāṇāṃ śaṇavalkajam / (10.1) Par.?

kārpāsaṃ padmajaṃ caiva sarveṣāṃ śastamīśvara // (10.2) Par.?

brāhmaṇyā kartitaṃ sūtraṃ triguṇaṃ triguṇīkṛtam / (11.1) Par.?

oṃkāro 'tha śivaḥ somo hyagnir brahmā phaṇī raviḥ // (11.2) Par.?

vighneśo viṣṇurityete sthitāstantuṣu devatāḥ / (12.1) Par.?

brahmā viṣṇuśca rudraśca trisūtre devatāḥ smṛtāḥ // (12.2) Par.?

sauvarṇe rājate tāmre vaiṇave mṛnmaye nyaset / (13.1) Par.?

aṅguṣṭhena catuḥṣaṣṭiḥ śreṣṭhaṃ madhyaṃ tadardhataḥ // (13.2) Par.?

tadardhā tu kaniṣṭhā syāt sūtram aṣṭottaraṃ śatam / (14.1) Par.?

uttamaṃ madhyamaṃ caiva kanyasaṃ pūrvavatkramāt // (14.2) Par.?

uttamo 'ṅguṣṭhamānena madhyamo madhyamena tu / (15.1) Par.?

kanyase ca kaniṣṭhena aṅgulyā granthayaḥ smṛtāḥ // (15.2) Par.?

vimāne sthaṇḍile caiva etatsāmānyalakṣaṇam / (16.1) Par.?

śivoddhṛtaṃ pavitraṃ tu pratimāyāṃ ca kārayet // (16.2) Par.?

hṛnnābhirūrumāne ca jānubhyāmavalambinī / (17.1) Par.?

aṣṭottarasahasreṇa catvāro granthayaḥ smṛtāḥ // (17.2) Par.?

ṣaṭtriṃśacca caturviṃśad dvādaśa granthayo 'thavā / (18.1) Par.?

uttamādiṣu vijñeyāḥ parvabhirvā pavitrakam // (18.2) Par.?

carcitaṃ kuṅkumenaiva haridrācandanena vā / (19.1) Par.?

sopavāsaḥ pavitraṃ tu pātrasthamadhivāsayet // (19.2) Par.?

aśvatthapatrapuṭake aṣṭadikṣu niveśitam / (20.1) Par.?

daṇḍakāṣṭhaṃ kuśāgraṃ ca pūrve saṅkarṣaṇena tu // (20.2) Par.?

rocanākuṅkumenava pradyumnena tu dakṣiṇe / (21.1) Par.?

yuddhārtho phalasiddhyarthamaniruddhena paścime // (21.2) Par.?

candanaṃ nīlayuktaṃ ca tilabhasmākṣataṃ tathā / (22.1) Par.?

āgneyādiṣu koṇeṣu rśyādīnāṃ tu kramānnyaset // (22.2) Par.?

pavitraṃ vāsudevena abhimantrya sakṛtsakṛt / (23.1) Par.?

dṛṣṭvā punaḥ prapūjyātha vastreṇācchādya yatnataḥ // (23.2) Par.?

devasya purataḥ sthāpyaṃ pratimāmaṇḍalasya vā / (24.1) Par.?

paścime dakṣiṇe caiva uttare pūrvavatkramāt // (24.2) Par.?

brāhmādīṃścāpi saṃsthāpya kalaśaṃ cāpi pūjayet / (25.1) Par.?

astreṇa maṇḍalaṃ kṛtvā naivedyaṃ ca samarpayet // (25.2) Par.?

adhivāsya pavitraṃ tu trisūtreṇa navena vā / (26.1) Par.?

vedikāṃ veṣṭayitvā tu ātmānaṃ kalaśaṃ ghṛtam // (26.2) Par.?

agnikuṇḍaṃ vimānaṃ ca maṇḍapaṃ gṛhameva ca / (27.1) Par.?

sūtramekaṃ tu saṃgṛhya dadyāddevasya mṛrdhāni // (27.2) Par.?

dattvā paṭhedimaṃ mantraṃ pūjayitvā maheśvaram / (28.1) Par.?

āvāhito 'si deveśa pūjārthaṃ parameśvara // (28.2) Par.?

tatprabhāte 'rcayiṣyāmi sāmagyāḥ sannidhau bhava / (29.1) Par.?

ekarātraṃ trirātraṃ vā adhivāsya pavitrakam // (29.2) Par.?

rātrau jāgaraṇaṃ kṛtvā prātaḥ sampūjya keśavam / (30.1) Par.?

āropayetkrameṇaiva jyeṣṭhamadhyakanīyasam // (30.2) Par.?

dhūpayitvā pavitraṃ tu mantreṇaivābhimantrayet / (31.1) Par.?

prajaptagranthikaṃ caiva pūjayetkusumādibhiḥ // (31.2) Par.?

gāyattryā cārcitaṃ tena devaṃ sampūjya dāpayet / (32.1) Par.?

samaṃ putrakalatrādyaiḥ sūtrapucchaṃ tu dhārayet // (32.2) Par.?

viśuddhagranthikaṃ ramyaṃ mahāpātakanāśanam / (33.1) Par.?

sarvapāpakṣayaṃ deva tavāgre dhārayāmyaham // (33.2) Par.?

evaṃ dhūpādinābhyarcya madhyamādīn samarpayet / (34.1) Par.?

pavitraṃ vaiṣṇavaṃ tejaḥ sarvapātakanāśanam // (34.2) Par.?

dharmakāmārthasiddhyarthaṃ svakaṇṭhe dhārayāmyaham / (35.1) Par.?

vanamālāṃ samabhyarcya svena mantreṇa dāpayet // (35.2) Par.?

naivedyaṃ vividhaṃ dattvā kusumāderbaliṃ haret / (36.1) Par.?

agniṃ saṃtarpya tatrāpi dvādaśāṅgulamānataḥ // (36.2) Par.?

aṣṭottaraśatenaiva dadyādekapavitrakam / (37.1) Par.?

ādau dattvārghyamāditye tatra caikaṃ pavitrakam // (37.2) Par.?

viṣvaksenaṃ tataḥ prārcya surum arghyādibhir hara / (38.1) Par.?

devasyāgre paṭhenmantraṃ kṛtāñjalipuṭaḥ sthitaḥ // (38.2) Par.?

jñānato 'jñānato vāpi pūjanādi kṛtaṃ mayā / (39.1) Par.?

tatsarvaṃ pūrṇamevāstu tvatprasādātsureśvara // (39.2) Par.?

maṇividrumamālābhir mandārakusumādibhiḥ / (40.1) Par.?

iyaṃ sāṃvatsarī pūjā tavāstu garuḍadhvaja // (40.2) Par.?

vanamālā yathā deva kaustubhaṃ satataṃ hṛdi / (41.1) Par.?

tadvatpavitraṃ tantūnāṃ mālāṃ tvaṃ hṛdaye dhara // (41.2) Par.?

evaṃ prārthya dvijān bhojya dattvā tebhyaśca dakṣiṇām / (42.1) Par.?

visarjayettu tenaiva sāyāhne tvapare 'hani // (42.2) Par.?

sāṃvatsarīmimāṃ pūjāṃ sampādya vidhivanmayā / (43.1) Par.?

vrajeḥ pavitrakedānīṃ viṣṇulokaṃ visarjitaḥ // (43.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe viṣṇupavitrāropaṇaṃ nāma tricatvāriṃśo 'dhyāyaḥ // (44.1) Par.?